Nga Redaksia – Avokati Altin Goxhaj ka ngritur një seri pikëpyetjesh të forta lidhur me projektin për krijimin e të ashtuquajturit “Shtet Bektashi” dhe marrëveshjet e bëra publike për ndërtimin e një qendre të avancuar shëndetësore në Tiranë.
Në analizën e mëposhtme, Goxhaj lidh në mënyrë kritike disa elemente të zhvillimeve të fundit: vizitën e të dërguarit special të Presidentit Donald Trump, Paolo Zampolli, bashkëpunimin me kompaninë amerikane ImmunityBio, përmendjen e programit “Right to Try”, terapitë investigacionale dhe projektin politik për krijimin e një entiteti të veçantë Bektashi.
Shteti Bektashi si Projekt për ndërtimin e një programi kaviesh njerëzore shqiptare për terapi gjenike me Intercontinental Hospital dhe Big Pharma! Shteti Bektashi e gjeti lobuesin për tu njohur nga SHBA: BIG PHARMA të vraksinave dhe PLANdemisë! Prandaj nuk firmosi dhe dha dorëheqjen Ministrja Sala edhe sepse kishte frikë të dënohej për krime kundër njerëzimit sipas Kodit të Nurembergut!!!
SHTETI BEKTASHI – NJË “FAR WEST” MJEKËSOR NË MES TË TIRANËS?
Çfarë fshihet pas qendrës së avancuar shëndetësore, ImmunityBio, “Right to Try” dhe mikroshtetit që kërkon Edi Rama?
Vizita në Tiranë e të dërguarit të posaçëm të Presidentit Donald Trump, Paolo Zampolli, prodhoi një lajm që në pamje të parë tingëllon pothuajse humanitar: një partneritet amerikan për një qendër të avancuar shëndetësore pranë Kryegjyshatës Botërore Bektashiane.
Kush mund të jetë kundër trajtimit të kancerit? Kush mund të jetë kundër teknologjisë amerikane që shpëton jetë?
Por pikërisht këtu duhet të fillojnë pyetjet.
Sepse në të njëjtën skenë u bashkuan papritur “katër elemente që normalisht do të kërkonin transparencë maksimale”:
“një zyrtar i lidhur me administratën amerikane; një kompani private amerikane bioteknologjike; terapi të avancuara dhe eksperimentale kundër kancerit; dhe projekti politik për krijimin e një shteti të ri sovran në mes të Tiranës.”
Dhe kur këtyre u shtohet edhe referenca e Zampollit ndaj programit amerikan “Right to Try”, pyetja nuk mund të jetë më vetëm:
A do ta njohë Amerika Shtetin Bektashi?
Pyetja bëhet shumë më serioze:
ÇFARË DO TË NDODHË BRENDA ATIJ TERRITORI?
Partneri amerikan i shpallur është ImmunityBio, një kompani reale dhe e rëndësishme amerikane e bioteknologjisë, e listuar në NASDAQ, e cila zhvillon imunoterapi kundër kancerit.
Kompania ka edhe një produkt të aprovuar nga FDA, ANKTIVA, për një indikacion të caktuar të kancerit të fshikëzës urinare.
Por kjo është vetëm një pjesë e historisë.
ImmunityBio zhvillon gjithashtu një portofol të gjerë terapish investigacionale dhe provash klinike për forma të ndryshme të kancerit.
Kjo është krejt normale për një kompani bioteknologjike.
Por pikërisht për këtë arsye shqiptarët kanë të drejtë të dinë:
Më poshtë mund të lexoni:
ÇFARË KA NË MEMORANDUMIN E NËNSHKRUAR ME BEKTASHINJTË?
A do të përdoret qendra vetëm për trajtime të autorizuara?
A do të ketë përdorime off-label?
A do të ofrohet “expanded access” apo përdorim i dhembshur për terapi investigacionale?
A do të zhvillohen prova klinike?
A do të përfshihen pacientë shqiptarë në to?
Dhe mbi të gjitha:
KUSH DO T’I AUTORIZOJË?
“RIGHT TO TRY” – PSE E PËRMENDI ZAMPOLLI?
Në deklaratën e tij, Paolo Zampolli bëri një referencë që nuk duhet kaluar si dekor retorik.
Ai përmendi programin amerikan “Right to Try”.
Ky mekanizëm amerikan lidhet pikërisht me mundësinë që pacientë me sëmundje të rënda të kenë akses, nën kushte të caktuara ligjore, në produkte investigacionale që nuk kanë marrë ende miratimin e plotë të FDA-së për përdorimin përkatës.
Kjo nuk provon aspak se në Shqipëri do të zhvillohen eksperimente.
Por krijon një pyetje të pashmangshme:
Pse u përmend “Right to Try” pikërisht gjatë prezantimit të një bashkëpunimi me një kompani që zhvillon një numër të madh terapish eksperimentale kundër kancerit?
Qeveria, Kryegjyshata dhe kompania amerikane mund ta shuajnë këtë dyshim fare lehtë.
PUBLIKONI MEMORANDUMIN!
POR HISTORIA BËHET EDHE MË E ÇUDITSHME
Përfaqësuesi i kompanisë amerikane nuk foli vetëm për Urdhrin Bektashi.
Në prezantimin publik të marrëveshjes u përdor formulimi:
“the future Bektashi Microstate” – “mikroshteti i ardhshëm Bektashi”.
Ndalemi këtu.
Shteti Bektashi nuk ekziston.
Populli shqiptar nuk është pyetur.
Kushtetuta shqiptare nuk është ndryshuar.
Parlamenti nuk ka krijuar një shtet të ri.
As SHBA nuk ka njohur ndonjë shtet të tillë.
Atëherë përse një kompani private amerikane po nënshkruan një memorandum duke iu referuar që tani “mikroshtetit të ardhshëm Bektashi”?
Nga buron kjo siguri për të ardhmen politike dhe territoriale të Shqipërisë?
Kush ua ka dhënë këtë garanci?
DHE KËTU ARRIN PYETJA QË DUHET TA BËJË ÇDO SHQIPTAR
Sot territori i Kryegjyshatës është territor i Republikës së Shqipërisë.
Prandaj mbi të vepron ligji shqiptar.
Një provë klinike nuk mund të bëhet sipas dëshirës së një kompanie.
Ekzistojnë kërkesa për protokollin, etikën, informimin dhe pëlqimin e pacientit dhe mbikëqyrjen institucionale.
Por çfarë ndodh nesër, nëse Rama ia heq këtë territor Republikës së Shqipërisë dhe e transformon në një entitet sovran?
Cili ligj farmaceutik do të zbatohet?
Kush do t’i autorizojë barnat?
Kush do të licencojë spitalin?
Kush do të miratojë provat klinike?
Cili Komitet Etike do të kontrollojë eksperimentet?
Kush do të kontrollojë importimin e produkteve investigacionale?
Kush do të hetojë në rast dëmtimi ose vdekjeje?
Në cilën gjykatë do të drejtohet një pacient shqiptar?
A do të vazhdojë të zbatohet legjislacioni shqiptar?
Apo mikroshteti do të krijojë legjislacionin e vet?
ASKUSH NUK PO NA E THOTË.
A PO KRIJOJMË NJË “FAR WEST” RREGULLATOR NË MES TË TIRANËS?
Kjo është pyetja që qeveria duhet ta marrë seriozisht.
Nuk po deklarojmë se shqiptarët do të përdoren si kavie.
Po kërkojmë garanci që kjo nuk mund të ndodhë.
Nuk po deklarojmë se mikroshteti po krijohet për eksperimente mjekësore.
Po pyesim pse një projekt i avancuar bioteknologjik po lidhet publikisht me një territor që synohet të nxirret nga juridiksioni normal i Republikës së Shqipërisë.
Ekziston një term shumë i njohur për fenomenin kur biznesi kërkon juridiksionin ku rregullat janë më të favorshme:
REGULATORY ARBITRAGE.
Dhe përpara se Shqipëria të krijojë një mikro-sovranitet në mes të kryeqytetit, shqiptarët kanë të drejtë të dinë nëse po krijohet edhe një zonë rregullatore speciale për mjekësinë dhe bioteknologjinë.
EDHE NJË FAKT QË NUK DUHET FSHEHUR
Në mars 2026, FDA i dërgoi ImmunityBio një Warning Letter lidhur me materiale promocionale për ANKTIVA.
FDA argumentoi se disa prej materialeve krijonin përshtypjen e përdorimeve më të gjera sesa indikacionet e aprovuara të produktit.
Kjo nuk do të thotë se ImmunityBio është kompani kriminale.
Nuk do të thotë as se produkti i saj është i pasigurt.
Por është një arsye shtesë pse çdo marrëveshje që prek pacientët shqiptarë duhet të jetë 100% transparente dhe nën kontroll të plotë rregullator.
Në shëndetësi nuk ekziston çeku i bardhë.
As për kompanitë shqiptare.
As për kompanitë amerikane.
PO ZAMPOLLI? KU MBARON DIPLOMACIA DHE KU FILLON BIZNESI?
Ka edhe një pyetje tjetër që kërkon përgjigje.
Gjatë deklaratës së tij Zampolli përdori formulimin:
“Of course, we also have a business relationship…”
Çfarë do të thotë konkretisht kjo?
Kush është “we”?
Çfarë marrëdhënie biznesi?
Me cilën kompani?
Me cilët persona?
Ka Zampolli ose ndonjë subjekt i lidhur me të marrëdhënie financiare me ImmunityBio, Continental Hospital, Urdhrin Bektashi apo subjekte të përfshira në projekt?
Deri tani nuk kemi prova publike që tregojnë një marrëdhënie të tillë.
Dhe pikërisht për këtë arsye duhet transparencë.
Sepse një i dërguar presidencial nuk mund të shfaqet njëkohësisht si përfaqësues diplomatik dhe si promovues i interesave private pa qenë kristal e qartë se ku mbaron njëri rol dhe ku fillon tjetri.
Dhe nëse nuk ekziston asnjë interes privat, aq më mirë:
PUBLIKONI MARRËDHËNIET, KONTRATAT DHE INTERESAT FINANCIARE DHE MBYLLEN DYSHIMET.
NJË PYETJE EDHE PËR WASHINGTONIN
Zampolli deklaroi për Shtetin Bektashi:
«“Ultimately, the people decide or will decide.”
Dakord.
Atëherë le të vendosin shqiptarët.
Jo Edi Rama.
Jo një kompani private.
Jo një lobist.
Jo një diplomat.
Jo një komunitet fetar.»
SHQIPTARËT.
Nëse territori i Republikës së Shqipërisë do të shkëputet për të krijuar një shtet tjetër, populli duhet të dijë paraprakisht jo vetëm kufijtë dhe flamurin e tij.
Duhet të dijë:
çfarë ligjesh do të ketë, çfarë biznesesh do të zhvillohen aty, çfarë regjimi fiskal do të ketë, çfarë regjimi farmaceutik do të ketë dhe çfarë juridiksioni do të mbrojë qytetarët shqiptarë që hyjnë brenda tij.
PRANDAJ KËRKOJMË 7 PËRGJIGJE
- Të publikohet i plotë Memorandumi Bektashi–ImmunityBio.**
- Të deklarohet nëse qendra do të zhvillojë clinical trials ose do të përdorë terapi investigacionale.**
- Të bëhet publike se cili autoritet do t’i autorizojë dhe mbikëqyrë këto aktivitete.**
- Qeveria të deklarojë nëse legjislacioni shqiptar shëndetësor dhe farmaceutik do të vazhdojë të zbatohet në territorin e një Shteti Bektashi.**
- Të bëhen publike pronësia, financimi dhe përfituesit fundorë të strukturave ekonomike të përfshira në projektin shëndetësor.**
- Zampolli të sqarojë publikisht çfarë nënkuptonte me “business relationship” dhe nëse ai ose subjekte të lidhura me të kanë ndonjë interes ekonomik në projekt.**
- Administrata amerikane të sqarojë nëse deklaratat për Shtetin Bektashi përfaqësojnë politikën zyrtare të SHBA-së apo pikëpamje të të dërguarit të saj.**
SHQIPËRIA NUK ËSHTË LABORATOR
Ne duam teknologjinë amerikane.
Duam ilaçet më të mira.
Duam terapitë më moderne kundër kancerit.
Duam partneritet strategjik me Shtetet e Bashkuara.
Por pikërisht sepse jeta e njerëzve është në lojë, nuk ekziston partneritet pa transparencë.
Dhe nuk mund të pranojmë që debati për krijimin e një shteti të ri në mes të Tiranës të zhvillohet sikur po diskutojmë për një park kulturor.
Sepse tani kemi mësuar se në ekuacion kanë hyrë:
SOVRANITETI.
BIOTEKNOLOGJIA.
TERAPITË EKSPERIMENTALE.
BIZNESI PRIVAT.
DHE DIPLOMACIA.
Kjo nuk provon se ekziston një skemë e fshehtë.
Por është mëse e mjaftueshme për të kërkuar përgjigje përpara, jo pasi gjithçka të jetë bërë fakt i kryer.
Sepse Shqipëria nuk mund të lejojë krijimin e një zone ku sovraniteti bëhet mall, ligji bëhet opsional dhe pacienti bëhet objekt eksperimentimi.
PUBLIKONI MEMORANDUMIN.
PUBLIKONI RREGULLAT.
PUBLIKONI INTERESAT FINANCIARE.
Dhe pastaj, siç tha vetë Paolo Zampolli:
LE TË VENDOSË POPULLI SHQIPTAR.
Ndalohet kopjimi sipas ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar PatriotikMedia.al
