Protestuesit thyejnë derën e Ministrisë së Ekonomisë, depërtojnë brenda institucionit …
Tiranë – Protesta studentore në kryeqytet përshkallëzohet. Një grup protestuesish ka thyer derën hyrëse të Ministrisë së Ekonomisë dhe ka depërtuar në ambientet e institucionit, në një tjetër episod të tensionuar gjatë protestave që kanë përfshirë Tiranën.
Ngjarja është regjistruar gjatë ditës së dytë të protestës studentore, e cila prej disa orësh shoqërohet me përplasje mes demonstruesve dhe forcave të Policisë, si dhe me zjarre e re tymi në zona të kryeqytetit.
Hyrja me forcë në Ministrinë e Ekonomisë shënon një tjetër përshkallëzim të situatës, pas incidenteve të mëparshme dhe dëmtimeve të raportuara në institucione e objekte të tjera.
Protesta, e nisur nga pakënaqësitë e studentëve për arsimin, kushtet universitare dhe perspektivën e punësimit, është shndërruar në një demonstrim të tensionuar në rrugët e Tiranës.
Situata në kryeqytet mbetet e tensionuar, ndërsa zhvillimet e protestës po shoqërohen me episode të njëpasnjëshme përplasjesh dhe dëmtimesh.
© Copyright of PatriotikMedia.al
