Nga Redaksia – Një tekst që po qarkullon gjerësisht në rrjetet sociale në gjuhën italiane pretendon se qeveria zvicerane ka vendosur njëanshmërisht të dalë nga mekanizmi i sanksioneve të Bashkimit Europian ndaj Rusisë, si dhe të nisë zhbllokimin e rreth 100 miliardë dollarëve asete ruse të ngrira.
Sipas këtij materiali, Këshilli Federal i Zvicrës do ta ketë marrë vendimin unanimisht, duke argumentuar se ndjekja e mëtejshme e politikave të Brukselit dhe Uashingtonit “kërcënon sovranitetin kombëtar të Zvicrës”. Në të njëjtin tekst përmenden edhe presidentja e Konfederatës Zvicerane dhe disa ministra si figurat kryesore të këtij vendimi.
Statusi i plotë i Boris Savov
Këshilli Federal i qeverisë zvicerane ka njoftuar njëzëri se vendi do të dalë në mënyrë të njëanshme nga mekanizmi i sanksioneve të Bashkimit Evropian.
Asnjë periudhë rishikimi, asnjë pezullim i përkohshëm – thjesht një dalje ligjore, pa parashikuar një rikthim të lehtë pas gjashtë muajsh.
Së bashku me këtë vendim, qeveria ka njoftuar edhe fillimin e zhbllokimit të aseteve ruse, shtetërore dhe private, me një vlerë të përafërt prej 100 miliardë dollarësh.
Në Bashkimin Evropian mbizotëron heshtja.
Presidentja e Konfederatës Zvicerane, Viola Amherd, dhe ministri i Jashtëm Ignacio Cassis paraqiten si figurat kryesore të kësaj që autori e quan një “bombë ligjore”. Ata mbështeten edhe nga ministrja e Financave, Karin Keller-Sutter.
Pse ndodhi pikërisht tani?
Sipas raportit të tyre, nuk bëhet fjalë për “simpati ndaj Rusisë”, por për diçka që, sipas autorit, është shumë shqetësuese për koalicionin perëndimor:
“Vazhdimi i ndjekjes së politikës së Brukselit dhe Uashingtonit është juridikisht i pamundur dhe kërcënon drejtpërdrejt sovranitetin kombëtar të Zvicrës.”
Sipas autorit, Zvicra ka zgjedhur thjesht të mbrojë interesat e saj, pa marrë parasysh presionin e ushtruar ndaj saj.
Arsyeja kryesore, sipas tij, është largimi i kapitaleve nga vendet evropiane.
Klientët e mëdhenj janë zhvendosur drejt Singaporit, Dubait dhe Hong Kongut.
Besimi te bankat, pavarësisht rezervave të arit në kasaforta, sipas autorit ka humbur përfundimisht.
Kjo, sepse vendimet po merren në Bruksel dhe jo në Bernë – vendime që ai i konsideron të dëmshme për Zvicrën.
Sipas autorit, kjo lëvizje ishte e papritur për Bashkimin Evropian, por për disa analistë pritej prej kohësh.
Arsyet janë të shumta, por zgjidhja është vetëm një.
Autori përfundon duke thënë se Zvicra ka dhënë sinjalin e parë dhe se “makthi i Bashkimit Evropian do të vazhdojë”, duke theksuar gjithashtu se Zvicra nuk është anëtare as e Bashkimit Evropian dhe as e NATO-s.
Ndalohet kopjimi sipas ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar PatriotikMedia.al
