Nga Redaksia:
Një raport i ri nga organizata amerikane Concerned Women for America (CWA) ka ndezur alarmet në mbarë vendin: pothuajse gjysma e programeve për fëmijë në Netflix – 41% – përmbajnë elemente dhe mesazhe LGBT, të futur drejtpërdrejt në seriale të klasifikuara për moshat më të vogla.
Ky raport ngrihet në një kohë kur Netflix dhe Warner Bros. po shqyrtojnë një bashkim të mundshëm, zhvillim që ka rritur shqetësimet e prindërve për zgjerimin e këtyre mesazheve në një grup akoma më të gjerë programesh.
Programacioni për fëmijë: instrument për ndryshim kulturor
Sipas Common Sense Media, 58% e fëmijëve 4-vjeçarë në SHBA kanë tashmë tabletin e tyre personal, gjë që i ekspozon drejtpërdrejt ndaj programacioneve që prindërit i konsiderojnë të padëmshme.
Megjithatë, raporti i CWA thekson se krijuesit e programeve po përdorin pikërisht këtë akses masiv për të futur tema dhe mesazhe që më parë trajtoheshin vetëm për audienca të rritura.
Prirja nuk është rastësore, por pjesë e një orientimi më të gjerë të industrisë së entertainment-it.
41% e programeve për fëmijë në Netflix përmbajnë përmbajtje LGBT
Analiza e CWA për programacionin me klasifikim G dhe TV-Y7 në Netflix zbuloi se 41% e titujve përfshijnë personazhe, mesazhe ose skena të lidhura me agjendën LGBT.
Shembuj konkretë:
Ada Twist, Scientist
Një serial për fëmijët 7+ ku një episod i tërë i dedikohet organizimit dhe festimit të një martese mes dy burrave, përfshirë skena të shumta puthjesh. Prodhues ekzekutivë të programit janë Barack dhe Michelle Obama.
- Jurassic World: Camp Cretaceous
- Serial vizatimor ku futen elemente lidhjesh romantike të të njëjtit seks.
GLAAD dhe rritja e personazheve LGBT në prodhimet për fëmijë
Pas trendit qëndron organizata GLAAD, e cila çdo vit publikon raportin “Where We Are on TV”, duke ushtruar presion mbi platformat televizive për të shtuar personazhe LGBT.
Në raportin e fundit, GLAAD evidenton:
489 personazhe LGBT në televizion midis qershorit 2024 dhe majit 2025 — një rritje prej 21 personazhesh nga viti i kaluar.
Një pjesë e këtyre personazheve tashmë kanalizohet në prodhimet për fëmijë.
Transformimi i personazheve klasike të fëmijërisë
Raporti i CWA tërheq vëmendjen se edhe seriale të vjetra e të njohura, të konsideruara dikur të sigurta për fëmijët, janë riformatuar me personazhe të reja LGBT. Disa shembuj përfshijnë:
- The Magic School Bus
- Power Rangers
- The Baby-Sitters Club
- She-Ra
- The Fairly OddParents
Raporti shtron pyetjen:
“Pse programet për fëmijë duhet të trajtojnë çështje të të rriturve si orientimi seksual dhe identiteti gjinor, kur tradicionalisht janë fokusuar te socializimi dhe edukimi fillestar?”
Letra e CWA për Netflix
Në tetor, drejtoresha ekzekutive e CWA, Penny Nance, i dërgoi një letër zyrtare bashkëdrejtorit ekzekutiv të Netflix, Theodore Sarandos, duke i kërkuar që të respektohet fakti se:
- bisedat rreth seksualitetit janë të ndjeshme,
- çdo familje e trajton ndryshe,
- dhe këto biseda duhet të ndodhin në momentin që përcaktojnë prindërit — jo një film vizatimor.
- Netflix nuk ka kthyer ende përgjigje.
Programe të tjera nën akuzë
Raporti liston edhe disa tituj të tjerë problematikë:
Dead End: Paranormal Park
I anuluar në 2023 pas dy sezonesh, seriali u bë i famshëm për protagonistin transgjinor homoseksual, por përfshinte edhe elemente demonësh, fantazmash dhe personazhe me paraqitje seksualisht të theksuar.
CoComelon Lane
Një episod paraqet një djalë të vogël me fustan, që kërcen për dy baballarët e tij homoseksualë.
Raporti i CWA i jep përgjigje një shqetësimi që po rritet në mënyrë të dukshme tek prindërit amerikanë:
Programet për fëmijë nuk janë më të fokusuara te edukimi i butë, socializimi dhe zhvillimi i aftësive, por po shërbejnë si platforma për futjen e temave të të rriturve në moshat më të vogla.
Netflix mbetet në qendër të debatit — dhe heshtja e tij përballë këtyre akuzave vetëm e shton shqetësimin.