Nga Redaksia – Amerika predikon demokracinë në të gjithë botën, ndërsa një votim i fundit në Senatin amerikan ngre pikëpyetje të forta mbi mënyrën se si funksionon demokracia në vetë Shtetet e Bashkuara.
Një sondazh i Data for Progress tregoi se 82% e votuesve republikanë të anketuar mbështesnin një hetim dhe raportim zyrtar mbi rastet e qytetarëve amerikanë të vrarë ose dëmtuar nga forcat izraelite apo kolonët izraelitë.
Në Senat, ndërkohë, 52 senatorë republikanë votuan kundër rezolutës, ndërsa vetëm një republikan, Rand Paul, votoi pro.
Këtu shfaqet një mospërputhje e fortë mes qëndrimit të shprehur nga shumica dërrmuese e votuesve republikanë në sondazh dhe votës së senatorëve republikanë në këtë rast konkret.
Përse senatorët amerikanë nuk pranojnë të votojnë kundër Izraelit kur bëhet fjalë për kërkesën për llogaridhënie për vrasjen e qytetarëve amerikanë?
Për kritikët e politikës amerikane ndaj Izraelit, përgjigjja lidhet me ndikimin e jashtëzakonshëm të lobit pro-Izrael në Uashington. Në debatin publik janë ngritur edhe akuza se shërbimet izraelite, përfshirë Mossadin, që ushtrojnë ndikim mbi politikën amerikane.
Kjo është edhe akuza më e rëndë që ngrihet pas këtij votimi: pse senatorët nuk votojnë kundër Izraelit sepse janë nën ndikimin ose kontrollin e strukturave izraelite.
Senati pritej të kishte një tjetër dimension.
Por ajo që dihet dhe dokumentohet është se Senati e rrëzoi rezolutën me 47 vota pro dhe 51 kundër, ndërsa një sondazh i publikuar para votimit tregoi se 82% e votuesve republikanë të anketuar mbështesnin një hetim.
Kontrasti është i qartë.
Votuesit kërkojnë përgjigje.
Senatorët votojnë kundër rezolutës.
Dhe lidhja mes politikës amerikane dhe ndikimit pro-Izrael mbetet në qendër të debatit.
Pyetja që mbetet për Uashingtonin është:
Përse kur viktimat janë qytetarë amerikanë, Senati nuk kërkon llogari nga Izraeli?
Faktet janë të qarta – Rezultati zyrtar i votimit në Senat
Demokracia amerikane është kthyer prej vitesh në një produkt që eksportohet si model për pjesën tjetër të botës. Washingtoni u kërkon vendeve të tjera transparencë, llogaridhënie dhe respektim të vullnetit qytetar.
Por kur një shumicë dërrmuese e votuesve të një partie mbështet një kërkesë për transparencë dhe përfaqësuesit e saj në Senat votojnë pothuajse unanimisht kundër, kontradikta bëhet e pamundur për t’u injoruar.
Çështja bëhet edhe më e ndjeshme sepse nuk kemi të bëjmë me një debat abstrakt politik.
Bëhet fjalë për qytetarë amerikanë dhe kërkesën për të hetuar rrethanat e vrasjes ose dëmtimit të tyre.
Faktet janë aty.
Tani mbetet pyetja më e madhe:
Nëse zëri i shumicës dëgjohet në zgjedhje, por injorohet në momentin kur merret vendimi politik, atëherë sa larg është Uashingtoni nga qytetari amerikan?
© Copyright of PatriotikMedia.al
