Nga Redaksia – Të rinj nga diaspora pritet të mbërrijnë në Shqipëri për t’iu bashkuar protestës në Tiranë, ndërsa mobilizimi i madh qytetar pritet ta çojë numrin e protestuesve në mbi 150 mijë. Ky është informacioni që ka mbërritur në redaksinë e PatriotikMedia.al dhe që sinjalizon një tetor të nxehtë politik në Shqipëri.
Tirana pritet të përballet me një protestë masive gjatë muajit tetor, ku krahas mijëra qytetarëve nga Shqipëria do të jenë të pranishëm edhe të rinj shqiptarë që vijnë nga diaspora.
Informacioni i siguruar nga redaksia tregon se po përgatitet një mobilizim i gjerë qytetar dhe se pjesëmarrja pritet të kalojë 150 mijë protestues.
Pjesëmarrja e të rinjve nga diaspora i jep protestës një dimension të ri, pasi shqiptarë që jetojnë jashtë vendit pritet të udhëtojnë drejt Tiranës posaçërisht për t’iu bashkuar protestuesve dhe për të shprehur mbështetjen e tyre.
Një protestë që pritet të tejkalojë çdo pritshmëri
Mobilizimi pritet të shtrihet në qytete të ndryshme të vendit, ndërsa Tirana do të jetë epiqendra e protestës.
Në një klimë të tensionuar politike dhe me skandalet që kanë dominuar prej kohësh debatin publik, protesta e tetorit pritet të jetë një moment i rëndësishëm i përballjes mes qytetarëve protestues dhe qeverisë.
Mbi 150 mijë protestues, të rinj nga Shqipëria dhe diaspora dhe një Tiranë e mbushur me qytetarë: ky është skenari që pritet të materializohet gjatë tetorit.
PatriotikMedia.al do të vijojë të sjellë informacionet më të fundit mbi organizimin dhe mobilizimin për protestën.
Ndalohet kopjimi sipas ligjit Nr.35/2016 “Për të drejtat e autorit dhe të drejtat e tjera të lidhura me to”, i ndryshuar, ndalohet kopjimi, publikimi, shpërndarja dhe tjetërsimi pa cituar PatriotikMedia.al
