Gjermania një shtet që po shembet nën maskën e “virtytit demokratik” dhe që po fundoset ngadalë në autoritarizëm.
Nga Drieu Godefridi:
Gjermania e sotme i ofron botës një pamje të frikshme: një shtet në agoni, që nën petkun e “virtytit demokratik”, po fundoset ngadalë në autoritarizëm.
Erozioni i lirive civile nuk po ndodh përmes një grushti shteti klasik, por përmes grumbullimit të ngadaltë të masave administrative, ligjore dhe policore, të cilat po krijojnë ngadalë konturet e një diktature të bindur në moralin e vet.
1-Klasifikimi i AfD nga një agjenci administrative – fundi i shtetit ligjor gjerman
Në pranverën e vitit 2025, Zyra Federale për Mbrojtjen e Kushtetutës (BfV) – shërbimi kombëtar i inteligjencës – e shpalli partinë politike Alternative für Deutschland (AfD) si “organizatë të ekstremit të djathtë”.
Kjo i jep autoriteteve gjermane të drejtën të përgjojnë, ndjekin e rekrutojnë informatorë brenda partisë pa urdhër gjykate.
Ky vendim nuk është dhënë nga një gjykatë e pavarur, por nga një organ nën varësinë direkte të Ministrit të Brendshëm.
BfV nuk është gjykatë, por një zyrë burokratike që vepron si gjykatës dhe hetues, pa i lejuar palës tjetër as të mbrohet.
Nëse një parti politike etikohet si “fashiste” dhe përjashtohet nga jeta publike, a nuk duhet të ketë të drejtë të mbrohet?
Sipas ligjeve të vitit 2025 – përgjigjja është: “Nein.”
Madje, dosja që justifikon këtë vendim nuk është publikuar kurrë.
AfD nuk është konsultuar, nuk e di pse është dënuar, mbi çfarë provash apo dokumentesh.
Si mund ta kundërshtojë ajo një akuzë që nuk e ka parë kurrë?
Që prej Mesjetës, tradita e shtetit ligjor gjerman – Rechtsstaat – ka qenë e qartë:
“Nuk ka krim, nuk ka dënim pa ligj.”
Sot, kjo parim themelor është shkelur brutalisht.
Në realitet, çështja nuk është ligji, por pushteti – dëshira e kastës sunduese për të ruajtur kontrollin me çdo kusht, edhe duke kriminalizuar një të katërtën e popullsisë gjermane.
Le të mos harrojmë: edhe Gjermania Lindore quhej “demokratike”, ndërsa përgjonte qytetarët.
Që prej majit 2025, mijëra anëtarë dhe mbështetës të AfD janë vënë nën përgjim pa urdhër gjyqësor.
Opozita më e madhe e vendit trajtohet si armike e brendshme, jo si pjesë e procesit demokratik.
2-Kriminalizimi i fjalës së lirë – ndëshkimi i mendimit ndryshe
Represioni nuk ndalet te AfD. Ai shtrihet te qytetarët e zakonshëm: pensionistë, tregtarë, studentë, që guxojnë të kritikojnë qeverinë për emigracionin, klimën apo shëndetësinë.
Ata ndiqen si kriminelë apo “nxitës urrejtjeje”, vetëm për një koment në rrjete sociale.
Në prill 2025, një gjykatë bavareze dënoi me 7 muaj burg me kusht David Bendels, kryeredaktorin e Deutschland-Kurier, sepse botoi një karikaturë ku ministrja e Brendshme Nancy Faeser mbante një pankartë me mbishkrimin: “E urrej lirinë e mendimit.”
Në vitin 2024, një vajzë 20-vjeçare u dënua më rëndë se një përdhunues – vetëm sepse në një bisedë private në WhatsApp e kishte fyer agresorin e saj.
Këto masa nuk janë kundër “ekstremistëve”, por kundër qytetarëve të zakonshëm që nuk pajtohen me ideologjinë e pushtetit.
Ligji famëkeq NetzDG i detyron rrjetet sociale të fshijnë çdo përmbajtje “të papërshtatshme”, duke e shkelur në themel nenin 5 të Kushtetutës gjermane që garanton lirinë e fjalës.
Frika nga një bastisje policore për një “like” apo një koment në Facebook është bërë normë.
Gjermania po kthehet në një “demokraci Potemkin”, ku lejohet vetëm monologu zyrtar i pushtetit.
3-Zona e karantinës politike – Demokracia e dirigjuar gjermane
Që nga viti 2015, një rregull i pashkruar, por absolut, sundon parlamentin gjerman:
askush nuk bën koalicion me AfD, asnjë votë e saj nuk pranohet si legjitime.
Ky “cortafuegos politik” ka ngrirë garën demokratike: Gjermania jeton nën iluzionin e rotacionit mes socialdemokratëve (SPD) dhe të gjelbërve nga njëra anë dhe demokristianëve (CDU/CSU) nga ana tjetër – të gjithë të bashkuar në mohimin e opozitës reale.
Me 20% të votave kombëtare dhe gati 50% në Gjermaninë Lindore, AfD është partia më e fortë në shumë rajone, por e përjashtuar nga çdo pushtet.
Sipas doktrinës së Merkel, më mirë bashkëqeverisje me ekstremistët e majtë sesa me opozitën konservatore.
Edhe zyrtarë amerikanë kanë filluar ta kritikojnë hapur këtë gjendje.
Zëvendëspresidenti amerikan J.D. Vance deklaroi:
“Heqja dorë e Europës nga vlerat e saj themelore është shqetësuese. Në një demokraci, rëndësi ka zëri i popullit – jo izolimi i opozitës.”
Rezultati: Gjermania jeton de facto me një sistem njëpartiak, ku rotacioni është vetëm iluzion.
Ndryshimi përmes kutisë së votimit nuk është më i mundur.
4-Drejt ndalimit total të opozitës – hija e Reichstag-ut
Në vitin 2024, ministrja e Jashtme e asokohe, Annalena Baerbock, deklaroi publikisht se duhet “të mos përjashtohet ndalimi i AfD”.
Kryetarja e SPD, Saskia Esken, shtoi: “AfD nuk është më parti demokratike – shteti duhet ta ndalojë.”
Madje edhe kancelari i CDU-së, Friedrich Merz, u bashkua me korin: “Të gjitha mjetet kushtetuese duhet të shqyrtohen kundër AfD.”
Kriminalizimi i 25% të elektoratit është si të vësh dinamit nën themelet e një shteti.
Kur një e katërta e qytetarëve përjashtohen nga politika dhe censurohen në rrjete, shpërthimi social është i pashmangshëm – dhe regjimi do ta përdorë këtë shpërthim si justifikim për kontroll edhe më të ashpër.
Kjo kujton zjarrin e Reichstag-ut (1933), kur Hitleri e përdori një incident për të pezulluar të gjitha liritë civile nën parullën “Për mbrojtjen e popullit dhe shtetit.”
Historia, duket, po përsëritet.
Fundi i demokracisë gjermane?
Gjermania ndodhet sot përballë një zgjedhjeje dramatike:
ose rikthen pluralizmin dhe lirinë e fjalës, ose zvarritet drejt diktaturës së re administrative, ku opozita ndalohet dhe mendimi ndryshe heshtet me gjyqe e censurë.
Nëse ndalimi i AfD ndodh, nuk do të shkatërrohet AfD-ja – por vetë demokracia gjermane.
Çdo demokracie është kjo që ndalon opozitën e vet, kjo nuk është më demokraci.
Drieu Godefridi është jurist, filozof dhe doktor në teori ligjore nga Universiteti i Sorbonës. Ai është CEO i një grupi evropian të arsimit privat dhe autor i librit “Reichi i Gjelbër” (2020). /Përkthyer dhe përshtatur nga PatriotikMedia.al
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.