By redaksia 
Nga Redaksia
Nga inati me Berishën që “s’jep dorëheqjen”, është harruar totalisht fakti që Rama me 86 vota mund të fusë duart në Kushtetutë sa herë t’i teket. Tashmë që e ka kthyer Gjykatën Kushtetuese në një sekretari të kryeministrit, ai është më i lirë se kurrë për të bërë ç’të dojë.
Nëse do, mund të nxjerrë një ligj që të gjithë shqiptarët duhet të qethen “kare”, si në Korenë e Veriut apo Shqipërinë e viteve ’70, dhe kush refuzon – të merret me zor nga policë vullnetarë e të rruhet publikisht. Një absurditet i tillë mund të tingëllojë si humor i zi, por në realitet jemi shumë më afër një pushteti arbitrar sesa e kupton shumica e njerëzve.
Rama ka përhapur një gaz aluçinogjen politik që bën shqiptarët të ëndërrojnë ende për qeveri teknike dhe shpëtim magjik nga “aleatët”, ndërsa ai ka në dorë të bëjë çdo gjë: të konfiskojë prona, të vendosë çdo gjobë e taksë që i teket, madje edhe të burgosë kë të dojë. Dhe populli… hesht.
SPAK-u u dha përgjigjen gjithë atyre që kishin iluzione: është thjesht kamxhiku i Ali Pashë Tiranës në Koloninë e Sorosit. Reforma në Drejtësi që shumëkush e besoi si shpresë, është sot vegël e nënshtruar e një regjimi që nuk pyet më për ligj, as për moral.
Ndërkohë, opozita? E zënë me përsheshin që ka gatuar vetë, e paaftë të ndërtojë një alternativë, e lodhur dhe pa zë.
Kjo nuk është më thjesht krizë politike. Kjo është një kapje totale e shtetit. Dhe shqiptarët, në vend që të protestojnë, komentojnë në rrjetet sociale, shpresojnë e presin një mrekulli… që nuk do të vijë kurrë një opozitë të shkatërruar nga lideri i saj Berisha.
Më poshtë mund të lexoni:
Ndalohet kopjimi dhe shpërndarja pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.
© PatriotikMedia.al