Nga Redaksia:
Kjo javë solli një tjetër tronditje në botën e mjekësisë: Correo Diario publikoi një investigim mbi mijëra raste të mielitis transversa (MT) – një inflamacion i palcës kurrizore që ka lënë shumë pacientë të paralizuar – të shfaqura pas vaksinimit kundër COVID-19. Mes tyre, rasti i Dr. Joel Wallskog, kirurg ortoped amerikan, i cili mbeti i paralizuar pak ditë pasi mori vaksinën Moderna në vitin 2020.
Ky rast nuk është i vetëm. Por pyetja e madhe është:
si është e mundur që mjekët, që supozohet të jenë zëri i arsye së shëndetit, e shtynin me kaq zell popullin drejt një produkti që po shfaqej gjithnjë e më i rrezikshëm?
Në librin e tij të fundit, Dr. Vernon Coleman sjell përgjigje të errëta, por tepër reale:
shumë mjekë u blenë, shumë të tjerë u frikësuan deri në nënshtrim.
Mjekët që u ndjenë të frikësuar – dhe mjekët që u blenë me para
Sipas Coleman, heshtja masive e mjekëve nuk ishte rastësi. Ajo ka dy arsye themelore:
1-Pagesa të majme, bonuse dhe shantazhe financiare
Në shumë shtete, mjekët morën shpërblime të jashtëzakonshme për çdo vaksinë që administronin.
Spitalet u mbushën me bonuse të fshehura, ndërsa qeveritë krijuan skema motivimi që tejkalonin çdo logjikë profesionale.
Dhe Shqipëria nuk bëri përjashtim.
Në kulmin e pandemisë, shumë mjekë shqiptarë u kthyen në altoparlantë propagande, duke shitur profesionin për një:
- kredi të butë,
- kontratë pune,
- rritje page,
- çantë me para të ardhura nga projektet,
- apo thjesht për privilegje që s’kishin të bënin fare me etikën e mjekësisë.
Ndërsa pacientët u frikësuan e u shtynë drejt një vendimi që më pas shumë prej tyre e paguan me shëndet – disa edhe me jetë.
2 – Frika, ndëshkimi dhe policia e mendimit mjekësor
Mjekët që guxuan të flisnin ndryshe u goditën me mjete brutale:
- iu hoq licenca,
- u shpallën “rrezik publik”,
- iu mbyll goja nga bordet mjekësore,
- media i linçoi,
- ndërsa sistemet shëndetësore i lanë pa punë.
Ndodhi në Britani, ndodhi në Europë, ndodhi edhe në Shqipëri.
Çdo mjek që vinte në dyshim efektet e vaksinës etiketohej menjëherë si “i lajthitur”, “anti-shkencë” apo “rrezik”.
Kjo klimë terrori bëri që shumica të heshtnin dhe të ktheheshin në robotë të sistemit, kundër betimit të tyre profesional.
Kur rregullatori ka para të investuara në vaksina – kush mbron qytetarin?
Në një letër zyrtare drejtuar gjyqtarëve britanikë, Dr. Vernon Coleman denoncon një skandal të madh:
GMC (General Medical Council) – institucioni që jep licencat e mjekëve – kishte investime të drejtpërdrejta në kompani të vaksinave.
Si mund të ndëshkojë një mjek që kritikon një produkt, kur vetë institucioni fiton para nga ai produkt?
Kjo është pikërisht ajo që ndodhi me mjekun britanik Dr. Mohammad Adil, që u pezullua për 3.5 vite vetëm sepse kritikoi hapur vaksinat. Ndërkohë, në këtë periudhë, ai mund të kishte kryer 3500 operacione – qytetarë të privuar nga shërbimi i tij për shkak të një vendimi politik, jo mjekësor.
E njëjta logjikë u kopjua edhe në Shqipëri:
mjekët që shtrëngonin njerëzit të vaksinoheshin, u ngritën në podium.
Mjekët që ngrinin pikëpyetje, u heshtën.
Një sistem i blerë nga ilaçet dhe interesat e mëdha, jo nga etika.
Historia e mjekësisë është e mbushur me gabime – por këtë herë gabimi ishte i qëllimshëm
Coleman sjell shembuj:
- operacione absurde të miratuara dikur nga komuniteti mjekësor,
- barna që shkaktuan varësi masive,
- programe vaksinimi të mëparshme që më pas u shpallën të rrezikshme,
- procedura shkatërruese që u aplikuan për dekada pa arsye.
Por kësaj here, ndryshe nga e kaluara, konflikti ishte më i madh:
një industri shumë-miliardëshe kishte nevojë për heshtjen e mjekëve.
Dhe ata heshtën.
Shqiptarët meritojnë të dinë të vërtetën
Dhe e vërteta është kjo:
- shumë mjekë shqiptarë heshtën për të mos humbur kredinë e butë,
- shumë të tjerë heshtën për rrogën e rritur,
- disa heshtën për ndonjë kontratë të re,
- ndërsa të tjerë për thjesht sigurinë e vendit të punës.
Në fund, pacientët e zakonshëm mbetën viktimat e një sistemi të kapur.
Nga Britania te Shqipëria, pandemia zbuloi një realitet të hidhur:
Sistemi shëndetësor nuk u thye rastësisht – ai u ble me para.
Dhe mjekët që duhej të mbronin pacientët, zgjodhën të mbronin xhepat e tyre.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.