By redaksia 
Nga Redi Minga:
Në vitet 2020–2022, bota u përball me një nga operacionet më të frikshme psikologjike dhe politike të epokës moderne: plandemia globale e COVID-19 dhe imponimi i vaksinave eksperimentale mbi popullsitë civile. Ajo që ndodhi nuk ishte thjesht një krizë shëndetësore – ishte një makineri represive ndërkombëtare, që përdori frikën si armë, censurën si mburojë, dhe vaksinën si mjet kontrolli.
Shqipëria: Komiteti i Shpëtimit Kombëtar – ose Komiteti i Terrorit Psikologjik
Në krye të këtij operacioni, që nga marsi i vitit 2020, qëndronte e ashtuquajtura strukturë “teknike”, Komiteti Teknik i Ekspertëve, por vendimet ishin 100% politike. Ministrja e Shëndetësisë, Ogerta Manastirliu, e kthyer sot në Ministre të Arsimit, ishte një nga zërat më agresivë të masave ekstreme, bashkë me kryeministrin Edi Rama që e trajtonte pandeminë si një “teatër lufte”.
U kufizua lëvizja e lirë e qytetarëve për muaj të tërë;
U mbyllën spitale, u ndaluan varrimet;
U shkatërrua ekonomia, sidomos për bizneset e vogla;
U kushtëzua puna, shkolla dhe udhëtimi me vaksinim të detyruar;
U importuan vaksina të dyshimta nga Kina, Rusia, e më pas Pfizer, Moderna – pa transparencë dhe me kontrata sekrete.
Dhe kur shqiptarët rezistonin, Edi Rama nxori autoblindat në rrugë, me propagandën e tij groteske:
“Jemi në luftë me armikun e padukshëm!”
Në fakt, “armikun e padukshëm” e sollën vetë ata: një sistem terrori psikologjik për të testuar se sa lehtë mund të nënshtrohet një popull.
Mbretëria e Bashkuar: Shteti i izoloi qytetarët, u krijuan “passporte vaksinimi” dhe individët që refuzonin vaksinimin u diskriminuan në mënyrë sistematike. Vetë gazetat britanike zbuluan dokumente që tregonin se qeveria përdori taktika të frikës, duke përhapur qëllimisht panik për të bindur njerëzit të vaksinohen.
Kanada: Në janar 2022, kamionistët kanadezë protestuan paqësisht kundër vaksinimit të detyruar. Çfarë bëri Justin Trudeau?
I shpalli terroristë,
I bllokoi llogaritë bankare me urdhër të shtetit,
Arrestoi qytetarë që dhuronin për protestën e tyre.
Kanadaja – simbol i “demokracisë së veriut” – u kthye në një shtet autoritar brenda pak javësh.
Gjermani: Kancelari Olaf Scholz dhe qeveria e tij: kërcënuan qytetarët me gjoba të majme nëse nuk vaksinoheshin; vendosën kufizime të rrepta për të pavaksinuarit (nuk hynin dot në dyqane, teatro, apo mjetet publike); mbajtën fëmijët me maska për muaj të tërë, duke i dëmtuar psikologjikisht.
Gjermania që flet për të drejtat e njeriut në botë, praktikisht trajtoi qytetarët e vet si kavie laboratorike.
Një krim pa përgjegjës: Pse askush nuk dënohet?
Sepse: vendimet ishin të koordinuara ndërkombëtarisht (OBSH, BE, CDC, EMA);
Politikanët u justifikuan me “shkencën” që financohej nga Big Pharma;
Kompanitë farmaceutike kishin imunitet total ligjor;
Mediat u shndërruan në zëdhënëse të frikës dhe propagandës;
Drejtësia është e kapur ose e frikësuar.
Dhe më e rënda: përfitimet nga këto masa ishin marramendëse – vetëm Pfizer fitoi mbi 100 miliardë dollarë nga vaksina COVID.
Kryeministri shqiptar ishte ndër më të zellshmit në zbatimin e diktatit ndërkombëtar. I pa asnjë arsye shkencore, ai: kërcënoi qytetarët me gjoba; ndaloi dasmat, funeralet, lëvizjen; nxiti ndasi sociale mes të vaksinuarve dhe të pavaksinuarve; mbuloi me censurë dhe arrogancë çdo debat; dhe, mbi të gjitha, importoi vaksina me kontrata sekrete, pa asnjë transparencë.
A ishte Rama thjesht një “zbatues”? Apo ishte pjesë aktive e një projekti më të madh kontrolli?
Ata që promovuan këtë diktaturë shëndetësore – sot janë sërish në pushtet. Disa janë ministra, disa presidentë, të tjerë miliarderë.
Por historia do t’i mbajë mend.
Asnjë popull nuk ka për t’i harruar ditët kur iu ndalua frymëmarrja, fjala, puna dhe dinjiteti – në emër të një mashtrimi global.
Shënim: Redi Minga është shkrimtar, analist dhe redaktor i Patriotikmedia.com, Patriotikmedia.al si dhe i Stopfakealbania.com. Origjina e tij është nga qyteti i Tiranes, ai u zhvendos në Zvicer për të punuar për një media Zviceriane, sot ai punon për Patriotik Media Albania dhe që atëherë ka vazhduar të punojë në rolin e analistit ku ka bërë shumë analiza dhe editoriale në disa portale Zviceriane, ai ka shkruar gjithashtu edhe për disa portale amerikane.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.