By redaksia 
Nga Redaksia PatriotikMedia.al
Presidenti i Shteteve të Bashkuara, Donald J. Trump, ka reaguar ashpër ndaj rrjeteve televizive CNN dhe MSNBC për mënyrën si raportuan mbi sulmet ajrore amerikane kundër Iranit. Në një deklaratë të drejtpërdrejtë para gazetarëve, pak para nisjes për samitin e NATO-s në Hagë, Trump i cilësoi këto media si:
“Plehra lajmesh. Humbës pa guxim. CNN është një grup njerëzish pa guxim. Janë realisht humbës. Dhe duhet të kërkojnë falje për pilotët tanë të B-2-ve që rrezikuan jetën.”
Ndiqni videon:
“Shikoj CNN sepse nuk kam zgjidhje. Duhet të shikoj këtë pleh. Të gjitha janë lajme të rreme. Janë ‘garbage’. Do vazhdoj t’i quaj siç janë.”
Deklarata vjen pas një vale raportimesh të cilat linin të nënkuptohej se bombardimet e SHBA mbi objektiva iraniane nuk kishin qenë tërësisht të suksesshme, duke minimizuar rëndësinë e operacionit dhe përpjekjet e forcave ajrore amerikane.
Presidenti Trump u shpreh se një trajtim i tillë mediatik është “i turpshëm” dhe “armiqësor ndaj heronjve tanë”, duke përmendur në mënyrë të veçantë pilotët e avionëve strategjikë B-2 Spirit, të cilët morën pjesë në operacion.
Trump theksoi se sulmet në Iran ishin “të nevojshme dhe të përpikta” dhe se media e majtë në SHBA është e vendosur të minojë çdo arritje të tij, madje edhe në kohë krize ndërkombëtare.
“Në vend që të falënderojnë pilotët tanë, CNN i nënçmon ata. Mjaft! Tani do të paguajnë për gënjeshtrat e tyre. Populli amerikan nuk ha më bar.”
Kjo deklaratë nuk është vetëm një reagim impulsiv i zakonshëm i Presidentit Trump. Është një sinjal i qartë se lufta e tij kundër elitave të mediave globaliste do të vazhdojë edhe në mandatin e ri. Dhe nuk ka më vend për iluzione: “Fake News” nuk është më thjesht propagandë, është një armë kundër së vërtetës.
Qëndroni me ne për më shumë analiza mbi luftën mes Trump dhe sistemit globalist që përpiqet ta rrëzojë me çdo mjet.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.