By redaksia 
Nga redaksia e PatriotikMedia.al
Presidenti Donald Trump ndezi internetin të dielën në mbrëmje pasi publikoi një video të redaktuar me inteligjencë artificiale, ku shfaqet ish-presidenti Barack Obama duke u arrestuar nga agjentët e FBI-së dhe duke e futur në burg.
Videoja tregon agjentë të FBI-së që i zënë pritë Obamës gjatë një takimi në Zyrën Ovale me Trump, e vendosin në pranga dhe e fusin në burg.
“Trump është kthyer totalisht në stilin e 4Chan në Truth Social.
Ai po shpërndan video me AI ku Obama arrestohet dhe futet në burg.
A po thjesht Trump po tallet? Apo kemi të bëjmë me një zbulim të së vërtetës?
A po na përgatitin për arrestime?”
— Clandestine (@WarClandestine), 21 Korrik 2025
Kjo video virale vjen si reagim ndaj zbulimeve të fundit të drejtoreshës së Inteligjencës Kombëtare të SHBA-së, Tulsi Gabbard, e cila të premten publikoi atë që e quajti “provë dërrmuese” të një konspiracioni të mundshëm nga zyrtarë të lartë të administratës Obama, me qëllim për të minuar presidencën e Donald Trump pas fitores së tij në vitin 2016.
Sipas njoftimit zyrtar të ODNI (Zyra e Drejtorit të Inteligjencës Kombëtare), bëhej fjalë për një operacion të fshehtë që përfshinte manipulimin dhe politizimin e raporteve të inteligjencës, për të lidhur në mënyrë të pavërtetë Trump-in me Rusinë dhe për të justifikuar një hetim të gjatë ndaj tij.
Dokumenti zbulon se, në muajt para zgjedhjeve të 2016-ës, komuniteti amerikan i inteligjencës nuk kishte gjetur prova konkrete të ndërhyrjes ruse përmes sulmeve kibernetike. Madje, theksohet një deklaratë e dhjetorit të atij viti ku thuhet se:
“Aktorë të huaj nuk përdorën sulme kibernetike mbi infrastrukturën zgjedhore për të ndryshuar rezultatin.”
Megjithatë, vetëm disa ditë më pas, zyrtarë të lartë të administratës Obama — përfshirë edhe anëtarë të Këshillit të Sigurisë Kombëtare — zhvilluan takime ku diskutuan lidhjet e mundshme mes Trump dhe Rusisë. Prej aty, nisën hapat e parë drejt asaj që njoftimi e përshkruan si një përpjekje të qëllimshme për të minuar legjitimitetin e presidentit të ri, përmes vlerësimeve të manipuluara dhe rrjedhjes së informacionit të përzgjedhur në media.
Presidenti Trump shkoi edhe më tej, duke publikuar fotografi të gjeneruara me inteligjencë artificiale të të dyshuarve si komplotistët e Russiagate — emra të njohur të administratës së mëparshme.
A po përgatiten amerikanët për një zbardhje të madhe të së vërtetës që për vite është mbajtur e fshehur?
A është ky vetëm një “trolling” i Trump, apo një sinjal për atë që do të vijë?
Nëse kjo skemë e zbuluar nga Tulsi Gabbard merr rrugë zyrtare dhe procedurale, mund të jetë fillimi i një prej kapitujve më tronditës në historinë politike amerikane, me ndikim të thellë në skenën ndërkombëtare.
Burimi: Truth Social, deklarata e ODNI, Clandestine – Përkthimi dhe përpunimi nga Redaksia PatriotikMedia.al
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.