By redaksia 
Marrë nga FOX News USA – përkthyer nga PatriotikMedia.al
Presidenti Donald Trump është shprehur në një intervistë të re podcast se është i hapur për t’u pajtuar me Elon Musk, pas konfliktit që shpërtheu mes tyre për shkak të një projektligji të rëndësishëm të administratës Trump.
“Shiko, unë nuk kam asnjë ndjenjë të keqe,” – tha Trump gjatë intervistës në “Pod Force One” me gazetaren Miranda Devine, e publikuar të mërkurën.
“Isha vërtet i befasuar nga ajo që ndodhi. Ai (Musk) sulmoi një projektligj që është fenomenal. Mendoj se në të vërtetë ndjehet keq që e tha atë.”
Musk largohet nga DOGE dhe e quan projektligjin “një neveri e turpshme”
Musk, themeluesi i SpaceX dhe Tesla, Inc., i cili drejtonte Departamentin për Efikasitetin e Qeverisë (DOGE) në administratën Trump dhe kishte për detyrë të shkurtonte 2 trilionë dollarë nga buxheti federal, njoftoi dorëheqjen më 28 maj në një postim në X (ish-Twitter).
Marrëdhënia e tyre u përkeqësua pas një postimi të Muskut më 3 qershor, ku ai kritikoi publikisht projektligjin:
“Më vjen keq, por nuk mund ta duroj më. Ky projektligj masiv, i mbushur me shpenzime të çmendura dhe korruptive është një neveri e turpshme. Turp për ata që votuan pro: e dini që keni vepruar gabim. E dini.”
Më pas, Trump dhe Musk shkëmbeyen komente të ashpra në rrjetet sociale, me Musk që shkoi deri aty sa të sugjeronte se Trump ndodhej në të ashtuquajturat “dosjet e Jeffrey Epstein”.
Projektligji në fjalë, sipas Zyrës së Buxhetit të Kongresit, pritet të shtojë triliona të tjerë në borxhin kombëtar që tashmë ka kaluar 36.2 trilionë dollarë.
Projektligji i Trump: ulje taksash, mbrojtje kufiri dhe rritje e buxhetit të mbrojtjes
Projektligji, i quajtur nga Trump “i madh dhe i bukur”, synon të zgjasë Aktin e Uljes së Taksave të vitit 2017 dhe të financojë murin kufitar dhe forcat e mbrojtjes kombëtare.
Ai u miratua nga Dhoma e Përfaqësuesve më 22 maj dhe tani ndodhet për shqyrtim në Senat.
Trump: I zhgënjyer nga Musk, por gjithçka për vendin
Presidenti Trump deklaroi se ndonëse ishte i zhgënjyer nga Musk, është i gatshëm të hedhë pas krahëve mosmarrëveshjet, nëse kjo ndihmon në rindërtimin e vendit:
“Ndoshta mund të pajtohemi, por tani për tani kemi nevojë ta ndreqim këtë vend.
Funksioni im i vetëm është ta çoj Amerikën në një nivel më të lartë se kurrë më parë. Dhe unë besoj se do t’ia dalim,” – tha Trump.
Këto komente u bënë në episodin e parë të “Pod Force One”, një podcast i ri nga kolumnistja e njohur e New York Post, Miranda Devine, e cila çdo javë do të zhvillojë intervista ekskluzive me figurat më ndikim në Uashington.
A do ta kishte fituar Trump zgjedhjet e 2024 pa ndihmën e Elon Musk?
Një pyetje që mbetet për t’u analizuar… por një gjë është e sigurt: Trump po udhëheq një administratë të pamëshirshme ndaj borxhit, korrupsionit dhe anarkisë së majtë – dhe ai e di se pa paqe dhe rend nuk ka shtet.
📢 PatriotikMedia.al – Me Trump për një botë me sovranitet, ligj dhe nder kombëtar.
Ndalohet kopjimi dhe shpërndarja pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.