By redaksia 
Nga Ylli Përmeti:
Pas klasifikimit të llojeve të kurvave, ku unë kam sqaruar se femrat që lidhen me meshkuj të martuar nuk janë kurva nëse nuk janë në dijeni për martesën e tyre — por janë kurva nëse janë në dijeni dhe gjithsesi ndërhyjnë në një martesë, duke shkaktuar krisje, sherre e deri ndarje — disa sqarime duhen bërë.
Së pari, kam përdorur dy fjalë: kurvë dhe shkërdhatë — terma që përdoren gjerësisht si në shtyp, ashtu edhe në shoqëri. Asnjëra prej tyre nuk është zgjedhur pa u menduar. Të dyja janë fjalë të rënda, por të përdorshme në ligjërimin bisedor e publik. Edhe pse shumë njerëz — përfshirë mua — nuk i përdorin në komunikimin e përditshëm, ato janë të vlefshme në ligjërimin gazetaresk dhe filozofik.
Së dyti, kryefjala e këtij diskutimi është kurvëria politike, ose më saktë, ajo që ndodh në majat e pushtetit. Kurvëria në nivel shoqëror përfshihet si pasqyrë e një dukurie më të thellë dhe më të rrezikshme, por nuk është fokusi kryesor. Nga një këndvështrim praktik, kurvëria është një dukuri e shëmtuar sepse nënkupton jo vetëm shitjen e trupit, por edhe mashtrimin, pra një formë e tregtimit të moralit dhe dinjitetit.
Ndaj dhe si term, por edhe si veprimtari, është e rëndë dhe e dënueshme. Kodi Penal ndalon prostitucionin (që rrjedh nga fjala latine prostituere, që do të thotë “të shfaqesh publikisht”), duke e përkufizuar si ofrim shërbimesh seksuale në mënyrë publike ose të organizuar. Megjithatë, ajo që ligji ndalon, politika e lejon dhe e ushqen.
Krerët e partive dhe të shtetit nuk janë vetëm të përfshirë në këtë kulturë, por shpesh janë edhe shfrytëzuesit direkt të saj. Nga femrat e partive, te eskortat në shërbim të burgjeve dhe kriminelëve, kjo rrjetë është legjitimuar dhe institucionalizuar. Mediat, rrjetet sociale si TikTok-u, e deri tek institucionet shtetërore janë të mbushura me këtë fenomen.
Pasojë e drejtpërdrejtë është: nderohet kurvaria në vend që të dënohet, jo në kuptimin juridik, por në atë shoqëror dhe etik. Vajzat e reja nxisin vetveten drejt kurvërisë sepse shohin që “kurvat” pasurohen shpejt, promovohen, bëhen ministre, drejtojnë emisione dhe shndërrohen në “modele suksesi”.
Në këtë mënyrë, Shqipëria po pushtohet nga një dukuri që nuk është thjesht degraduese, por shtetformuese në kuptimin më të keq të fjalës. Dhe ky është një rrezik shumë më i madh sesa mendojmë.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.