VIDEO: News24 ndërpret transmetimin sapo protestuesi përmend Sorosin: A po mbrohen njerëzit e tij në studiot televizive …

Nga Redaksia:

PatriotikMedia.al e ka denoncuar prej kohësh këtë fenomen. Ajo që ndodhi sot gjatë intervistës së Erald Nojit me gazetarin Osman Stafa tregoi edhe një herë se sa e pakëndshme bëhet tema e Sorosit për News24. Kur protestuesi nisi të fliste për ndikimin e njerëzve të lidhur me Sorosin në protestë dhe në media, transmetimi u ndërpre.

PatriotikMedia.al ka ngritur prej kohësh shqetësimin për rolin që po luan News24 në pasqyrimin e protestave kundër Edi Ramës dhe promovimin e personazheve të lidhur me rrjetet e George Sorosit në studiot e saj televizive.

Më poshtë mund të lexoni:

Madje, kur kemi denoncuar këtë fenomen dhe kemi kritikuar mënyrën se si kjo media po trajtonte mediat që transmetonin drejtpërdrejt protestën, jemi përballur edhe me ofendime. Por kjo nuk na ka ndalur. PatriotikMedia.al i qëndron besnik të vërtetës dhe nuk tërhiqet përballë presioneve apo sulmeve.

Më poshtë mund të lexoni:

Ajo që ndodhi sot në bulevardin “Dëshmorët e Kombit” e bëri edhe më të dukshëm këtë debat.

Një ndër qëndrestarët e protestave kundër Edi Ramës, Erald Noj, gjatë një interviste me gazetarin e News24, Osman Stafa, ngriti akuza të drejtpërdrejta për ndikimin e njerëzve të lidhur me George Sorosin në protestë dhe në mediat shqiptare.

Protestuesi foli hapur për atë që ai e konsideron si përpjekje për të kapur dhe kontrolluar protestën, duke përmendur edhe promovimin e personazheve të lidhur me fondacionin Soros në studiot televizive.

Por pikërisht në momentin kur biseda u përqendrua te Sorosi dhe te pretendimet e protestuesit për fshirjen e videove të tij nga kanalet e YouTube dhe rrjetet sociale, situata ndryshoi.

Gazetari Osman Stafa ndërhyri disa herë, duke e cilësuar qëndrimin e protestuesit si ngarkesë emocionale dhe duke u përpjekur ta zhvendoste bisedën nga akuzat konkrete që ai po ngrinte.

Erald Noj këmbënguli se nuk bëhej fjalë për emocione, por për persona që, sipas tij, njihen me emra dhe mbiemra. Ai deklaroi se protestuesit nuk do të lejojnë që kontributi i tyre të përdoret për të promovuar figura që i konsiderojnë pjesë të rrjeteve sorosiane.

Dhe më pas ndodhi ajo që ngre pikëpyetje serioze: News24 ndërpreu transmetimin nga protesta.

Pse bëhet kaq e vështirë të flitet për Sorosin në News24?

Këtu qëndron thelbi i denoncimit tonë.

PatriotikMedia.al e ka evidentuar që në ditët e para të protestës mënyrën se si News24 u jep hapësirë televizive personazheve të caktuar, të cilët kritikohen nga protestuesit për lidhjet e tyre me rrjetet e Sorosit.

Më poshtë mund të lexoni:

Por kur një qytetar del drejtpërdrejt në transmetim dhe kërkon të flasë për këtë çështje, pse duhet të ndërpritet intervista?

A është kjo gazetari e lirë apo një filtër editorial që përcakton se cilat akuza mund të dëgjohen dhe cilat duhet të ndërpriten?

Më poshtë mund të lexoni:

Nëse News24 pretendon se është një media e pavarur, atëherë duhet të lejojë edhe zërat kritikë të shprehen.

Më poshtë mund të lexoni:

Gazetari mund të kundërshtojë, të kërkojë prova dhe të bëjë pyetje të vështira, por ndërprerja e transmetimit pikërisht kur përmendet një emër i caktuar krijon dyshime të forta për standardet editoriale të kësaj mediaje.

Më poshtë mund të lexoni:

PatriotikMedia.al nuk po kërkon që News24 të mbështesë akuzat e protestuesve. Po kërkon që ato të mos censurohen dhe që publiku të ketë mundësinë t’i dëgjojë e t’i gjykojë vetë.

PatriotikMedia.al nuk do të heshtë!

Sot, në ditën e 20-të të protestës kundër Edi Ramës, një tjetër episod ka rikthyer në qendër të vëmendjes marrëdhënien mes mediave, personazheve të promovuar prej tyre dhe ndikimit që protestuesit pretendojnë se ushtrojnë rrjetet e Sorosit.

Ne do të vazhdojmë të denoncojmë çdo përpjekje për të kontrolluar narrativën e protestës dhe për të vendosur se kush ka të drejtë të flasë e kush duhet të heshtë.

Një media që transmeton vetëm atë që i përshtatet linjës së saj editoriale, por ndërpret zërin e qytetarit kur ai prek tema të pakëndshme, duhet të japë llogari për standardet që zbaton.

PatriotikMedia.al ka zgjedhur të mos jetë pjesë e kësaj loje. Ne nuk kemi sponsorë politikë dhe nuk kemi arsye të mbrojmë askënd nga kritika.

E vërteta nuk mund të ndërpritet me butonin e transmetimit!

Shikoni intervistën e Erald Nojit me Osman Stafën dhe gjykojeni vetë momentin kur biseda ndërpritet.

© Copyright of PatriotikMedia.al