By redaksia 
Nga Redaksia
Në 1 qershor 2025, Ministri i Jashtëm i Shqipërisë, Igli Hasani, deklaroi për mediat greke se Shqipëria është e angazhuar për një “zgjidhje të drejtë për çështjen e detit”. Por për kë është kjo “zgjidhje e drejtë”? Për Shqipërinë? Apo për Greqinë dhe patronët ndërkombëtarë të axhendës globaliste?
Kjo deklaratë, në pamje të parë diplomatike, fsheh në fakt një pazar të madh kombëtar që është përgatitur në heshtje, me bekimin e të gjitha palëve të sistemit: PS, PSD, pjesë të “opozitës” dhe mekanizmat ndërkombëtarë të Sorosit.
Loja e pistë e Gjykatës Ndërkombëtare: Pse Avokati Altin Goxhaj e ka denoncuar hapur
Avokat Altin Goxhaj, një nga zërat më të qartë dhe më të paepur në Shqipëri, ka denoncuar për vite me radhë këtë plan. Sipas tij, çuarja e çështjes në Gjykatën Ndërkombëtare nuk është gjë tjetër veçse një taktikë për ta legalizuar tradhtinë përmes një vendimi të parapërgatitur, ku Shqipëria do të humbasë qindra kilometra katrorë të detit Jon.
Në një nga deklaratat e tij publike, Avokati Altin Goxhaj është shprehur:
“Gjykata Ndërkombëtare në Hagë është një mashtrim. Vendimet e saj janë të kontrolluara nga axhenda politike e globalistëve dhe Sorosit. Kjo nuk është drejtësi, por një teatër me skenar të shkruar nga ata që duan të zhbëjnë Shqipërinë.”
Dhe ka të drejtë. Historia ka treguar se kur kombet e vegjël përballen në këto “gjykata”, rezultati është gjithmonë disfata e tyre. Greqia nuk do të pranonte kurrë një proces gjyqësor pa qenë e sigurt për rezultatin. Fakti që Athina e mbështet çuarjen e çështjes në Hagë tregon se ajo e di që do fitojë, jo sepse ka të drejtë, por sepse i ka në xhep vendimmarrësit.
Rama, Tiku dhe ‘opozita me pagesë’: një sistem i tërë në shërbim të dorëzimit
Në vitin 2025, Edi Rama ka 83 deputetë të Partisë Socialiste, të cilëve u shtohen 3 vota të garantuara nga satelitët e PSD-së – një grupim që s’i bën më as siklet të cilësohet si “opozitë”. Në krahun tjetër kemi Enkelejd Alibeajn, i njohur tashmë si “Tiku i Sorosit”, që për dy vjet ka dhënë mesazhe të qarta se e mbështet zgjidhjen “gjyqësore ndërkombëtare”. Kjo s’është opozitë, kjo është bashkëpunim për dorëzim kombëtar.
Çdo deputet që hesht sot është pjesë e kësaj loje. Sepse askush nuk mund të thotë “nuk e dija”. Të gjithë e dinë, por të gjithë janë bërë pjesë e teatrit ku Shqipëria po copëtohet në emër të “drejtësisë ndërkombëtare”.
Nga deti në jug – skenari i zhbërjes së Shqipërisë
Sipas analizës së Avokatit Goxhaj, dorëzimi i detit është vetëm hapi i parë. Pasi të legalizohet humbja e territorit detar, do të hapet rruga për të problematizuar kufijtë tokësorë në jug. Janë të njëjtët që duan ta përjashtojnë çështjen e Himarës, për të heshtur mbi shtetësinë e blerë të minoritetit grek dhe ndikimin e Kishës Ortodokse Autoqefale që sot është kthyer në vegël të politikës greke.
“Ky është një projekt i ndërtuar mbi vite. Dorëzimi i detit është pjesë e një strategjie të zhbërjes së Shqipërisë. Pse nuk e çojnë çështjen në Gjykatën Kushtetuese, siç e kërkon Kushtetuta? Sepse e dinë që po shkelin ligjin dhe kombësinë”, – ka deklaruar Goxhaj.
Ku janë patriotët? Zëri i vetëm që ka mbetur
Në këtë klimë ku gjithçka është në shitje, Avokat Altin Goxhaj ka mbetur zëri i vetëm me kurajon për të folur të vërtetën pa u fshehur. Ai nuk financon OJF, nuk kërkon poste, nuk shkon në darka me ambasadorë. Ai flet për lirinë e shqiptarëve dhe për të drejtën për të pasur një shtet me kufij të pacënuar.
Të gjithë të tjerët – janë ose pjesë e teatrit, ose spektatorë të paguar.
PatriotikMedia.al nuk hesht!
Ne do vazhdojmë të flasim për çështjet që të tjerët i shmangin. Sepse nuk ka paqe nëse nuk ka sovranitet. Nuk ka drejtësi nëse s’ka kufij. Dhe nuk ka Shqipëri nëse shqiptarët nuk çohen në këmbë sot, jo nesër!
Zgjohu, shqiptar! Sot është koha për të reaguar. Nesër do jetë vonë.
Ndalohet kopjimi dhe shpërndarja pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.