Nga Redaksia:
Shteti i Floridës ka miratuar një nga ligjet më të ashpra në SHBA kundër abuzuesve të fëmijëve: përdhunuesit e fëmijëve nën 12 vjeç mund të dënohen me vdekje.
Guvernatori i Floridës ka firmosur ligjin e ri, i cili synon të godasë maksimalisht krimet seksuale kundër të miturve, në një kohë kur rastet e abuzimit të fëmijëve në SHBA po trajtohen me zero tolerancë. Ligji parashikon që për raste të rënda të përdhunimit, shteti të kërkojë dënimin kapital si masë ekstreme për mbrojtjen e fëmijëve.
Me këtë vendim, Florida bëhet një nga shtetet e para amerikane që rivendos dënimin me vdekje pikërisht për këtë kategori krimesh të rënda, duke marrë jehonë të madhe në mbarë vendin dhe më gjerë.
Vendimi është pritur me mbështetje të gjerë nga komunitetet e prindërve dhe organizatat që mbrojnë të drejtat e fëmijëve, të cilët e shohin këtë si një hap të fortë kundër abuzuesve që synojnë më të pambrojturit e shoqërisë.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.