Nga Redaksia – Një ngjarje e rëndë dhe alarmante ka tronditur sot Tiranën, ku avokati i njohur Altin Goxhaj është ndaluar nga forcat e policisë teksa po filmonte me telefon në një hapësirë publike.
Sipas informacioneve të fundit, Goxhaj ndodhet aktualisht në ambientet e Komisariati Nr. 2, ku është shoqëruar pa një shpjegim të qartë nga autoritetet. Ngjarja ka ndodhur ndërsa ai ishte rrugës për të marrë pjesë në një podcast në Tru Podcast Media të gazetarit Shpend Gashi.
Dëshmitarë në vendngjarje pretendojnë se ndërhyrja e policisë ka qenë e menjëhershme dhe e pashpjeguar, ndërsa disa efektivë dyshohet se nuk kanë pasur të afishuara numrat e identifikimit, duke shtuar edhe më shumë pikëpyetjet mbi ligjshmërinë e këtij veprimi.
Deri në këto momente nuk ka asnjë reagim zyrtar nga Policia e Shtetit, ndërkohë që rasti ka shkaktuar reagime të forta dhe shqetësim në opinionin publik.
Burime pranë PatriotikMedia.al theksojnë se ndalimi i avokatit mund të mos lidhet thjesht me filmimin, por me qëndrimet dhe denoncimet e tij të fundit publike mbi çështje të ndjeshme politike dhe ekonomike.
Ky rast ngre një pyetje thelbësore: nëse një avokat ndalohet për filmim në një hapësirë publike, çfarë garancie ka një qytetar i thjeshtë përballë veprimeve të tilla?
Ngjarja kërkon transparencë të menjëhershme dhe përgjigje nga institucionet përgjegjëse, pasi çdo vonesë vetëm sa thellon dyshimet mbi një abuzim të mundshëm me pushtetin.