By redaksia 
Nga Redi Minga:
Shqipëria po digjet, dhe jo vetëm nga zjarret që përfshijnë pyjet dhe fshatrat e saj. Në një ngjarje tronditëse, kisha në fshatin e gjyshërve të mi, Leftrohor i Delvinës, është djegur plotësisht. Një tjetër kishë historike në fshatin Lekë, Tepelenë, ka pësuar të njëjtin fat. Këto nuk janë aksidente – ato janë simbole të asgjësimit të historisë, traditës dhe shpirtit kombëtar.
Nën qeverisjen e Rilindjes Sorosiane, Shqipëria po përjeton një proces të qëllimshëm të tjetërsimit të identitetit kombëtar. Kishat, që historikisht kanë qenë qendra të jetës komunitare shqiptare, po sulmohen dhe digjen për të:
Fshirë gjurmët e krishterimit dhe traditës shqiptare.
Krijuar destabilizim në komunitete përmes konflikteve fetare.
Shpërngulur banorët autoktonë dhe zëvendësuar ata me kolonë, duke shkatërruar vijimësinë historike.
Çdo pronë, ara, pemtore, stane apo institucion i djegur është humbje e madhe për familjet shqiptare. Por kisha është zemra e historisë së kombit: aty janë arkivuar lindjet, pagëzimet, fejesat, martesat, vdekjet dhe madje tapitë e pronave të banorëve. Djegia e një kishe nuk është thjesht një aksident – është një sulm i drejtpërdrejtë ndaj vetëdijes kombëtare dhe identitetit shqiptar.
Rilindja Sorosiane po përpiqet të ndërrojë historinë dhe të asgjesojë trashëgiminë kulturore, duke përdorur politika që synojnë shpopullimin, zëvendësimin e banorëve autoktonë dhe tjetërsimin e vetëdijes kombëtare. Në këtë kuadër, djegia e kishave nuk duhet të shihet thjesht si një tragjedi lokale – është një kërcënim ndaj vetë qenies së kombit shqiptar.
Vëmendja e shtetit dhe e opinionit publik duhet të jetë maksimale. Ruajtja dhe mbrojtja e kishave nuk është thjesht një detyrim ligjor, por një detyrim patriotik dhe kombëtar.
Megjithatë, zjarri nuk mund të shuajë flakën e besimit dhe të identitetit shqiptar. Në të mirë dhe në të keq: “Qoftë lëvduar emri i Zotit dhe i kombit shqiptar!”
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.