Nga Redi Minga:
Në kohën e pandemisë COVID-19, qytetarëve u tha se duhej të vaksinoheshin “për të mbrojtur të tjerët”. Kush nuk vaksinohej, rrezikonte vendin e punës dhe stigmatizohej publikisht. Sot, në një formë tjetër, e njëjta filozofi po ringjallet: ajo e kontrollit mbi individin përmes teknologjisë.
Në vend të vaksinës, tani po imponohet një sistem i ri — Identiteti Dixhital.
Ky sistem, sipas zyrtarëve, do të “lehtësojë jetën e qytetarëve”, por në thelb fsheh një rrezik shumë më të madh se ai shëndetësor: varësinë totale ndaj pushtetit teknologjik.
Britania, shembulli i parë i kontrollit dixhital
Qeveria laburiste e Keir Starmer në Mbretërinë e Bashkuar ka miratuar së fundmi identitetin dixhital kombëtar, një sistem që do të përdoret për çdo veprim — nga shërbimet publike deri te transaksionet bankare.
Kush nuk pranon ta përdorë këtë sistem, do të paguajë 85 £ për çdo herë që kërkon të vërtetojë identitetin me dokumente tradicionale.
Ky është kontroll i pastër social dhe ekonomik, një formë e re e ndarjes së qytetarëve në “të bindur” dhe “të papërshtatshëm”.
Më poshtë mund të lexoni:
Projekti shqiptar: “Dielli Dixhital” i Ramës
Në Shqipëri, qeveria e Edi Ramës po ecën në të njëjtin drejtim me projektin “Portofoli Dixhital”, i cili parashikon centralizimin e të gjitha të dhënave të qytetarëve — identitetin, pasurinë, shëndetin, madje edhe lëvizjet e përditshme.
Ky projekt, i mbështetur nga fondacione ndërkombëtare dhe kompani të huaja të teknologjisë, është hapi i parë drejt një shoqërie të kontrolluar dixhitalisht, ku çdo qytetar mund të kufizohet me një klikim.
Në 2022, PatriotikMedia.com publikoi një video paralajmëruese për këtë skenar. Shumë e morën si teori, por sot faktet po e konfirmojnë atë 100% të vërtetë.
Ndiqni videon e PatriotikMedia.com për paralajmërimin e bërë që në 2022
Nga pandemia te kontrolli total – modeli i përsëritur
Ashtu si gjatë periudhës së COVID-19, ku u përdor frika për të justifikuar kufizimet, edhe sot po përdoret propaganda e “modernizimit dixhital” për të justifikuar varësinë nga një sistem që mund të izolojë çdo qytetar që nuk pajtohet me pushtetin.
Nëse gjatë pandemisë u përdor virusi për kontroll, tani përdoret teknologjia.
Në thelb, qëllimi mbetet i njëjtë: nënshtrimi i individit ndaj sistemit.
Shqiptarët sërish përballë një prove
Në vitet e pandemisë, shqiptarët panë me sytë e tyre se si u menaxhua frika me urdhra, masa ekstreme dhe numra të fryrë.
Sot, po i ofrohet një “qetësi dixhitale”, e cila në thelb është një rrjet kontrolli.
Pyetja është:
A do të bien shqiptarët sërish në grackën e “përmirësimit për të mirën e tyre”?
Apo do të kuptojnë se liria nuk mund të digjitalizohet?
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.