Europa vazhdon të sillet sikur jemi ende në shekullin e kaluar. Të njëjtat manuale ideologjike, të njëjtat teza të konsumuara, të njëjtat receta që kanë prodhuar vetëm kriza, varfëri dhe kaos
Nga Redi Minga:
Prej dekadash, Europa ka funksionuar mbi manuale ideologjike të vjetra, të ndërtuara në shekullin e kaluar, që sot nuk “pijnë më ujë”. Këto teza, të servirura si progres, demokraci dhe humanizëm, në realitet kanë prodhuar kaos ekonomik, dobësim shtetesh dhe humbje sovraniteti kombëtar.
Sot bota nuk po shkon drejt një qeverisjeje globale nga elitat e padukshme, por drejt krijimit të qendrave të reja të pushtetit, drejt “Çezarëve modernë” që nuk pranojnë më të qeverisen nga manuale ideologjike të konsumuara. Por sot ato manuale nuk funksionojnë më. Nuk trembin më. Nuk sundojnë më.
Bota ka hyrë në një epokë tjetër.
Elitat që u maskuan si “engjëj” u zbuluan si djaj
Për dekada me radhë, elitat globale majtiste u paraqitën si shpëtimtare të njerëzimit:
– demokraci,
– të drejta njeriu,
– barazi,
– globalizëm “human”.
Por pas fasadës u fsheh kontrolli total, zhdukja e sovranitetit dhe shkatërrimi i shteteve kombëtare. Kur maska ra, doli e vërteta: këto elita nuk donin një botë të lirë, por një botë të nënshtruar.
COVID-19 – prova e dështimit total
Pandemia COVID-19 ishte momenti kur gjithçka u zhvesh.
Elitat globale përdorën:
- frikën,
- izolimin,
- shkatërrimin ekonomik,
- kontrollin social,
për të testuar nëse mund ta fusnin botën nën komandë totale.
Rezultati? Dështim spektakolar.
Ekonomitë u rrënuan. Ushtritë u dobësuan. Industrinë e shkatërruan vetë. Besimi i popujve u thye.
Bashkimi Europian – projekti që u kthye kundër popujve
BE-ja nuk është më një projekt bashkëpunimi. Është kthyer në:
- makineri ideologjike,
- diktat burokratik,
- instrument presioni kundër shteteve.
Gjermania, Franca dhe Britania – shtylla historike të Europës – sot janë në rënie të lirë, të drejtuara nga elita të shkëputura nga realiteti dhe populli.
Europa nuk po udhëheq botën. Po zvarritet për të mbijetuar.
Ukraina – kurthi që u kthye bumerang
Lufta në Ukrainë nuk ishte për demokraci. Ishte një operacion strategjik i elitës euro-atlantike për të futur Rusinë në një kurth afatgjatë.
Por ndodhi e kundërta:
- Rusia u përshtat.
- Europa u varfërua.
- SHBA u përça politikisht.
Miliona viktima, miliarda dollarë të djegura dhe asnjë fitore reale.
Trump dhe Maduro – goditja direkte ndaj rendit të vjetër
Kur Trump goditi regjimin e Maduros, propaganda majtiste ulëriti: “është luftë për naftë”.
Gënjeshtër.
Maduro e kishte ofruar vetë naftën. Ajo që Trump goditi ishte manuali i elitës globale, sistemi që për qindra vite ka kontrolluar vende përmes:
- narkoshteteve,
- regjimeve kukulla,
- kaosit të qëllimshëm.
Trump nuk lufton për burime. Ai lufton për të shembur sistemin.
Trump – Putin: marrëveshja që trembi establishmentin
Mediat majtiste u përpoqën ta portretizonin Trump si të nënshtruar ndaj Putinit. Por ajo që nuk treguan ishte më e rëndësishmja:
Biseda reale ndodhi larg kamerave. Pa media. Në avion.
Aty nuk u fol për Ukrainën si territor.
U fol për:
- fundin e rendit të vjetër global,
- çmontimin e elitës transnacionale,
- krijimin e një rendi ku vendosin fuqitë reale, jo burokratët e OKB-së apo Brukselit.
Manuali i Çezarit – fundi i lojës për elitat
Sot po lind një rend i ri:
- sovranitet mbi globalizëm,
- forcë mbi ideologji,
- interesa kombëtare mbi axhenda globale.
SHBA dhe Rusia, pavarësisht përplasjesh historike, po kuptojnë se armiku i vërtetë është elita që ka manipuluar botën për shekuj.
Ky është “Manuali i Çezarit”:
rregullat i vendosin ata që kanë pushtet real, jo ata që predikojnë moral nga zyrat luksoze.
Bota po ndryshon – dhe Europa majtiste po mbetet pas
Elitat majtiste mund të bërtasin.
Mediat e tyre mund të manipulojnë.
Por realiteti është brutal:
Manualet e vjetra po digjen.
Çezarët e rinj po ngrihen.
Dhe rendi global po shkruhet nga e para.