By redaksia 
Nga Redi Minga për PatriotikMedia.al
Në vitin 1991, në kulmin e rënies së komunizmit, Sali Berisha dhe Edi Rama ndodheshin në të njëjtën anë të historisë.
Të dy ishin ambiciozë, të dy dëshironin pushtet, dhe të dy u afruan me elitën e re post-komuniste që po ngrihej në kurriz të një sistemi që sapo kishte rënë.
Dokumente, dëshmi dhe rrëfime nga vetë figura politike të kohës tregojnë se Berisha dhe Rama patën tentativa të drejtpërdrejta bashkëpunimi politik në fillim të viteve ’90 – para se të ndanin rrugët për arsye taktike, jo ideologjike.
1991 – Nisi bashkëpunimi
Edi Rama, asokohe i ri, i afërt me rrethe të afërta të PPSH dhe më pas të Partisë Socialiste.
Sali Berisha, i përzgjedhur si “figura e pranueshme perëndimore” për të drejtuar opozitën, me lidhje të qarta me Sigurimin e Shtetit (fakt i mbuluar në heshtje).
Të dy e kuptuan që rrëzimi i komunizmit nuk ishte fundi i një elite, por thjesht rilindja e saj në formë tjetër – me maskë pluraliste dhe të drejtës së tregut.
2005–2025: 20 vite rotacion mes dy personave
Berisha dhe Rama e ndajnë mes tyre pushtetin që nga viti 2005, në një rotacion të kontrolluar, ku ndërrimi i qeverisë ka qenë thjesht ndërrim ngjyrash, por jo sistemesh.
Berisha 2005–2013:
Dosja Gërdeci: 26 të vrarë, asnjë përgjegjës i nivelit të lartë.
Drita jeshile për privatizimet e paligjshme (ALBtelecom, OSSH, ARMO).
Emërimi politik i gjyqtarëve e prokurorëve, disa të lidhur me klane mafioze.
Vjedhja sistematike e tenderëve me firma fiktive.
Rama 2013–2025:
Rrjeti i koncesioneve/PPP-ve që shkatërruan ekonominë (Check-Up, inceneratorët, sterilizimi).
Rritja e borxhit publik me miliarda euro pa transparencë.
Lidhja e qeverisë me trafikantë droge.
Kapja totale e medias dhe drejtësisë përmes Reformës në Drejtësi të kontrolluar nga ambasadat dhe Sorosi.
2025: Rikthehen të dy, këtë herë me kapelet e korrupsionit:
Në dy video virale që po qarkullojnë ditët e fundit, Rama dhe Berisha shfaqen me kapelë – njëri me kashtë, tjetri me stilin “plak simpatik”.
Por kjo nuk është një detaj pa rëndësi.
Është një strategji propagandistike për të normalizuar figurat e tyre, për t’i bërë “popullorë”, e për të mbuluar krimet dhe dështimet e së kaluarës me humor e stil.
Kjo është fytyra moderne e mashtrimit politik: të shfaqesh i qeshur, për të fshirë kujtesën kolektive.
Dosja e përbashkët:
Berisha dhe Rama janë të lidhur në interesa
Në vitin 2017, shumë zëra denoncuan marrëveshjen e natës Rama-Basha ku aktori kryesor në errësirë ishte Sali Berisha.
Raporte ndërkombëtare kanë treguar se klientët ekonomikë të dy kampeve janë shpesh të njëjtët.
Fëmijët dhe rrethi i afërt i tyre jetojnë jashtë, larg pasojave të vendimeve që kanë marrë mbi kurrizin e shqiptarëve.
Dënimi i vërtetë?
As Berisha, as Rama, nuk janë hetuar realisht për asnjë nga krimet që kanë bërë.
Dosjet e tyre kanë kaluar nga njëra dorë tek tjetra.
Prokuroria e re dhe SPAK-u, në vend që të sjellin drejtësi, janë kthyer në instrument për të heshtur dosjet e vjetra dhe për të ndëshkuar kritikët e sistemit.
Shqipëria është peng i një elite 34-vjeçare që vishet me kapele, por komandon si diktaturë
Ky nuk është pluralizëm.
Është një lojë me role që i ka ardhur fundi.
Ata e nisën me padeshur të bardha bashkë në ’91.
Dhe po e mbyllin me kapelet e korrupsionit në 2025.
Midis tyre është një popull që është përdorur, mashtruar dhe zbrazur.
Në pjesën e dytë të shkrimit do t’ju servirim dokumenta origjinale që tregojnë bashkëpunimin e hershëm dhe pasojat reale mbi ekonominë shqiptare dhe drejtësinë.
Vijon….
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.