Nga Redi Minga:
Ka raste kur një pushtim nuk vjen me tanke, ushtarë apo zhurmë. Vjen ngadalë, në heshtje, duke hyrë cep më cep dhe duke marrë gjithçka përpara.
Sot shqiptarët po përballen me një realitet që kërkon vëmendje. “Zogu i Tunës” po ju pushton në heshtje, ndërsa vendi duket sikur po digjet nga njëra anë në tjetrën.
Nga qytetet te zonat turistike, nga pyjet te pronat dhe hapësirat publike, gjithnjë e më shumë njerëz ngrenë pyetjen: Kush po e kontrollon territorin dhe kush po përfiton prej tij?
Ndërsa qytetari i zakonshëm lufton me çmimet, taksat, emigracionin dhe pasigurinë për të ardhmen, vendi vazhdon të përballet me kriza të njëpasnjëshme. Në shumë raste, reagimi i institucioneve perceptohet si i vonuar ose i pamjaftueshëm.
Dhe pikërisht këtu lind dyshimi më i madh: a po ndodh gjithçka rastësisht, apo kemi të bëjmë me një proces që po zhvillohet gradualisht para syve tanë?
Nuk mjafton më të shohim vetëm flakët kur ato shfaqen. Duhet të pyesim se çfarë ndodh përpara se zjarri të nisë, kush ka përgjegjësi dhe pse mekanizmat shtetërorë nuk funksionojnë në kohë.
Shqipëria nuk është plaçkë për t’u ndarë në heshtje. Është vendi i shqiptarëve dhe çdo vendim që prek territorin, pasuritë dhe të ardhmen e tij duhet të jetë transparent dhe i kontrollueshëm nga publiku.
Sepse kur pushtimi bëhet në heshtje, qytetari e kupton vetëm kur është tepër vonë.
Ndalohet kopjimi sipas ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar PatriotikMedia.al
