Nga Rafa Gómez – Santos Martín:
Koncepti i ashtuquajtur “pandemia e bardhësisë” përkufizohet si ideja se “bardhësia i referohet kulturës, jo biologjisë”, dhe se kjo kulturë karakterizohet nga verbëria ndaj racës, pasiviteti dhe fragjiliteti i bardhë – të gjitha të përshkruara si forma të fshehta të racizmit të zakonshëm në Shtetet e Bashkuara.
Sipas qendrave amerikane të shëndetit (CDC, 2021), racizmi trajtohet si një epidemi, e madje si një pandemi globale nga Shoqata Amerikane e Psikologjisë (APA, 2020), për shkak të përhapjes dhe ndikimit të madh ndërkombëtar.
Por sipas autorëve të projektit, pas kësaj fshihet edhe një fenomen më i thellë: pandemia e bardhësisë, një kulturë shoqërore shekullore që – sipas tyre – i jep shtysë racizmit sistemik.
Sipas materialeve të projektit, emërtimi i kësaj “pandemie” synon të zhvendosë vëmendjen nga viktimat e racizmit tek sistemet që e krijojnë dhe e riprodhojnë atë, duke nisur nga familja.
Fëmijët që rriten në familje të bardha, thuhet në raport, “socializohen në kulturën e bardhësisë” që në moshat e para, gjë që e kthën familjen në një institucion të rëndësishëm të racizmit sistemik.
Faqja zyrtare e projektit paralajmëron se “askush nuk ka shpëtuar” nga kjo pandemi kulturore:
“Nëse ke lindur ose je rritur në Shtetet e Bashkuara, ke jetuar në mes të pandemisë së bardhësisë dhe mund të kontribuosh për ta ndalur ose kthyer mbrapsht, veçanërisht nëse je i bardhë, për shkak të pushtetit dhe privilegjeve që ke në këtë shoqëri të racializuar.”
Projekti u bën thirrje prindërve që të “riedukojnë fëmijët”, ndërsa u drejtohet të rriturve me mesazhin:
“Nëse je socializuar në kulturën e bardhësisë gjatë fëmijërisë, nuk është faji yt, por si i rritur është përgjegjësia jote të reflektosh, riedukohesh dhe të veprosh.”
Në vijim, projekti u kërkon të rriturve të bardhë që të angazhohen në:
“proces të vazhdueshëm vetëreflektimi për të zhvilluar një identitet të shëndetshëm të bardhë, ndërsa praktikon një prindërim/caregiving antiracist të guximshëm.”
Sipas faqes zyrtare, projekti “Whiteness Pandemic” financohet nga:
Instituti i Zhvillimit të Fëmijës në Universitetin e Minesotës
Instituti Kombëtar i Shëndetit Mendor
Një grant kërkimor nga zyra e Provost-it të Universitetit të Minesotës
Një bursë doktorature ndërdisiplinore nga i njëjti universitet
Minneapolis, në qendër të dy skandaleve të mëdha
Organizata Defending Education, një grup mbrojtës i të drejtave të prindërve, publikoi një raport të ri tronditës.
Kryeqyteti më i madh i Minesotës, Minneapolis, është prej vitesh në qendër të debatit, për shkak të:
rritjes së kriminalitetit,
skandalit masiv “Feeding Our Future”, ku qindra milionë dollarë të skemës Medicaid u vodhën,
infiltrimit të rrjeteve të huaja në zonat me emigracion të lartë.
Të premten, Presidenti Trump njoftoi pezullimin e menjëhershëm të statusit TPS për emigrantët somalezë – një vendim që prek zemrën e distriktit të kongresmenes Ilhan Omar dhe i hap rrugën dëbimeve të shpejta.
Raporti thekson se ky vendim erdhi pas një serie skandalesh, ku autoritetet federale zbuluan se pjesë të fondeve të vjedhura nga programet sociale në Minesota kanë përfunduar deri te grupet terroriste në Somali.
Një hetim i gazetarëve Ryan Thorpe dhe Chris Rufo zbuloi se përmes mashtrimeve në sistemin e shëndetësisë dhe shërbimeve njerëzore, taksapaguesit amerikanë po financojnë – pa dijeninë e tyre – aktivitete terroriste në Somali.
Pjesë e parave të zhdukura, sipas raportit, u kanalizuan drejt organizatës terroriste Al-Shabaab.