Nga Redaksia:
Nicole Shanahan, ish-bashkëshortja e bashkëthemeluesit të Google, Sergey Brin, dhe një donatore gjigante e dhjetëra OJQ-ve, ka shpërthyer publikisht kundër asaj që ajo e quan “mafia e grave teknologjike” të Silicon Valley, duke deklaruar në një podcast tronditës se të gjitha ato janë manipuluar nga globalizmi.
Ajo thotë:
Nuk besoj se shumë nga gratë e mafias teknologjike e kuptojnë… se janë përdorur për të krijuar terrenin e asaj që Klaus Schwab e quan ‘Rikthimi i Madh’. Paratë e tyre janë kanalizuar përmes një rrjeti këshilltarësh të OJQ-ve, Hollywood-it, Davosit dhe vetë kompanive të tyre. Po përdorin një grup shumë të vogël njerëzish, plotësisht të verbër për mënyrën se si pasuritë e tyre po shfrytëzohen për politika të “Rikthimit të Madh”.
Shanahan shpjegon mekanizmin psikologjik që e ka ushqyer këtë skemë të hollë:
Këto gra e gjenin kuptimin e jetës në filantropi. Edhe unë vetë besoja se po ndihmoja komunitetet e zeza dhe ato indigjene.
Por rezultatet, sipas saj, i hapën sytë:
Problemet vetëm janë përkeqësuar. Kriminaliteti është rritur. Shëndeti mendor është degraduar. I gjithë modeli është i prishur.
Sipas saj, “Shenjtëria e fundit” e këtyre filantropeve është kauza e ‘ndryshimeve klimatike’, por edhe vetë Shanahan është e bindur se alarmet më të mëdha “klimatike” janë në fakt çështje të geo-inxhinierisë.
“Ne ishim idiotet e dobishme”, përfundon ajo.
Fjalët e Shanahan u përforcuan menjëherë edhe nga shkrimtari francez Renaud Camus. Por goditja më e fortë erdhi nga një tjetër grua me pushtet në SHBA: Desiree Fixler, ish-drejtuesja e lartë bankare dhe filantrope e penduar, e cila e konfirmon plotësisht atë që thotë Shanahan.
Fixler shkruan:
Ndihmova në ndërtimin e ‘Rikthimit të Madh’ të Forumit Ekonomik Botëror nga brenda. FEM e shiti si një mënyrë për ‘të rindërtuar më mirë’: veprim klimatik, ESG, përfshirje dhe partneritete publike-private. Në praktikë, ai transferoi pushtetin nga votuesit tek OJQ-të, elitat korporative dhe teknokratët e pa zgjedhur.
Ajo thekson se:
Politika u riemërua si ‘shkencë’ për të heshtur debatet. Tregjet u deformuan nga vlerësimet ESG, taksat e karbonit dhe rregulloret burokratike. Korporatat u shndërruan në zbatues të ideologjive. Ashtu siç tregon Shanahan, komunitetet nuk u përmirësuan – pasuria dhe pushteti u shtynë lart, te elitat.
Dhe Fixler e mbyll me një përmbledhje të zymtë:
Paguam fatura më të larta të energjisë, para të zhvlerësuara, një krizë të kostos së jetesës, më pak vende pune dhe kontroll të fshehtë mbi mënyrën si jetojmë dhe flasim. Unë e kundërshtova. Pastaj u tërhoqa. Dhe prej atëherë jam duke ngritur zërin.