Nga Redaksia:
Ngjarja e fundit në sheshin qendror të Tiranës është më shumë se një incident sportiv: është fotografia e gjallë e rënies morale të një populli që nuk po mbron dot as më të shenjtin simbol të tij.
Disa huliganë polakë të ekipit Jagiellonia, të njohur për lidhjet e tyre pro-serbe dhe anti-shqiptare, përdhosën bustin e Gjergj Kastriotit Skënderbeut, Heroit tonë Kombëtar, duke kryer gjeste të turpshme poshtë tij. Pak minuta më pas, ata shpalosën flamurin me mbishkrimin “Kosova është Serbi” dhe kënduan korin e tyre famëkeq: “Vritini shqiptarët!”
E gjitha kjo ndodhi në zemër të Tiranës, nën sytë e shqiptarëve që kalonin, filmonin dhe komentonin në rrjete sociale. Asnjë reagim, asnjë mbrojtje e nderit kombëtar. Një popull që nuk ngrihet për bustin e Skënderbeut, nuk ngrihet për asgjë!
Çfarë na tregon kjo? Se shqiptarët po sillen si të ardhur, jo si bij të truallit. Një komb që harron rrënjët e veta, që nuk ruan dot simbolet e shenjta, është një komb i shuar në shpirt. Në çdo vend tjetër të botës, një akt i tillë do të kishte pasur pasoja të menjëhershme. Në Shqipëri? Heshtje dhe turp.
Policia ende “mendon” nëse do të ndëshkojë huliganët. Por dëmi tashmë është bërë: fakti që një grusht të huajsh mund të përdhosin Skënderbeun në mes të Tiranës dhe shqiptarët të rrinë si spektatorë, është shenjë e dekadencës sonë kombëtare.
Një komb që nuk mbron Skënderbeun, nuk mbron dot as flamurin, as gjuhën, as atdheun.
Një komb që hesht kur e shajnë, do të heshtë edhe kur ta pushtojnë.
Thirrje për rininë shqiptare
Rini shqiptare, ose ngrihuni dhe tregoni se ky vend ka zot, ose pranoni të jetoni si skllevër pa emër, pa nder dhe pa të ardhme. Historia nuk pret për frikacakët – ajo ose i nderon ata që mbrojnë atdheun, ose i fshin ata që e tradhtojnë.
Zgjohu Shqipëri! Ose ngrihu, ose zhduku!
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.