Nga Redaksia:
Sot, pas një procesi votimi të zhvilluar nga Këshilli i Lartë i Prokurorisë, është zgjedhur kreu i ri i Prokurorisë së Posaçme kundër Korrupsionit dhe Krimit të Organizuar (SPAK). Fituesi? Klodjan Braho — por detaji që mori vëmendjen e të gjithëve nuk ishte fjalimi i tij ose programi i mandatit të ri 3-vjeçar… por gotja plastike që nxori nga çanta e tij personale.
Frikë për jetën apo ritual i rekrutimit?
Në momentin e votimit, Braho u shfaq me një shishe ujë dhe një gotë plastike — një detaj që mediat nuk mund ta linin pa komentuar. Disa e interpretuan si shenjë shqetësimi për sigurinë personale, duke marrë parasysh se më herët SPAK-u ka qenë objekt i kërcënimeve dhe planeve për atentate, sipas fjalëve të kreut të mëparshëm Altin Dumani.
Zgjedhje “heroike” në një SPAK nën presion
Braho mori 7 vota dhe do të udhëheqë SPAK-un në një periudhë kur pritshmëritë janë të larta: hetime kundër korrupsionit, krimit të organizuar dhe… mbajtjes së gotës së ujit larg zjarrit politik.
Por PatriotikMedia.al ka zbuluar se mandati i tij mund të mos jetë aq “i pastër” sa duket: Braho pritet të jetë bashkëpuntori dhe ushtari i Rilindjes Sorosiane, duke e kthyer SPAK-un në një institucion ku çdo hetim kundër pushtetit mund të ndalet në tryezat e Edi Ramës dhe aleatëve të tij ndërkombëtarë.
Prioritetet e mandatit: ujë, gotë dhe bindje politike
Ndërsa qytetarët presin rezultate konkrete, Braho duket se ka përgatitur prioritetet e tij: mbajtja e gotës pranë, vigjilenca ndaj “rreziqeve personale” dhe besnikëria ndaj strukturave që e vendosin mbi çdo ide të drejtësisë së pavarur.
Ironia e madhe: Në një institucion që duhet të luftojë krimin dhe korrupsionin, drejtuesi i ri po përqendrohet më shumë te mbrojtja e vetes dhe te “politikat e duhura”. Duket se SPAK nuk do të jetë më një armë kundër të fortëve, por një instrument për shërbime të caktuara politike.
Ndërkohë që populli pret drejtësi, SPAK-u duket gati të shndërrohet në një kantinë ku uji dhe gota plastike do jenë më të rëndësishme se hetimet.