By redaksia 
Nga Redaksia – PatriotikMedia.al
Një tjetër episod qesharak dhe i neveritshëm po luhet në skenën e konsumuar të Partisë Demokratike, ku “figurat e reja” të promovuara si shpresë e rilindjes së opozitës, po tregojnë se janë veçse garnitura e radhës e Sorosit në shërbim të status quo-së. Në vend që të prodhojnë ide, këta “kalorës” të vjetër të një lufte të re, janë të zënë me pastrimin e njëri-tjetrit. Dhe ironi e madhe: pastrimin po e bëjnë vetë plehrat.
Oerd Bylykbashi, dikur i shitur si “arkitekti i reformës zgjedhore”, i ka shërbyer për vite me radhë sistemit. Ishte ai që ulte kokën pranë Damjan Gjiknurit për të legalizuar deformimet më të mëdha të sistemit zgjedhor në emër të reformës. Sot del viktimë e Belind Këlliçit, një tjetër figurë e fryrë nga mediat e blera dhe propaganda “rinore”, por që në fakt është thjesht një zëdhënës i axhendës globale të Sorosit në rrobat e një opozitari. Kur dy mercenarë të së njëjtës qendër përplasen mes tyre, nuk është më politikë – është thjesht luftë për plaçkë.
Nga ana tjetër, Klevis Balliu, që i shtohet kësaj tresheje të paidentitet, është as më pak e as më shumë se një shfaqje televizive në formatin e një reality-show politik. Ai prodhon zhurmë, por nuk mban dot pesha të mëdha. Shfaqet si radikal, por vetëm kur kamerat janë ndezur. Si gjithmonë, askush s’e merr seriozisht.
Dhe tani, pas humbjes në Tiranë dhe pas kutive që u hapën pa leje, del në pah një e vërtetë e hidhur për Këlliçin: që edhe nëse do ta çonin në garë me vetëm një votë, ai do e humbte sërish. Sepse qytetarët ndiejnë kur një figurë është e pashpresë dhe e shpifur. Dhe Belindi është pikërisht kjo: një projekt i dështuar i lobit të jashtëm, që po tenton të shlyejë dështimin e vet duke shpallur armiq brenda PD-së.
Kjo që po ndodh nuk është pastrim, është gjymtim. Nuk është reformë, është përçmim ndaj çdo qytetari që ende beson se PD mund të prodhojë ndryshim. Sepse kur njerëzit e Sorosit luftojnë mes vete, është si të zgjedhësh mes dy padronëve: nuk fiton populli, nuk fiton opozita – fiton Edi Rama.
Në vend që të bashkoheshin për t’u përballur me sistemin e kalbur të rilindjes, këta “reformatorë” janë të zënë me prerjen e degëve të njëri-tjetrit, ndërkohë që trungu i kalbëzuar i PD-së po i merr të gjithë për poshtë. Dhe kjo s’është as aksidentale, as e papritur. Është strategjia e Sorosit: përça, kompromento, dhe pastaj domino.
Koha ka ardhur që shqiptarët të kuptojnë: këta nuk janë opozitarë. Janë thjesht bashkëpunëtorë të rinj të një regjimi të vjetër.
Lexo më shumë analiza të tilla në www.PatriotikMedia.al – aty ku e vërteta nuk ka frikë nga censura.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.