By redaksia 
Nga Redaksia:
Hungaria i jep një goditje të fortë aspiratave të Ukrainës për anëtarësim në Bashkimin Europian. Sipas rezultateve zyrtare të një konsultimi kombëtar të zhvilluar online nga qeveria e kryeministrit Viktor Orbán, 95% e votuesve janë shprehur kundër anëtarësimit të Ukrainës në BE.
Megjithëse nuk ka status ligjor si një referendum i detyrueshëm, kjo votë masive kundërshtuese shihet si një mesazh i qartë politik: populli hungarez nuk e pranon përfshirjen e Ukrainës në strukturat europiane, duke përdorur të drejtën e vetos që çdo vend anëtar i BE-së ka në këtë proces.
Qeveria hungareze, një nga kundërshtaret më të zëshme të politikës pro-ukrainase të Brukselit, e ka quajtur këtë rezultat një “fitore të sovranitetit” dhe një “mesazh që askush nuk mund ta injorojë”.
Konsultimi është zhvilluar përmes platformës Voks 2025, dhe ka mobilizuar mbi 2.2 milionë qytetarë, sipas të dhënave të shpallura. Megjithatë, opozita e majtë dhe mediat ndërkombëtare janë përpjekur ta minimizojnë rëndësinë, duke pretenduar pjesëmarrje më të ulët dhe duke hedhur hije dyshimi mbi procesin.
Pasoja gjeopolitike
Ky votim vjen në një moment kyç ku Perëndimi përpiqet të mbajë të hapura dyert për Kievin, ndërsa Rusia shpreh gatishmëri për negociata paqeje me kushte të reja. Nëse Hungaria përdor të drejtën e vetos në Këshillin Europian, atëherë rruga e Ukrainës drejt BE-së bllokohet de facto.
Më tej, analistët theksojnë se ky “Jo” masiv nuk është vetëm kundër Ukrainës, por kundër vetë axhendës globaliste që kërkon zgjerim pa konsensus kombëtar. Orbán, që prej kohësh ka qenë një nga kundërshtarët më të ashpër të burokracisë së Brukselit, i jep tani një tjetër shembull të ushtrimit të sovranitetit kombëtar.
Ukraina në NATO? Edhe më e pamundur…
Nëse hyrja në BE po rezulton e vështirë, anëtarësimi në NATO është edhe më i largët. Edhe këtu, vendet anëtare kanë të drejtën e vetos. Dhe me rritjen e skepticizmit në opinionet publike të vendeve të Europës Lindore, gjithçka është në rënie të lirë për ambiciet e Kievit.
Ky është një sinjal i qartë që marrëveshja e paqes Rusi-Ukrainë nuk është më larg, pasi pika-pika po “shkruhen” në heshtje, duke reflektuar realitetin e ri të shumë polarizuar të gjeopolitikës europiane.
PatriotikMedia.al – Zëri i së Vërtetës Kombëtare
Na ndiqni për analiza të pakompromis dhe informacione të censuruara nga mediat globaliste.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.