Nga Redaksia – Ambasada e Shteteve të Bashkuara në Tiranë ka dhënë sinjalin e shumëpritur për nisjen zyrtare të detyrës së ambasadorit të ri amerikan në Shqipëri, Eric Wendt.
Përmes një postimi në rrjetet sociale, Ambasada amerikane ka publikuar pamje nga ngritja e flamurit amerikan në rezidencën zyrtare, duke e shoqëruar momentin me mesazhin se ardhja e Wendt shënon fillimin e një kapitulli të ri në marrëdhëniet shqiptaro-amerikane.
<blockquote class=”twitter-tweet”><p lang=”en” dir=”ltr”>A new chapter begins in Albania! The Marine Security Guard raised the American flag over the official residence as Ambassador Wendt assumes his post. Under President Trump, our alliances are at their strongest when we stand together, share responsibility, and build a more prosperous and safer future for both our nations.
“Një kapitull i ri fillon në Shqipëri! Roja e Sigurisë së Marinës ngriti flamurin amerikan mbi rezidencën zyrtare, ndërsa Ambasadori Wendt merr detyrën e tij. Nën Presidentin Trump, aleancat tona janë më të forta kur qëndrojmë së bashku, ndajmë përgjegjësinë dhe ndërtojmë një të ardhme më të begatë dhe më të sigurt për të dy kombet tona”, shkruan Ambasada e SHBA-së në Tiranë.
Eric Wendt mbërriti në Shqipëri më 25 shtator dhe më 26 shtator i paraqiti letrat kredenciale Presidentit Bajram Begaj në Pallatin e Brigadave, duke nisur zyrtarisht mandatin e tij si ambasador i Shteteve të Bashkuara në Tiranë.
Ardhja e Wendt vjen pas përfundimit të mandatit të Yuri Kim në vitin 2023 dhe një periudhe pa një ambasador të konfirmuar amerikan në Tiranë.
Profili i ambasadorit të ri është i lidhur ngushtë me fushën e sigurisë dhe mbrojtjes. Wendt është gjeneral-lejtnant në pension dhe ka shërbyer për më shumë se tri dekada në ushtrinë amerikane, përfshirë edhe drejtimin e Komandës së Operacioneve Speciale të NATO-s.
Gjatë procesit të konfirmimit në Senatin amerikan, Wendt ka vënë në fokus forcimin e bashkëpunimit në siguri dhe mbrojtje, luftën kundër korrupsionit dhe krimit të organizuar, si dhe zgjerimin e marrëdhënieve ekonomike dhe tregtare mes dy vendeve.
Me marrjen e detyrës dhe ngritjen e flamurit amerikan në rezidencën zyrtare, Ambasada e SHBA-së në Tiranë e ka shënuar publikisht nisjen e një etape të re diplomatike.
Mesazhi i publikuar nga ambasada vendos në qendër aleancën SHBA-Shqipëri dhe bashkëpunimin për sigurinë, përgjegjësinë e përbashkët dhe zhvillimin ekonomik.
© Copyright of PatriotikMedia.al
