Romelu Lukaku i jep fund karrierës me kombëtaren belge pas 16 vitesh: “Ishte një udhëtim i mrekullueshëm”
Nga Redaksia – Sulmuesi i njohur belg, Romelu Lukaku, ka njoftuar tërheqjen përfundimtare nga kombëtarja e Belgjikës, duke mbyllur një kapitull 16-vjeçar me fanellën e “Djajve të Kuq”.
Vendimi u bë publik përmes një mesazhi në rrjetin social Instagram, vetëm një ditë pas fitores së Belgjikës ndaj Italisë në Ligën e Kombeve. Në moshën 33-vjeçare, Lukaku vendos kështu t’i japë fund aventurës së tij me ekipin përfaqësues, pas një rrugëtimi të gjatë dhe të rëndësishëm në futbollin ndërkombëtar.
Në deklaratën e tij, sulmuesi shprehu mirënjohjen për të gjithë ata që e shoqëruan gjatë këtyre viteve, duke veçuar shokët e skuadrës dhe trajnerët që i besuan dhe e mbështetën.
“Gjatë këtyre 16 viteve kam dhënë gjithçka për ekipin kombëtar. Kam kaluar nëpër çdo emocion të mundshëm dhe kam luajtur me shokë skuadre fantastikë, për të cilët do të jem gjithmonë mirënjohës. Dua të falënderoj të gjithë trajnerët që më kanë shtyrë përpara dhe kanë besuar tek unë. Ka qenë një udhëtim i mrekullueshëm dhe kam shijuar çdo moment”, shkroi Lukaku.
Sulmuesi belg nuk harroi as tifozët, duke theksuar krenarinë që ka ndjerë për përfaqësimin e vendit të tij në kompeticionet më të rëndësishme të futbollit botëror dhe europian.
Gjatë karrierës së tij me Belgjikën, Lukaku ka qenë pjesë e katër edicioneve të Kupës së Botës dhe tre Kampionateve Europiane, duke përjetuar disa nga momentet më të rëndësishme të historisë së futbollit belg.
“Jam krenar që kam përfaqësuar vendin tim në katër Kupa Bote dhe tre Kampionate Europiane. Nuk do t’i harroj kurrë ato momente. Jam i qetë me vendimin tim. Ishte e pabesueshme, ishte e bukur dhe jam mirënjohës. Faleminderit”, përfundoi ai.
Tërheqja e Lukakut shënon fundin e një epoke për kombëtaren belge, ku sulmuesi ishte një nga figurat kryesore të repartit ofensiv për më shumë se një dekad
© Copyright of PatriotikMedia.al


