By redaksia 
Nga Redi Minga
Një shoqëri që duartroket shthurjen dhe përqesh vlerat, është një shoqëri në rrugën e shkatërrimit të saj shpirtëror. Kjo javë, në një spektakël të radhës të dekadencës së promovuar si “liri” dhe “emancipim”, një figurë e publike si Linda Rei – një personazh i njohur për transformimin e vet nga mashkull në femër dhe ekspozimin e stilit provokues – ka vendosur t’i ngrejë gishtin e mesit pastorit Akil Pano. Dhe jo në rrugë apo në ndonjë debat privat, por në një studio televizive, me kamera.
Ky akt banal dhe provokues ndaj një njeriu që përfaqëson një zë të rrallë për vlerat tradicionale dhe besimin në Zot, është një pasqyrë e thellë e regresit që po përjeton shoqëria shqiptare. Ndërkohë që një pastor flet për respekt, për parime biblike dhe për domosdoshmërinë e kthimit drejt dritës, përballë tij ngrihet një simbol i kulturës së re liberale, që mbështetet nga studio të tëra, ambasada, fondacione dhe media që kanë bërë aleancë me antinormën.
Pastori Akil Pano nuk reagoi me urrejtje, por me një thirrje për reflektim shpirtëror. Ai foli për rënien e vlerave, për përmbysjen e etikës dhe për atë që profeti Isaia paralajmëroi që në kapitullin 5:20:
“Mjerë ata që e quajnë të mirë të keqen dhe të keqe të mirën, që ndërrojnë terrin në dritë dhe dritën në terr, që ndërrojnë hidhësirën në ëmbëlsi dhe ëmbëlsinë në hidhësi!”
A nuk është kjo pikërisht ajo që po ndodh? Kur njeriu që promovon shpirtin, etikën dhe strukturën tradicionale të familjes etiketohet si “urrejtës” dhe “fanatik”, ndërsa ata që përdorin trupin e tyre si armë politike dhe seksuale, që sulmojnë besimin dhe shenjtërinë, shpallen “ikona të progresit”?
Ky nuk është vetëm një moment banal mediatik – është një pikë kthese që tregon se lufta nuk është më politike, as thjesht kulturore – është shpirtërore. Sot në Shqipëri, në vend që të ngrihet zëri për të mbrojtur fëmijët, familjen dhe besimin, ngrihet gishti i mesit ndaj atyre që përfaqësojnë këto themele.
Dhe ndërsa shumëkush hesht për të mos u quajtur “i prapambetur”, “konservator”, apo “homofob”, e vërteta është se heshtja jonë është miratim. Kjo është pikërisht ajo që po kërkojnë kishat e reja “liberale”, të cilat në vend që të predikojnë Fjalën e Zotit, kanë filluar të sponsorizohen nga fondacione të huaja për të zbatuar agjenda që nuk kanë lidhje me Ungjillin.
Por jo të gjithë janë gati ta përkulin gjurin. Ka ende burra dhe gra që nuk e ulin kokën para presionit të korrupsionit moral. Ka ende pastore si Akil Pano, që guxojnë të flasin kur shumica hesht. Dhe ka ende shqiptarë që e ndiejnë se kjo shoqëri po shkon drejt greminës pikërisht sepse ka ndërruar vendin e dritës dhe errësirës.
Mos u mashtroni: kjo nuk është çështje e një individi, as thjesht e një debati televiziv. Është një test për ndërgjegjen e një kombi.
Dhe pyetja e madhe është: kur t’i ngrejnë gishtin Zotit dhe ligjeve të Tij, a do të vazhdojmë të heshtim? Apo do të zgjohemi e të themi: MJAFT!
Shënim: Kush është Redi Minga
Ai është shkrimtar, analist dhe redaktor i Patriotikmedia.com, Patriotikmedia.al si dhe i Stopfakealbania.com. Origjina e tij është nga qyteti i Tiranes, ai u zhvendos në Zvicer për të punuar për një media Zviceriane, sot ai punon për Patriotik Media Albania dhe që atëherë ka vazhduar të punojë në rolin e analistit ku ka bërë shumë analiza dhe editoriale në disa portale Zviceriane. Biles ai ka shkruar gjithashtu edhe për disa portale amerikane.
Ndalohet kopjimi dhe shpërndarja pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.