By redaksia 
Nga: Redi Minga
Shqipëria sot nuk është më një republikë parlamentare funksionale, por një karikaturë e shembur e shtetit, e komanduar nga një klikë e rilindur nën bekimin e Sorosit dhe mbështetjen e strukturave ndërkombëtare të korruptuara. Asgjë nuk funksionon sipas rregullave demokratike. Ligji është vetëm një dekor, ndërsa rregullat ndërrohen sipas tekave të pushtetit. Në këtë rrumpallë të institucionalizuar, qytetarët janë thjesht spektatorë të një loje të pistë ku gjithçka vendoset në prapaskenë.
Parlamenti i vjetër – një fantazmë pa mandat
Në asnjë vend serioz nuk ndodh që pas mbajtjes së zgjedhjeve, parlamenti i vjetër të vazhdojë të qëndrojë në detyrë për 6 muaj të tjerë. Kjo ndodh vetëm në Shqipëri, ku logjika e tranzicionit është shndërruar në përjetësi. Zgjedhjet e 11 majit prodhuan një panoramë të re, por sipas modelit të Rilindjes Sorosiane, populli mund të votojë, por nuk ka asnjë garanci që vota e tij do të zbatohet.
Qeveri që nuk lëshon pushtetin – sikur të ishte pronë private
Edhe pse zgjedhjet u mbajtën, Edi Rama dhe klika e tij vazhdojnë të komandojnë vendin pa u shqetësuar. Sipas logjikës së Rilindjes, mandati i qeverisë nuk varet nga vota, por nga pëlqimi i ambasadës. Kjo vonesë në dorëzimin e pushtetit është një sinjal alarmi për çdo qytetar që ende beson te demokracia.
Skandalet në Kuvend – Kryetarja zë vendin e kryeministrit!
Pamjet nga Kuvendi, ku Elisa Spiropali ulet në vendin e Edi Ramës në sallë plenare, janë simboli më i pastër i shtetit rrumpallë. Në çdo demokraci, vendet në sallën e Kuvendit janë të përcaktuara dhe të respektuara. Por në Shqipërinë e komanduar nga “NGO-nokratët”, çdo rregull është fleksibël, për sa kohë mbrohet pushteti.
Deputeti pa të drejta – vetëm partia ka zë!
Një tjetër absurditet është fakti që kandidati për deputet nuk ka të drejtë të apelojë për shkelje zgjedhore. Vetëm partia që e ka listuar mund të ankohet. Kjo është një tjetër mënyrë për të mbajtur peng individët dhe për t’i dhënë partive një pushtet absolut mbi çdo kandidaturë.
Deputetët – të emëruar nga lart, jo të zgjedhur nga poshtë
70% e deputetëve në Kuvend nuk kanë kaluar asnjë filtër të votës popullore. Ata janë thjesht emra në lista, të zgjedhur nga kryetarët e partive, që më shumë se politikanë janë drejtues të fondacioneve globale me axhendë të qartë ideologjike. Demokracia shqiptare është zëvendësuar nga “listokracia”.
Media – opozita e opozitës
Në vend që media të mbajë pushtetin nën presion, në Shqipëri ndodh e kundërta. Pjesa më e madhe e mediave bëjnë opozitë ndaj opozitës, ndërsa qeverinë e servilosen dhe e mbrojnë si në autokracitë më të neveritshme. Janë të njëjtat portale që financohen nga fondacionet e huaja dhe që u shërbejnë agjendave të “shoqërisë së hapur”.
Shqipëria sot është në një krizë të thellë legjitimiteti dhe funksionaliteti. Kjo nuk është një demokraci, por një shtet kukull i komanduar nga jashtë dhe i kapur nga brenda. Sa kohë që ky popull fle dhe nuk revoltohet për këtë gjendje, do të meritojë pikërisht këta qeveritarë rrumpallë që përfaqësojnë më shumë interesat e Sorosit sesa të shqiptarëve.
Shpërndajeni këtë artikull në rrjetet sociale dhe thyejeni heshtjen! PatriotikMedia.al është zëri i të vërtetës që duan ta fshijnë!
Shënim: Kush është Redi Minga
Ai është shkrimtar, analist dhe redaktor i Patriotikmedia.com, Patriotikmedia.al si dhe i Stopfakealbania.com. Origjina e tij është nga qyteti i Tiranes, ai u zhvendos në Zvicer për të punuar për një media Zviceriane, sot ai punon për Patriotik Media Albania dhe që atëherë ka vazhduar të punojë në rolin e analistit ku ka bërë shumë analiza dhe editoriale në disa portale Zviceriane. Biles ai ka shkruar gjithashtu edhe për disa portale amerikane.
Ndalohet kopjimi dhe shpërndarja pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.