Nga Redaksia:
Greqia po përballet sot me një katastrofë demografike që po zbraz fshatra, qytete e tani edhe shkolla. 766 institucione arsimore janë në prag mbylljeje, ndërsa klasat që dikur mbusheshin me fëmijë sot janë kthyer në fantazma të një kombi në rënie. Ekspertët flasin hapur për një “spirale vdekjeje”, ku mungesa e lindjeve, emigracioni dhe plakja e popullsisë po i japin fund një kombi me histori mijëravjeçare.
Sipas statistikave greke:
Numri i fëmijëve në arsimin fillor ka rënë me 19% që nga 2018, mbi 111,000 fëmijë më pak në vetëm 7 vjet.
Shkalla e fertilitetit ka rënë në 1.35, ndër më të ulëtat në Evropë.
Vdekjet vjetore pothuajse dyfishojnë lindjet.
Edhe bonusi prej 2,400 € për fëmijën e parë nuk e ka frenuar shuarjen demografike.
Ministrja greke e Arsimit, Sofia Zacharaki, e pranoi publikisht: “Klasat tona pasqyrojnë gjendjen e reparteve tona të maternitetit.” Pra, aty ku nuk ka lindje, nuk ka as të ardhme.
Madje edhe Elon Musk e tha hapur: mbyllja masive e shkollave shënon “Vdekjen e Greqisë”.
Shqipëria në të njëjtin rrugëtim tragjik
Nëse dikush mendon se ky është vetëm problem i fqinjit tonë jugor, mjafton të shohim realitetin shqiptar:
Fshatra të tëra janë shpopulluar.
Shkollat mbyllen çdo vit nga mungesa e nxënësve.
Emigracioni ka marrë me qindra mijëra të rinj e familje të reja.
Shqipëria ka hyrë në listën e vendeve me rënie më të lartë të popullsisë në botë.
Kjo nuk është një aksident. Kjo është pasojë e politikave të qëllimshme të globalistëve që duan të shpopullojnë kombin tonë, të shkatërrojnë familjen shqiptare dhe të na kthejnë tokën në plaçkë për interesa të huaja.
Paralajmërimi
Ashtu si Greqia po sheh “vdekjen e saj”, e njëjta gjë po i ndodh Shqipërisë – vetëm se me një ritëm edhe më të shpejtë. Sot nuk mbyllen vetëm shkolla, por mbyllet e ardhmja e kombit tonë.
Nëse nuk ngrihemi si komb për të mbrojtur familjen, fëmijën, traditën dhe atdheun tonë, atëherë do të zgjohemi shumë shpejt në një Shqipëri pa shqiptarë.
Ky nuk është një lajm i zakonshëm, por një thirrje për mbijetesë kombëtare.
Globalistët mund ta kenë programuar “vdekjen e Greqisë”, por nuk duhet të lejojmë kurrë “vdekjen e Shqipërisë”.
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.