By redaksia 
Nga Redi Minga
Një zhvillim i rrezikshëm po përshkon Ballkanin: qeveritë e kapura nga rrjeti globalist majtist po përgatiten për ndryshime kushtetuese të koordinuara, që synojnë betonimin e pushtetit dhe neutralizimin e ndikimit amerikan në rajon. Ky operacion politik, i orkestruar nga rrjeti sorosian në Bruksel dhe rajon, nuk është më thjesht skenar spekulativ – por një realitet në zhvillim.
Ndërkohë që mijëra qytetarë braktisin Ballkanin çdo muaj, një tjetër zhvillim, më i heshtur por më i rrezikshëm, po ndodh në sfond: ndryshimet kushtetuese të planifikuara nga disa qeveri ballkanike, përfshirë edhe Greqinë, me synimin për të konsoliduar pushtetin dhe dobësuar balancat demokratike. Të gjitha këto ndodhin në heshtjen e plotë të Brukselit, ndërkohë që rrjeti i Open Society i George Soros po forcon praninë e vet në qendrat politike të rajonit.
Në vend të ndihmës për stabilitet real dhe zhvillim demokratik, aktorët europianë duket se kanë përqafuar një qasje teknokratike, duke mbështetur qeveri të qëndrueshme në dukje – por autoritare në thelb.
Sipas të dhënave të INSTAT dhe Eurostat, nga viti 2013 deri në vitin 2024, Shqipëria ka humbur mbi 1 milionë qytetarë, shumica të rinj dhe të arsimuar. Një tendencë e ngjashme është parë në Maqedoninë e Veriut, Serbi, Kosovë, Bosnje dhe Mal të Zi. Në të njëjtën periudhë, BE nuk ka ndërmarrë asnjë politikë serioze për ndaljen e këtij shpopullimi, as përmes investimeve strategjike, as përmes hapjes së tregut të punës.
Në fakt, politikbërja e Brukselit duket se e ka inkurajuar këtë proces, duke ofruar vetëm vizionin e një “Ballkani të heshtur dhe të shpopulluar” që nuk prodhon tensione por as fuqi ekonomike. Kjo është një qasje që i shërben interesave të burokracisë së BE-së, por jo kombeve të rajonit.
Qeveritarët që po e bëjnë lojën e George Soros
Edi Rama (Shqipëri) – Prej vitesh i lidhur drejtpërdrejt me fondacionet Soros, po përgatit një “riformatim kushtetues” me qëllim të qartë: të zgjatet në pushtet përtej çdo limiti dhe të shkrijë drejtësinë nën kontrollin e tij. Reforma në drejtësi ishte vetëm faza e parë – tashmë kërkon kontroll total institucional.
Aleksandar Vuçiq (Serbi) – Nën pretekstin e “stabilitetit”, po shemb çdo institucion të pavarur, duke forcuar kontrollin absolut përmes ndihmës së strukturave të infiltruar të BE-së dhe mediave të blera.
Dimitar Kovaçevski / Talat Xhaferi (Maqedoni e Veriut) – Në një bashkëpunim të paqartë por të rrezikshëm, po shtyjnë përpara ndryshime të brendshme që rrezikojnë identitetin dhe sovranitetin kombëtar në emër të “integrimit evropian”.
Kyriakos Mitsotakis (Greqi) – Një nga më të lidhurit me rrjetin globalist në BE, ka paralajmëruar ndryshime kushtetuese që dobësojnë rolin e opozitës dhe fuqizojnë pushtetin ekzekutiv.
Këto ndryshime nuk janë të rastësishme. Ato janë pjesë e një strategjie të koordinuar nga elitat e Brukselit, ku ndikimi i George Soros dhe rrjetit të tij të OJQ-ve mbizotëron mbi vullnetin e popujve të lirë. Burokratët evropianë po distancohen nga Uashingtoni, sidomos pas rikthimit të Donald Trump në Shtëpinë e Bardhë, i cili ka shpallur luftë të hapur ndaj aksit Soros–Bruksel.
Soros zyrtarizon praninë në Beograd – pse ka rëndësi kjo?
Në mars 2024, Fondacioni “Open Society” hapi një zyrë të re të nivelit të lartë në Beograd, duke e shpallur atë si qendër rajonale për Evropën Juglindore. Kjo lëvizje nuk është e rastësishme.
Beogradi është tashmë një nyje e rëndësishme për politikat hibride të rajonit:
Ka lidhje të forta me Moskën, por njëkohësisht bashkëpunon ngushtë me BE-në
Është një aleat taktik i Sorosit, por shfaqet si konservator në retorikë
Përfiton nga statusi i “jo-anëtarit të NATO-s”, gjë që i lejon manovrim të lirë politik
Vendosja e zyrës së Soros në Beograd përkon me një rritje të ndjeshme të bashkëpunimit të fondacioneve të huaja me partitë në pushtet në Ballkan dhe një aktivizim të grupeve “shoqëri civile” pro-BE, që lobojnë për ndryshime kushtetuese dhe reforma të kontrolluara.
Shqipëria, “laboratori eksperimental” i planit globalist
Shqipëria është kthyer në modelin më të shëmtuar të kësaj skeme. Nën justifikimin e “reformave të thella”, Edi Rama ka përdorur mbështetjen diplomatike të ambasadorëve të lidhur me axhendën Soros për të kontrolluar çdo pushtet: drejtësinë, median dhe parlamentin. Tashmë, përmes ndryshimeve të reja kushtetuese, synon të zhdukë çdo balancë institucionale dhe të shkëputet nga ndikimi amerikan, për t’iu nënshtruar plotësisht Evropës së kapur.
Pse duan të izolojnë Ballkanin nga SHBA
Pas zgjedhjeve presidenciale në SHBA dhe rikthimit të Donald Trump në Shtëpinë e Bardhë, disa qeveri të Ballkanit kanë nisur të distancohen qartë nga politika amerikane.
Në veçanti, në Tiranë, Beograd dhe Shkup, është vënë re një shift strategjik drejt Brukselit, ndërsa ndikimi amerikan po minimizohet, shpesh nën petkun e “mospërzierjes”.
Arsyeja? Politikat e administratës Trump janë shpallur të papajtueshme me axhendën globaliste të Brukselit dhe Sorosit, të cilat janë të favorizuara nga qeveritë ekzistuese në rajon.
Në Shqipëri, mbështetja amerikane për Reformën në Drejtësi gjatë presidencës Obama-Biden u përdor për të dhënë fuqi të pakontrolluar Edi Ramës – një aleat i kahershëm i George Soros dhe Fondacionit të tij. Me kthimin e Trump, është parë një frikë e qartë nga humbja e kësaj mbrojtjeje.
Në emër të “stabilitetit”, Ballkani po shndërrohet në një zonë të kontrolluar nga struktura jodemokratike me mbështetje europiane. Ndërkohë që popullsitë largohen, pushtetet qendrore forcohen, dhe SHBA-ja izolohet nga ndikimi.
Të gjitha këto zhvillime ndodhin në heshtje të plotë të institucioneve europiane, të cilat në vend të llogaridhënies kërkojnë “reforma” që në thelb shkrijojnë pluralizmin dhe garën demokratike.
Përfundimi: po krijohet një diktaturë e re e heshtur – me firmë europiane dhe vulë sorosiane
Qeveritë ballkanike po shfrytëzojnë vakumin gjeopolitik për të përqendruar pushtetin, për të ndryshuar kushtetutat dhe për të përjashtuar aktorët kritikë. Ndërkohë që BE flet për “vlera”, mbështet realisht regjime që shkarkojnë presidentë, kontrollojnë parlamentin, censurojnë median dhe shpërbëjnë drejtësinë.
Ky model i ri autoritar nuk vjen më në formën klasike të diktaturës, por nëpërmjet procedurave “demokratike” të kontrolluara. Dhe është pikërisht kjo ajo që e bën më të rrezikshëm.
Shënim: Kush është Redi Minga
Ai është shkrimtar, analist dhe redaktor i Patriotikmedia.com, Patriotikmedia.al si dhe i Stopfakealbania.com. Origjina e tij është nga qyteti i Tiranes, ai u zhvendos në Zvicer për të punuar për një media Zviceriane, sot ai punon për Patriotik Media Albania dhe që atëherë ka vazhduar të punojë në rolin e analistit ku ka bërë shumë analiza dhe editoriale në disa portale Zviceriane. Biles ai ka shkruar gjithashtu edhe për disa portale amerikane.
Ndalohet kopjimi dhe shpërndarja pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.