Nga Redaksia – Vdekja e papritur e senatorit republikan amerikan Lindsey Graham ka shkaktuar një valë spekulimesh në rrjetet sociale, ku kanë nisur të qarkullojnë teori të shumta konspirative mbi shkaqet e ngjarjes.
Sipas zyrës së tij, Graham ndërroi jetë pas një “sëmundjeje të shkurtër dhe të papritur”.
Dyshimet u shtuan pasi senatori kishte zhvilluar pak ditë më parë një vizitë në Kiev, ku kishte takuar drejtues ukrainas dhe kishte vizituar një fabrikë dronësh. Kjo ka bërë që në rrjetet sociale të përhapen pretendime se ai mund të jetë eliminuar nga shërbimet ruse, megjithëse deri më tani nuk është paraqitur asnjë provë që mbështet këto pretendime.
Një nga teoritë më të përhapura pretendon se Graham mund të jetë helmuar gjatë vizitës në Ukrainë me një substancë që do të shkaktonte simptoma të ngjashme me një atak kardiak vetëm pasi ishte kthyer në Shtetet e Bashkuara. Të tjera spekulime flasin për një sulm rus ndaj një objekti ushtarak ukrainas, por këto pretendime bien ndesh me informacionet zyrtare, sipas të cilave Graham ishte kthyer në SHBA përpara se të ndërronte jetë.
Analistë dhe komentues të ndryshëm vlerësojnë se teori të tilla po ushqehen nga klima e polarizuar politike dhe gara për vëmendje në rrjetet sociale. Në epokën e dezinformimit dhe të ashtuquajturës “post-truth”, ngjarje të tilla shpesh shoqërohen me narrativa konspirative që përhapen shumë më shpejt sesa faktet e verifikuara.
Deri në këto momente, autoritetet amerikane nuk kanë bërë publike asnjë provë që të sugjerojë se vdekja e Lindsey Graham lidhet me një akt kriminal apo me ndërhyrje të huaj. Shkaku zyrtar i vdekjes mbetet ai i bërë publik nga zyra e senatorit: një sëmundje e papritur dhe e shkurtër.
Ndalohet kopjimi sipas ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar PatriotikMedia.al
