Nga Redaksia:
Burime të konsideruara të besueshme të portalit PatriotikMedia.al raportojnë se kryeministri i Shqipërisë, Edi Rama, pritet të thirret nga SPAK brenda muajit Janar 2026, në kuadër të një procesi që, sipas të njëjtave burime, ka hyrë në fazë vendimtare.
Sipas informacionit të siguruar, skenari i mundshëm parashikon tre tentativa zyrtare thirrjeje. Në thirrjen e parë, Rama pritet ta shmangë paraqitjen duke deklaruar se nuk ndodhet në territorin e Shqipërisë. Në thirrjen e dytë, burimet flasin për një tjetër përpjekje për shtyrje apo evitim, duke përdorur justifikime procedurale ose angazhime ndërkombëtare.
Por thirrja e tretë, sipas të njëjtave burime, do të jetë ultimative:
– ose paraqitje vullnetare në SPAK,
– ose ndërhyrje e Byrosë Kombëtare të Hetimit (BKH) për shoqërim.
Në këtë fazë, raportimet sugjerojnë se kryeministri aktual do të detyrohet të paraqitet, duke shënuar një moment të paprecedentë politik në historinë e pas viteve ’90, ku një kryeministër në detyrë përballet drejtpërdrejt me drejtësinë speciale.
Kjo situatë vjen në një klimë të tensionuar politike, ku SPAK ka intensifikuar veprimet dhe ku perceptimi publik është se askush nuk është mbi ligjin, pavarësisht funksionit apo pushtetit që mban. Përkrahësit e drejtësisë së re e shohin këtë si provë se sistemi po funksionon, ndërsa kritikët flasin për krizë nervoze dhe politike në krye të qeverisë.
PatriotikMedia.al thekson se këto raportime bazohen në burime dhe se zhvillimet mbeten për t’u konfirmuar nga institucionet zyrtare. Megjithatë, nëse ky skenar materializohet, Janari 2026 mund të shënojë një kthesë historike në raportin mes pushtetit politik dhe drejtësisë në Shqipëri.
Vazhdoni të na ndiqni për përditësime të verifikuara dhe zhvillime ekskluzive.