By redaksia 
Nga Redi Minga
Një mesazh që nuk u tha, por që kuptohet qartë
Nëse sheh një popull që hesht kur i shiten pasuritë, kur zhduket vota, kur qeverisin me kriminelë dhe bëjnë tendera me thes, mos u habit që sërën e kanë gjithmonë të njëjtët.
Në një vend ku drejtësia është tallur me popullin, ku krimi ka hyrë në parlament dhe ku çdo tentativë për ndryshim është neutralizuar nga ambasadat dhe oligarkët, të thuash sot se “populli i meriton këta qeveritarë”, është më shumë se ironi – është cinizëm diplomatik.
Edi Rama, produkt i aleancës me Sorosin
Faktet janë të thjeshta:
Edi Rama ka ndërtuar një regjim ku pushteti ekzekutiv ka kapur drejtësinë, median dhe një pjesë të madhe të opozitës.
Reforma në Drejtësi, e mbështetur fuqimisht nga ambasada amerikane, është përdorur si armë politike kundër kundërshtarëve dhe jo si sistem drejtësie i pavarur.
Të njëjtat struktura që heshtën për inceneratorët, për aferën e sterilizimit dhe për manipulimin e zgjedhjeve me bandat (dosjet 184 dhe 339), u aktivizuan për të goditur opozitarë si Berisha, Basha, madje dhe qytetarë të zakonshëm.
Rama është krijesë e projektit Sorosian në Shqipëri, një rrjet që synon stabilitetin në funksion të interesave globaliste, jo të lirisë së qytetarëve.
Ambasada që fliste me dy gjuhë
Nuk është hera e parë që Ambasada Amerikane në Tiranë përdor dy standarde:
Kur vritet protestuesi në Shkodër (2021), ambasada nuk lëshon asnjë deklaratë për përgjegjësinë shtetërore.
Kur vritet Pjerin Xhuvani në Elbasan (2021), deklarata u përdor për të dënuar qytetarin që tentoi të ndalonte blerjen e votës.
Kur BKH kapet duke u përdorur politikisht, ambasada hesht.
Kur SPAK shpërndan dosje për opozitën në prag zgjedhjesh, ambasada “përgëzon progresin”.
Ky është standardi i “një populli që fle”: t’i thuash qytetarëve se po bëhet përparim, ndërkohë që pushteti thellohet.
Zgjedhjet e 11 majit: Kronika e një manipulimi të mbrojtur ndërkombëtarisht
Në zgjedhjet vendore të 2023 dhe zgjedhjet e pjesshme të 2025, pamë:
Paralajmërime për blerje vote të injoruara nga KQZ dhe ambasadat.
Komisionerë të frikësuar dhe të kapur politikisht.
Një popull që ndjente se vota e tij nuk kishte më peshë, sepse loja ishte e mbyllur më parë në zyrat e ambasadave dhe të kryeministrit.
Nëse sheh një popull që hesht kur i shiten pasuritë, kur zhduket vota, kur qeverisin me kriminelë dhe bëjnë tendera me thes, mos u habit që sërën e kanë gjithmonë të njëjtët.
E kur i sheh ambasadorët e huaj që buzëqeshin pranë një autokrati të korruptuar, thuaji vetes: ndoshta është pjesë e planit që ti të flesh edhe më thellë.
Por koha po ndryshon. Era që fryn nga Amerika sot nuk vjen më me aromë sorosiane – por me një paralajmërim për të gjithë Ramët e Ballkanit.
Administrata Trump 2: Një dritë në fund të tunelit
Me rikthimin e Donald Trump në Shtëpinë e Bardhë në vitin 2024, Shqipëria mund të ketë një shans për të çliruar politikën nga kapja e globalistëve.
Donald Trump i ka shpallur luftë të hapur Sorosit dhe rrjeteve të tij, dhe kjo do të ketë pasoja direkte në Ballkan.
Në Uashington, zyrtarë të rinj me frymë pro-sovraniste po analizojnë me kujdes dosjet e korrupsionit ku diplomatët amerikanë kanë luajtur rol të dyshimtë.
Populli nuk fle më – ai po përgatitet të zgjohet
Nëse dikur ky popull ka heshtur, nuk ka qenë nga budallallëku. Ka qenë nga shpresa. Por kur shpresa vdes, lind revolta.
Dhe kjo do ndodhi nje dite.
Mesazhi i atribuohet “Shqiptarëve” – si “një popull që fle…” por qe do të kthehen shumë shpejt në boomerang politik për ata që menduan se shqiptarët janë thjesht numra për t’u manipuluar dhe jo qytetarë me dinjitet.
Shqipëria nuk është një koloni. Populli nuk është një eksperiment. Dhe heshtja ka një fund.
Shënim: Kush është Redi Minga:
Ai është shkrimtar, analist dhe redaktor i Patriotikmedia.com, Patriotikmedia.al si dhe i Stopfakealbania.com. Origjina e tij është nga qyteti i Tiranes, ai u zhvendos në Zvicer për të punuar për një media Zviceriane, sot ai punon për Patriotik Media Albania dhe që atëherë ka vazhduar të punojë në rolin e analistit ku ka bërë shumë analiza dhe editoriale në disa portale Zviceriane. Biles ai ka shkruar gjithashtu edhe për disa portale amerikane.
Ndalohet kopjimi dhe shpërndarja pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.