Nga Redi Minga:
Në politikën ndërkombëtare nuk ka veprime të rastësishme. Çdo gjest, çdo vonesë, çdo fjalë është një mesazh i koduar. Nëse shohim me kujdes veprimet e fundit të Edi Ramës, krijohet përshtypja e një kursi të qëllimshëm për të acaruar marrëdhëniet me Shtetet e Bashkuara të Amerikës – aleatin më të madh të kombit shqiptar.
Një kronologji e përplasjeve të Ramës me SHBA
– Shkurt 2023: Rama promovon me forcë idenë e “Ballkanit të Hapur”, në kundërshtim me linjën amerikane, e cila favorizon një integrim rajonal ku Kosova trajtohet si e barabartë. Ky projekt shihet si dhuratë për Serbinë.
– Maj 2023: Rama akuzohet se ka ndërhyrë në çështjen e Gjykatës Speciale për UÇK-në, duke mbështetur teza që përkojnë me interesat e Beogradit. Një sfidë e hapur ndaj Washingtonit, që ka investuar për drejtësi të pavarur në Kosovë.
– Nëntor 2023: Në Tiranë, gjatë një vizite të delegacionit amerikan, Rama shmang një takim të parashikuar dhe përdor si justifikim “angazhime të brendshme”, duke dhënë një mesazh ftohjeje.
– Mars 2024: Lëvizjet e Ramës për të futur në Shqipëri struktura të biznesmenëve izraelitë, të pa pranueshme nga qarqet zyrtare në Tel Aviv, nxisin dyshime për agjenda të fshehta. Kjo përputhet me linjën e rrjetit Soros, jo me interesat e SHBA-së.
– Qershor 2024: Në Tiranë ndodh incidenti diplomatik: e dërguara e ambasadës amerikane mbërrin në Kryeministri për takim. Rama e lë 20 minuta në pritje. Ajo largohet duke buzëqeshur – një buzëqeshje diplomatike që në fakt thotë: “e kuptojmë lojën tënde”. Ky është një fyerje e drejtpërdrejtë ndaj SHBA-së.
– Gusht 2024: Rama përforcon marrëdhëniet me qeverinë franceze dhe gjermane, duke dhënë mesazhin se Shqipëria po orienton politikën e jashtme më shumë drejt Brukselit se Washingtonit.
– Janar 2025: Në fjalimet publike, Rama e redukton rolin e SHBA në historinë e Kosovës, duke e paraqitur sikur liria ishte produkt i “bashkëpunimit ndërkombëtar” dhe jo i vendimit vendimtar amerikan për ndërhyrje.
Kjo ftohje e beftë merr edhe më shumë kuptim po të kujtojmë një fakt: kur ambasadore e SHBA në Tiranë ishte Yuri Kim, Rama nuk kishte ditë pa e takuar. Atëherë marrëdhëniet dukeshin “të ngrohta”. Por arsyeja është e qartë: Yuri Kim shpesh nuk përfaqësonte vijën e pastër të politikës amerikane, por agjendën e George Soros. Dhe Rama, si njeri i lidhur thellë me rrjetin Soros përmes Delina Ficos, ishte i interesuar të kishte pranë një “ambasadore të Sorosit” më shumë sesa një përfaqësuese të vërtetë të interesave të Washingtonit.
Sapo në Tiranë erdhi një përfaqësues i ri që ndjek besnikërisht vijën e SHBA-së dhe jo të Sorosit, marrëdhëniet nisën të ftohen. Ky kontrast e shpjegon më shumë se çdo analizë tjetër pse Rama sot shihet me dyshim dhe pse incidentet diplomatike janë bërë të shpeshta.
Nga mosrespektimi i protokolleve diplomatike, tek përplasjet mbi Kosovën, tek afrimi me Serbinë e strukturat e dyshimta të Sorosit, Rama ka dhënë sinjale të qarta se nuk e sheh SHBA si prioritet. Në vend të partneritetit, ai ka zgjedhur një kurs sfidues që vetëm dëmton interesat kombëtare shqiptare.
Shqipëria pa SHBA është një shtet i pambrojtur në Ballkan. Rama e di këtë, por zgjedh të ndjekë axhendën e Sorosit dhe jo interesin e kombit shqiptar. Pyetja që mbetet është: deri kur shqiptarët do të durojnë një kryeministër që sakrifikon aleancën më të shenjtë për të shpëtuar veten?
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.