By redaksia 
Nga Redaksia
Ka një specie të çuditshme në Shqipëri që i gjen në çdo kafe, në çdo koment Facebook-u, në çdo tavolinë fshati apo panel televiziv me honorar partie. Janë militantët pa shkollë, por me “akademi” partie. Janë ata që kur përmend se si Sali Berisha dhe Edi Rama e kanë shkatërruar këtë vend, të kthehen me një grusht të fortë… jo me fakte, por me slogane:
“Berisha na futi në NATO!”
“Rama do na fusë në BE!”
NATO e Berishës – bileta që s’e përdori njeri
Në vitin 2009 Shqipëria u anëtarësua në NATO. Po kush e mohon? Fakti është fakt. Por çfarë i solli kjo anëtarësim shqiptarit të zakonshëm?
A i ndaloi NATO ikjet masive të shqiptarëve?
A erdhi ndonjë investim strategjik përmes NATO-s?
A e ndaloi NATO korrupsionin galopant të qeverive të pas-2009-s?
A mbrojti NATO shqiptarët në veri të Mitrovicës apo në Luginën e Preshevës?
Në realitet, NATO për Berishën ishte vetëm një etiketë për propagandë. Popullit iu shit si fitore historike, ndërsa brenda Shqipërisë, me po atë ritëm, vazhdoi shkatërrimi:
– Privatizime mafioze,
– Shembja e industrisë vendase,
– Vrasjet e 21 Janarit (me viktima që nuk u morën as si “dëme kolaterale”),
– Gërdeci: një NATO me plumba që vranë shqiptarë në mes të ditës!
BE e Ramës – mirazh për militantë
Që nga 2013-ta, Edi Rama ka premtuar çdo vit që “viti tjetër do jetë viti i hapjes së negociatave”.
Në 2025, ai ende i mban shqiptarët në karotën e BE-së. Por çfarë kemi realisht?
Shqipëria është vendi me ikjen më të madhe të të rinjve në Europë.
Ekonomia kontrollohet nga oligarkë, jo nga BE-ja.
Shteti është kthyer në koncesionar i mafies ndërtimore dhe krimit të organizuar.
Policia ndihmon të fortët, jo qytetarët. Drejtësia është selektive.
Institucionet e BE-së vetëm monitorojnë dhe nxjerrin “raporte të buta”.
Po Rama çfarë bën ndërkohë?
– Bën xhiro me oligarkë në avionë privatë.
– I shet shqiptarët për vota në zgjedhje të inskenuara.
– E shpall çdo kritik “armik të progresit” dhe përjashton të vërtetën si “fake news”.
Militantët e BE-së dhe NATO-s: diplomatët e injorancës
Ka nga ata që thonë:
“Unë jam me Ramën se është modern!”
“Berisha është patriot, ai na futi në NATO!”
Por asnjëri s’di të thotë si i ndihmon sot NATO apo si BE po na shpëton nga varfëria. Në të vërtetë, janë viktima të një truke propagandistik:
– Berisha përdori NATO-n për t’u fshehur pas korrupsionit.
– Rama përdor BE-në për të vonuar drejtësinë dhe për të pastruar imazhin me ndihmën e ambasadorëve miq.
Një komb që fle – një elitë që të shkatërron
Nëse një popull është aq i naiv sa t’i besojë dy njerëzve që ia kanë nxjerrë gjakun për 30 vjet, atëherë meriton të shkatërrohet.
– Berisha i shiti idealet e viteve ’90 për pushtet.
– Rama i shiti ëndrrat e të rinjve për pak klikime europiane.
Dhe ndërsa ti debaton në Facebook se kush është më i miri, të dy qeshin nga majat e kullave në Tiranë dhe numërojnë eurot e tua që shkojnë në tatime, tarifa, taksa dhe tendera.
🇦🇱 Shqiptar, zgjohu. NATO dhe BE nuk janë thesare magjike. Janë mjete që përdoren nga tradhtarët për të të bërë të flesh më qetë, ndërsa ata të zbresin në zero.
📣 Shpërndaje këtë shkrim. Sepse kombi nuk ndërtohet me militantë që brohorasin, por me njerëz që kuptojnë.