Washington – Kryeministri Edi Rama e ka përdorur ftesën e Bordit të Paqes si një mjet për të reklamuar “fitore diplomatike” për vendin, duke e prezantuar publikisht si një sukses personal dhe arritje ndërkombëtare. Por në të vërtetë, kjo është një lojë propagandistike për të mashtruar publikun shqiptar. Ftesa nuk i drejtohej domosdoshmërisht Ramës personalisht dhe nuk ka asnjë konfirmim zyrtar që ai do të jetë fizikisht në Washington, D.C., më 19 shkurt 2026.
Disa portale online kanë shpërndarë lajme të pa-verifikuara se Edi Rama do të marrë pjesë personalisht në takimin e Bordit të Paqes, një forum ndërkombëtar i promovuar nga Presidenti i SHBA-së, Donald J. Trump, për çështjet e paqes dhe rindërtimit të Gazës.
Këto lajme janë të pavërteta.
Në fakt, Shqipëria është e ftuar si vend anëtar, por pjesëmarrja fizike e kryeministrit nuk është konfirmuar dhe mund të përfaqësohet nga një delegacion tjetër qeveritar ose diplomatik. Kjo e bën të qartë se Rama nuk ka ndonjë rol të drejtpërdrejtë në këtë takim, përtej promovimit të imazhit të tij personal si udhëheqës ndërkombëtar.
Ky lajm i rremë tregon se disa media vazhdojnë të manipulojnë informacionin për të krijuar perceptime të gabuara tek publiku shqiptar, duke përfituar nga dëshira e qytetarëve për lajme të mëdha dhe sukses diplomatik të vendit. Në këtë rast, Rama është përdorur si simbol i suksesit që nuk ekziston, duke mashtruar publikisht opinionin shqiptar dhe duke e prezantuar ftesën e vendit si arritje personale.
PatriotikMedia.al thekson rëndësinë e verifikimit të lajmeve dhe ju fton të mos shpërndani informacione të pa-verifikuara. Çdo njoftim zyrtar rreth udhëtimeve të kryeministrit do të publikohet nga institucionet përkatëse dhe çdo pretendim për prezencë personale në Washington duhet marrë me rezervë deri në konfirmim të plotë zyrtar.
Thashethemet për udhëtimin e Ramës më 19 shkurt janë fake news. Shqipëria është e ftuar, por kryeministri nuk do të jetë fizikisht prezent, dhe çdo propagandë që përpiqet ta paraqesë këtë si “fitore personale” është një mashtrim i hapur ndaj qytetarëve shqiptarë.