By redaksia 
Nga Redaksia
Po afron fundi i një epoke. Jo, nuk bëhet fjalë për ndonjë apokalips biblik, por për diçka shumë më të thellë: fundin e mashtrimit të organizuar nën petkun e “profesionit të lirë”. Po flasim për gjyqtarët që blejnë vila në Gjirin e Lalzit me rrogë mujore 900 mijë lekë, për avokatët që e dinë që klienti është fajtor, por i premtojnë “shpëtim me 10 mijë euro”, për administratorët që paguhen për të mos bërë asgjë dhe për “arkitektët” që e kanë kthyer ndërtimin në korrupsion me leje.
Por teknologjia po troket fort në derën e këtij absurdi shqiptar.
IA – Fundi i Sistemit të Drejtësisë së Korruptuar
Brenda pak vitesh, dosjet do t’i lexojë IA, vendimin do ta japë IA dhe drejtësia do të rikthehet – jo në duart e njerëzve, por për herë të parë, jashtë duarve të tyre. As loti i nënës, as telefonata e deputetit, as zarfi i pasdites nuk do të vlejnë më. Kur IA lexon ligjin, nuk sheh emrin mbi mbiemër, as mbiemrin mbi gjykatësin. Sheh vetëm të drejtën.
Dhe prindër të nderuar, para se të çoni fëmijët për t’u bërë “juristë” që nesër do punojnë në call center, mendohuni: një zanat është më shumë se një diplomë juridiku në Shqipëri.
Fund Arkitektëve Virtualë dhe Designerëve me Portfolio në Instagram
Dikur arkitektët mendonin ditë të tëra për të projektuar një kuzhinë. Sot IA e bën me një klik dhe të ofron 100 versione në 10 sekonda. Ngjyrat? Hapësirat? Dritaret me orientim juglindje? Të gjitha përfshihen.
Ky është realiteti, dhe jo, nuk është teori konspirative. Është fillimi i një tronditjeje të madhe për të gjithë sektorët ku njerëzit shesin mend për të marrë lekë pa lodhje.
Universitetet si Kullandryshe të Kualifikimit
Keni dëgjuar për universitetin e “ekspertëve” në Korçë, Shkodër, apo në çdo qytet tjetër ku diploma jepet me indeksin në xhep? IA nuk do i njohë më. Algoritmi nuk i gënjen dot me “CV të pasur” e “eksperienca 3 mujore në një OJF”. Brenda 10 vitesh, këto institucione do quhen fabrika mashtrimi dhe do mbyllen. Ligjërisht.
Administrata dhe Bankat: Armata e Parazitëve që po ikën
Kur IA të marrë rolin e administratës publike, nuk do ketë më kush të harxhojë 2 orë për të firmosur një letër. Dhe bankat? Këshilltarët “financiarë” që jetojnë me komisione, shumë shpejt do zëvendësohen me platforma që të tregojnë çdo tarifë, çdo borxh dhe çdo interes pa mashtruar.
Shpresa është Teknologji – Por me Kujdes
Mos u gëzoni shumë, nuk do bëhet vetë Shqipëria me IA. Por një gjë është e sigurt: ajo do të jetë çekiçi mbi kokën e hipokrizisë së legalizuar. Dhe ne duhet ta përqafojmë këtë ndryshim, jo me frikë, por me dëshirën për të parë më pak mashtrues me kostum dhe më shumë njerëz që punojnë ndershëm.
Sepse drejtësia e së nesërmes nuk do ketë fytyrë. Do ketë logjikë.
Ndalohet kopjimi dhe shpërndarja pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.