Nga Av. Altin Goxhaj:
Në një postim në rrjetet sociale i mirënjohuri Avokati Goxhaj, vjen me një analizë të drejtpërdrejtë dhe pa filtra mbi zhvillimet më të fundit në skenën ndërkombëtare. I njohur për qëndrimet e tij të forta dhe leximin kritik të politikës globale, ai sjell një këndvështrim ndryshe mbi armëpushimin 2-javor, duke ndarë qartë fituesit dhe humbësit në këtë përballje të ndërlikuar gjeopolitike.
Postimi i plotë:
Kush fitoi dhe kush humbi? ARMËPUSHIMI 2 JAVOR: TË GJITHË FITUES PËRVEÇ IZRAELIT DHE .. TRUMP PERSONALISHT! SHBA: fitoi shtyrjen e krizës që krijoi (shans për mosvazhdim të luftës në varësi të negociatave)
IRAN: fitoi hapësirë dhe prestigj ndërkombëtar (u bë shteti më i rrezikshëm në glob për këdo që ka interesa ekonomike në rajon sepse nuk duhet të armiqësohet me bishën e tërbuar, përkundrazi të ketë marëdhënie sa më të mira diplomatike: Spanja modeli)
PAKISTANI: u ngrit në nivel global (si lojtar që zgjidh hallet e pazgjidhshme)
KINA/RUSIA: shohin nga larg dhe përfitojnë si financiarisht ashtu edhe politikisht (sidomos në raport me SHBA duke parë rezultatet e suksesit në terren të asistencës së tyre ushtarake)
EUROPA: përkohësisht të fituar në raport me çmimet 2 javore (por të tredhur se s’kanë asgjë në dorë ndërkohë u ka humbur arsyeja morale dhe energjetike e vazhdimit të luftës me Rusinë)
LINDJA E MESME: përkohësisht të fituar me rinegocimin e luftës dhe paqes të luftës që nuk është e tyre por lë pasoja në territorin e tyre.
IZRAELI: është i humbur në aspektin si ushtarak dhe strategjik sepse mund të mbeten vetëm në këtë luftë (për aq sa nuk vazhdojnë avazin e përhershëm të fals flageve, krijimit të inçidenteve dhe Libani dhe Palestina janë testi)
TRUMP: i humbur si reputacion globalisht dhe sidomos në bazën e vet elektorale.