Avokati Erald Aga u bën thirrje protestuesve: Shpërndajeni kallëzimin penal, qytetarët mund të denoncojnë veprimet e policisë …
Nga Redaksia – Avokati Erald Aga u bën thirrje protestuesve dhe qytetarëve që të përdorin modelin e kallëzimit penal për të dokumentuar dhe denoncuar rastet e dhunës, ndalimeve dhe veprimeve të policisë gjatë protestave. Dokumenti mund të plotësohet individualisht, duke përshkruar ngjarjet e përjetuara apo të dëshmuara dhe duke bashkëlidhur provat përkatëse.
Aga kërkon që modeli të shpërndahet sa më shumë, në mënyrë që qytetarët të njihen me mundësinë e paraqitjes së kallëzimeve pranë prokurorisë.
Modeli i kallëzimit penal për përdorim masiv: Qytetarët ftohen të dokumentojnë rastet e dhunës, ndalimeve dhe shkeljeve të pretenduara të të drejtave gjatë protestave.
Avokati Erald Aga ka publikuar një thirrje për protestuesit dhe qytetarët, duke vënë në dispozicion një model kallëzimi penal që mund të përdoret për të paraqitur pranë prokurorisë deklarime individuale lidhur me veprimet e policisë gjatë protestave.
Thirrja e tij është e qartë: “SHPËRNDAJENI SA MË SHUMË!”
Modeli synon t’u japë mundësinë qytetarëve të dokumentojnë atë që kanë përjetuar, parë apo konstatuar personalisht, duke paraqitur një kallëzim penal sipas rrethanave të secilit rast.
Çfarë duhet të plotësojnë protestuesit?
Çdo kallëzues duhet të plotësojë pjesën e parë të dokumentit, të titulluar “Rrethanat Individuale të Kallëzuesit”, duke përshkruar faktet që ka përjetuar ose ka parë personalisht.
Për personat që pretendojnë se janë dhunuar, ndaluar apo arrestuar, është veçanërisht e rëndësishme të specifikojnë vendin, orën, mënyrën e ndërhyrjes së policisë, dëmtimet e pësuara dhe kohëzgjatjen e kufizimit të lirisë.
Çdo protestues apo qytetar që vlerëson se gjatë protestave janë shkelur të drejtat dhe liritë e tij apo të personave të tjerë, mund të plotësojë kallëzimin duke përshkruar ngjarjet dhe rrethanat që ka konstatuar.
Provat filmike mund t’i bashkëlidhen kallëzimit
Qytetarët mund të bashkëlidhin prova filmike dhe materiale të publikuara në rrjetet sociale apo në media, të cilat lidhen me veprimet policore të përshkruara në kallëzim.
Dokumentimi i saktë i ngjarjeve dhe paraqitja e materialeve përkatëse mund të ndihmojnë organet e drejtësisë në shqyrtimin e fakteve të denoncuara.
Ku duhet të dërgohet kallëzimi penal?
Sipas udhëzimit të publikuar, kallëzimi i plotësuar duhet të dërgohet me rrugë postare në adresën:
Prokuroria pranë Gjykatës së Shkallës së Parë të Juridiksionit të Përgjithshëm Tiranë.
Linku për shkarkimin e modelit të kallëzimit penal
Dokumenti mund të shkarkohet në këtë adresë:
© Copyright of PatriotikMedia.al
