Ngjarja vjen në një moment kur në Shqipëri po shtohen kundërshtimet ndaj projekteve të mëdha turistike të ndërtuara në zona me rëndësi të veçantë mjedisore dhe natyrore. Banorët e Rrjollit, një zonë e njohur për plazhet ranore dhe pyjet me pisha në veriperëndim të vendit, pretendojnë se toka e tyre është sekuestruar pa kompensim të drejtë.

Me flamuj kombëtarë në duar dhe me thirrjet “Revolucion”, protestuesit shembën rrethimet e kantierit. Në vendngjarje pati edhe përplasje të vogla me policinë, por kjo e fundit nuk ndërhyri për të ndaluar largimin e gardheve.

“Protestat nuk do të ndalen derisa banorët e Rrjollit të kompensohen. Janë rreth 200 familje që pretendojnë se u është marrë toka”, deklaroi Zeke Nikollë Shullani, një nga pronarët që kundërshton projektin.

Resorti me pesë yje po ndërtohet nga një kompani shqiptare dhe ka marrë statusin e “Investitorit Strategjik” nga qeveria shqiptare. Pikërisht ky status është kthyer në objekt kritikash të shumta, pasi banorët pretendojnë se privilegjon interesat e investitorëve në dëm të të drejtave të pronarëve vendas.

“Çfarë po ndodh në këtë vend është çmenduri. Kërkuam që investitorët të vinin dhe të konsultoheshin me banorët, por ata refuzuan. Mendojnë se mund të marrin gjithë këtë pasuri pa pasoja”, deklaroi një tjetër banor, Nikolin Markpalaj.

Ngjarja e Rrjollit shihet nga shumë qytetarë si një sinjal alarmi për mënyrën se si po zhvillohet turizmi në Shqipëri. Ndërsa qeveria e paraqet ndërtimin e resorteve luksoze si motor zhvillimi ekonomik, komunitetet lokale po ngrenë pyetjen nëse ky zhvillim po ndërtohet mbi pronat, historinë dhe të drejtat e tyre.

Protesta e Rrjollit dëshmon se konflikti mes banorëve dhe projekteve të mëdha turistike nuk është më një çështje lokale, por po kthehet në një debat kombëtar mbi pronën, transparencën dhe të ardhmen e bregdetit shqiptar.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post Revoltë në Rrjoll: Banorët shembin rrethimin e Resortit luksoz, akuzojnë Shtetin për grabitje të tokave … appeared first on Patriotik Media News.

Qytetarët kanë nisur sërish organizimin në Sheshin “Skënderbej”, duke përsëritur kërkesën e tyre kryesore: dorëheqjen e menjëhershme të kryeministrit Edi Rama dhe krijimin e një qeverie teknike që, sipas tyre, duhet të përbëhet nga figura të pakomprometuara dhe intelektualë që gëzojnë besimin e publikut.

Prej 11 ditësh, protestuesit kanë mbajtur të njëjtin qëndrim, duke deklaruar se Shqipëria ka nevojë për një drejtim të ri dhe për një shkëputje nga klasa politike që ka dominuar vendin për më shumë se tre dekada.

Ndërkohë, protesta nuk është kufizuar vetëm në Tiranë. Tubime solidarizuese janë organizuar edhe në vende të tjera ku jetojnë komunitete shqiptare, duke treguar se pakënaqësia ndaj zhvillimeve politike në vend po reflektohet edhe në diasporë.

Me thirrjet “Revolucion”, “Shqipëri e Re”, “Edi Rama në burg – Berisha në burg”, qytetarët shprehin hapur refuzimin ndaj asaj që e konsiderojnë si një sistem politik të konsumuar, ku përgjegjësinë për gjendjen aktuale të vendit ia atribuojnë si qeverisë aktuale, ashtu edhe figurave kryesore të politikës së vjetër shqiptare.

Klikoni per te ndjekur protesten:

https://rumble.com/embed/v78xfc2/?pub=1rmzky

Protestuesit theksojnë se nuk do të tërhiqen dhe se tubimet do të vazhdojnë deri në arritjen e objektivit të tyre politik. Sipas organizatorëve, kjo lëvizje qytetare po fiton çdo ditë më shumë mbështetje dhe synon të shndërrohet në një presion të vazhdueshëm ndaj institucioneve.

Ndërsa dita e 11-të e protestës po zhvillohet në qendër të Tiranës, mbetet për t’u parë nëse qeveria do të reagojë ndaj kërkesave të qytetarëve apo nëse përplasja mes protestuesve dhe pushtetit do të hyjë në një fazë të re.
“Nuk dorëzohemi deri në largimin e Ramës”, është mesazhi që dëgjohet vazhdimisht nga protestuesit, të cilët deklarojnë se beteja e tyre sapo ka filluar.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post LIVE: Shqiptarët nuk ndalen! Dita e 11-të e protestës kombëtare, qytetarët kërkojnë largimin e Ramës dhe një qeveri teknike … appeared first on Patriotik Media News.

Në një kohë kur Fuqitë e Mëdha po vendosnin fatet e Ballkanit pa pyetur popujt e tij, Traktati i San Stefanit dhe më pas Kongresi i Berlinit parashikonin copëtimin e trojeve shqiptare dhe shpërndarjen e tyre mes shteteve fqinje. Përballë këtij rreziku ekzistencial, përfaqësues nga të gjitha krahinat shqiptare u mblodhën në Prizren për të mbrojtur tokat dhe identitetin kombëtar.

Nga salla e medresesë së Prizrenit doli një mesazh i qartë: shqiptarët nuk do të pranonin të bëheshin viktimë e pazareve diplomatike ndërkombëtare. Kjo mbledhje historike krijoi organizatën e parë kombëtare shqiptare me karakter politik dhe ushtarak, e cila mori përsipër mbrojtjen e trojeve shqiptare dhe artikulimin e kërkesave kombëtare.

Në krye të kësaj lëvizjeje qëndruan figura të shquara të kombit si Abdyl Frashëri, Ymer Prizreni, Sulejman Vokshi dhe Iljaz Pasha Dibra. Nën drejtimin e tyre, Lidhja fitoi atributet e një qeverie të përkohshme shqiptare, duke organizuar administrimin, mbrojtjen dhe përfaqësimin e interesave kombëtare.

Lidhja Shqiptare e Prizrenit nuk ishte thjesht një organizatë politike. Ajo ishte shprehja e vullnetit të një kombi që refuzonte zhdukjen nga harta dhe që kërkonte të drejtën për të jetuar i lirë në trojet e veta. Edhe pse fuqitë e kohës arritën të copëtonin territore shqiptare, ato nuk arritën të shkatërronin ndërgjegjen kombëtare që lindi dhe u forcua në Prizren.

Sot, 148 vjet më vonë, Lidhja Shqiptare e Prizrenit mbetet simbol i bashkimit kombëtar, i rezistencës dhe i sakrificës për mbrojtjen e identitetit shqiptar.

Trojet i ndanë — kombin jo. Kjo mbetet amaneti i përjetshëm i Lidhjes së Prizrenit për çdo shqiptar.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post 10 Qershor 1878 – Lidhja Shqiptare e Prizrenit, momenti kur kombi shqiptar u ngrit për të mbrojtur trojet e veta … appeared first on Patriotik Media News.

Sipas dokumenteve të depozituara, kallëzimi penal është drejtuar ndaj Kryeministrit Edi Rama, në cilësinë e Kryetarit të Këshillit Kombëtar të Territorit dhe Ujit (KKTU), anëtarëve të këtij institucioni, ministrave përgjegjës, drejtuesve të institucioneve shtetërore që kanë administruar dokumentacionin teknik dhe pronësor, si dhe ndaj çdo personi tjetër që mund të rezultojë i përfshirë gjatë hetimeve.

Në kallëzim kërkohet regjistrimi i menjëhershëm i procedimit penal dhe fillimi i hetimeve paraprake për një sërë veprash penale, mes të cilave shpërdorimi i detyrës, korrupsioni, ushtrimi i ndikimit të paligjshëm, falsifikimi i dokumenteve, manipulimi i dokumentacionit pronësor, fshehja e akteve administrative dhe dëmtimi i mjedisit.

Dokumenti i dorëzuar në SPAK argumenton se çështja nuk paraqet thjesht një konflikt administrativ, por ngre dyshime serioze për përdorimin e pushtetit publik në favor të një projekti privat me ndikim të madh ekonomik, territorial, mjedisor dhe pronësor.

Po ashtu kërkohet sekuestrimi i dokumentacionit fizik dhe elektronik të institucioneve që kanë trajtuar projektin, ekspertimi i dokumenteve pronësore, teknike dhe mjedisore, si dhe verifikimi i zinxhirit të pronësisë dhe çdo përfitimi të mundshëm të paligjshëm.

Ky zhvillim vjen ndërsa protestat qytetare kundër projektit të Zvërnecit vazhdojnë prej ditësh në Tiranë dhe qytete të tjera. Protestuesit kërkojnë transparencë të plotë mbi mënyrën e miratimit të projektit dhe mbrojtjen e një prej zonave më të rëndësishme natyrore të vendit.

Njëkohësisht, avokati Aga ka ngritur akuza edhe ndaj opozitës politike, duke deklaruar se ajo ka qenë në dijeni të zhvillimeve që lidhen me projektin, por nuk ka ndërmarrë hapa konkretë për të kërkuar hetime apo për të paraqitur kallëzime pranë organeve kompetente.

Tashmë vëmendja është përqendruar tek SPAK, i cili pritet të shqyrtojë materialin e paraqitur dhe të vendosë nëse do të regjistrojë procedimin penal dhe do të nisë hetimet për një nga çështjet më të debatueshme që lidhen me projektet strategjike në Shqipëri.

Nëse pretendimet e ngritura në kallëzim provohen nga hetimet, atëherë çështja e Zvërnecit mund të shndërrohet në një nga skandalet më të mëdha politico-administrative të viteve të fundit.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post Dosja e Zvërnecit mbërrin në SPAK – Kallëzim penal ndaj Ramës, ministrave dhe zyrtarëve të projektit në Pishë Poro – Nartë … appeared first on Patriotik Media News.

Me flamuj kuqezi në duar dhe pankarta të shumta patriotike, protestuesit kanë marshuar drejt Kryeministrisë duke kërkuar anulimin e projektit në Zvërnec, dorëheqjen e qeverisë dhe ndalimin e asaj që ata e konsiderojnë “shitje të territorit kombëtar”.

Në pankartat e mbajtura nga qytetarët lexoheshin mesazhe të forta si:
“Edi Rama dorëhiqu”,
“Atdheu i shqiptarëve, vdekje tradhtarëve”,
“Atdheu nuk shitet”,
si dhe thirrja që është kthyer në simbol të kësaj proteste:
“Rama në burg, Berisha në burg”.

Atmosfera në qendër të Tiranës është karakterizuar nga pjesëmarrja masive e qytetarëve të zakonshëm, të rinjve, familjarëve dhe emigrantëve të kthyer nga diaspora për t’iu bashkuar protestës. Organizatorët kanë theksuar se protesta nuk ka ngjyrime politike dhe se qytetarët janë ngritur kundër të gjithë klasës politike që, sipas tyre, ka mbajtur peng vendin për dekada.

Një nga protestueset që foli nga podiumi i ngritur para Kryeministrisë deklaroi se protesta ka tronditur pushtetin dhe opozitën tradicionale njëkohësisht.

“Na thanë se jemi vetëm 2 mijë veta, por duket se ju kemi prishur gjumin si kryeministrit ashtu edhe atij që pretendon se drejton opozitën. Kanë marrë peng Shqipërinë prej 35 vitesh. Ne jemi më të fortë se kurrë për ta bërë këtë vend të jetueshëm me dinjitet. Jemi pa parti politike dhe thirrja ‘Rama në burg, Berisha në burg’ po jehon në gjithë Shqipërinë”, u shpreh ajo mes duartrokitjeve të turmës.

Një tjetër aktivist bëri të ditur se diaspora shqiptare po organizohet masivisht për t’iu bashkuar protestave në Tiranë. Sipas tij, nga Anglia pritet të mbërrijnë avionë charter me qindra shqiptarë.

“Në mërgatën tonë po organizohen avionë charter nga Anglia me 450 shqiptarë. Kemi shumë që kanë ardhur nga Gjermania dhe Italia. Vetëm dje dhe sot kam takuar mbi 150 emigrantë që janë bashkuar në protestë. Mos harroni se nesër është një ditë historike për kombin shqiptar – përvjetori i Lidhjes së Prizrenit – dhe ne sot duhet të deklarojmë se lidhja është gjallë”, deklaroi ai.

Protesta është shtrirë tashmë në disa qytete të vendit, përfshirë Durrësin, Fierin, Elbasanin, Kukësin, Korçën dhe Sarandën, ndërsa jehona e saj ka kaluar kufijtë e Shqipërisë. Shqiptarë të diasporës në Londër, Mynih, Milano, Firence, Bolonja dhe Berlin kanë zhvilluar protesta solidarizuese në mbështetje të qytetarëve të mbledhur në Tiranë.

Mes thirrjeve për “dorëheqje”, “reformim” dhe “qeveri teknike”, protestuesit kanë deklaruar se nuk do të tërhiqen deri në anulimin e projektit të Zvërnecit dhe largimin e qeverisë aktuale. Sipas tyre, kjo lëvizje qytetare po shndërrohet në një revoltë kombëtare për mbrojtjen e tokës, sovranitetit dhe dinjitetit të shqiptarëve.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post “Atdheu nuk shitet”: Dita e 10 e protestës kombëtare – Mijëra shqiptarë nisin marshimin drejt kryeministrisë … appeared first on Patriotik Media News.

Sipas avokatit Erald Aga, sloganet që po dëgjohen çdo ditë në protestat qytetare nuk janë thjesht brohoritje momenti, por shprehje e zemërimit të akumuluar prej dekadash ndaj një klase politike që, sipas protestuesve, ka mbajtur peng Shqipërinë.

Në sheshet e protestës, përballë Kryeministrisë dhe institucioneve shtetërore, janë dëgjuar vazhdimisht thirrjet “Rama dorëhiqu” dhe “Rama n’burg, Berisha n’burg”, slogane që tashmë janë kthyer në simbol të revoltës qytetare kundër sistemit politik të tranzicionit shqiptar.

Avokati Erald Aga shprehet se kërkesa për dorëheqjen e Edi Ramës është e panegociueshme për shkak të asaj që ai e konsideron si dëme të mëdha të shkaktuara ndaj Shqipërisë dhe shqiptarëve.

“Dorëheqja e Ramës është domosdoshmëri. Burgu është rrjedhojë, por largimi i tij nga pushteti është kërkesa kryesore e protestuesve”, shprehet Aga.

Sipas tij, slogani “Berisha n’burg” nuk është një mbështetje për Ramën, por përfaqëson refuzimin e gjithë klasës politike që ka dominuar vendin për 35 vite.

Në protestat e fundit, qytetarët kanë artikuluar hapur pakënaqësinë jo vetëm ndaj qeverisë aktuale, por edhe ndaj opozitës tradicionale, duke e konsideruar tranzicionin shqiptar si një marrëveshje të heshtur mes palëve politike që kanë ndarë pushtetin ndër vite.

Aga thekson se sa më shumë militantë dhe oborrtarë politikë sulmojnë protestuesit, i etiketojnë apo i ofendojnë ata, aq më shumë forcohet slogani “Rama n’burg, Berisha n’burg”, sepse qytetarët po distancohen nga ndarjet tradicionale partiake.

Sipas tij, fakti që Berisha nuk ka qenë në pushtet gjatë 13 viteve të fundit nuk e përjashton nga përgjegjësitë politike të tranzicionit.

“Berisha ka qenë dhe mbetet në ortakëri politike me Ramën”, deklaron Aga, duke akuzuar të dyja palët për bashkëpunim të heshtur në momente kyçe të jetës politike shqiptare.

Ai përmend si shembull edhe zgjedhjen e Avokatit të Popullit, të cilën e cilëson si një dorëzim të institucioneve ndaj influencës së fondacioneve të lidhura me George Soros.

Ndërkohë, sloganet “Rama n’burg, Berisha n’burg” janë bërë tashmë pjesë e përditshme e protestave në Tiranë dhe qytete të tjera, ku qytetarët kërkojnë jo vetëm largimin e qeverisë, por edhe fundin e modelit politik që, sipas tyre, ka prodhuar korrupsion, klientelizëm dhe kapje të shtetit.

Në rrjetet sociale dhe forumet online, shumë qytetarë e konsiderojnë këtë slogan si simbol të revoltës kundër gjithë klasës politike shqiptare dhe jo vetëm kundër një partie të vetme.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post Avokat Aga: Pse sloganet “Rama dorëhiqu” dhe “Rama n’burg, Berisha n’burg” po bashkojnë protestuesit … appeared first on Patriotik Media News.

Me pankarta, thirrje dhe slogane kundër korrupsionit, indiferencës institucionale dhe degradimit të interesit publik, protestuesit shprehën revoltën e tyre ndaj situatës politike dhe sociale në Shqipëri. Në fokus të kritikave ishte qeveria e Kryeministrit Edi Rama, por nuk munguan as mesazhet kundër opozitës tradicionale dhe figurave kryesore të politikës shqiptare, përfshirë edhe kreun e Partisë Demokratike, Sali Berisha.

Pjesëmarrësit në tubim deklaruan se protesta nuk ka ngjyra partiake, por synon të përcjellë një mesazh qytetar për mbrojtjen e interesit publik, transparencën dhe ruajtjen e pasurive kombëtare. Shumë prej tyre shprehën mbështetje të hapur për lëvizjet qytetare që po zhvillohen paralelisht në Tiranë, Zvërnec dhe qytete të tjera të vendit.

Gjatë aktivitetit, përfaqësues të shoqërisë civile, aktivistë dhe qytetarë të ndryshëm morën fjalën duke kërkuar reagim më të fortë nga institucionet dhe më shumë angazhim qytetar përballë problematikave që prekin vendin. Ata theksuan se heshtja dhe apatia vetëm sa forcojnë sistemin që, sipas tyre, ka dëmtuar interesat e shqiptarëve për vite me radhë.

Në disa momente protesta u shoqërua me brohoritje dhe thirrje për solidaritet qytetar, ndërsa organizatorët deklaruan se reagimet do të vazhdojnë edhe në ditët në vijim, duke paralajmëruar mobilizime të tjera në qytete të ndryshme të Shqipërisë.

Tubimi në Elbasan u zhvillua pa incidente dhe nën vëzhgimin e forcave policore, ndërsa pjesëmarrësit u larguan duke theksuar se protesta qytetare është rruga e vetme për të mbrojtur të ardhmen e vendit.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post VIDEO: Qindra qytetarë protestojnë në Elbasan, thirrje kundër klasës politike dhe në mbështetje të kauzave qytetare … appeared first on Patriotik Media News.

Pjesëmarrja rezultoi tejet e lartë, duke tejkaluar edhe pritshmëritë e organizatorëve dhe vetë qytetarëve që iu bashkuan tubimit. Sheshi dhe rrugët kryesore të qytetit u mbushën me protestues të të gjitha moshave, të cilët mbanin pankarta dhe lëshonin thirrje për më shumë përgjegjësi institucionale, transparencë dhe reagim ndaj shqetësimeve të qytetarëve.

Atmosfera në protestë u karakterizua nga pjesëmarrja e gjerë qytetare dhe mesazhet e forta kundër shpërfilljes së problemeve që, sipas protestuesve, kanë rënduar prej kohësh mbi komunitetin. Shumë qytetarë deklaruan se kjo protestë ishte një reagim i domosdoshëm për të treguar se zëri i tyre nuk mund të injorohet më.

Prania e madhe e protestuesve konsiderohet si një mesazh i qartë se qytetarët e Korçës janë të gatshëm të reagojnë kur ndihen të papërfaqësuar dhe të lënë pas dore nga institucionet. Sipas pjesëmarrësve, kjo protestë shënon një moment të rëndësishëm të reagimit qytetar dhe të kërkesës për më shumë llogaridhënie publike.

Tubimi u zhvillua nën masa të shtuara sigurie dhe deri më tani nuk raportohen incidente serioze. Ndërkohë, protestuesit paralajmëruan se reagimi qytetar do të vijojë edhe në ditët në vijim nëse kërkesat e tyre nuk marrin përgjigje konkrete.

Korça sot dha një sinjal të fortë se qytetarët janë të vendosur të mos heshtin përballë problemeve që prekin jetën e tyre të përditshme.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post VIDEO: Pjesëmarrje masive në protestën qytetare në Korçë, banorët mbushin rrugët! appeared first on Patriotik Media News.

Në një prej njoftimeve të vendosura në hyrje të një biznesi, pronarët lajmërojnë klientët se aktiviteti do të qëndrojë i mbyllur për shkak të pjesëmarrjes në protestë. Ky veprim po shihet si një shenjë solidariteti dhe pakënaqësie të thellë ndaj situatës që ka sjellë reagimet qytetare ditët e fundit.

Pamjet që qarkullojnë në rrjetet sociale tregojnë se protesta nuk po mbështetet vetëm nga qytetarë individualë, por edhe nga sipërmarrës, tregtarë dhe punonjës që kanë zgjedhur të lënë punën për të qenë prezentë në tubime.

Për shumë protestues, fakti që bizneset po mbyllin dyert për të dalë në shesh konsiderohet një sinjal i fortë se pakënaqësia ka kaluar kufijtë politikë dhe po prek shtresa të ndryshme të shoqërisë.

Ndërkohë, organizatorët kanë paralajmëruar se protesta do të vijojë edhe në ditët në vijim, duke kërkuar më shumë mbështetje qytetare dhe reagim institucional ndaj kërkesave të tyre.

Fotot nga terreni po shpërndahen masivisht online, duke u kthyer në simbol të përshkallëzimit të mobilizimit qytetar në këtë ditë të gjashtë të protestës.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post Bizneset bashkohen me Protestën në Ditën e Gjashtë: Sot jemi me Qytetarët … appeared first on Patriotik Media News.

Në qendër të reagimit të saj është gazetari Blendi Fevziu dhe intervista e shumëpërfolur me Artur Shehun — një personazh që sipas Kokalarit ka qenë pothuajse i paarritshëm për median shqiptare dhe ndërkombëtare, por që papritur gjeti hapësirë në një studio televizive për të dhënë versionin e tij mbi origjinën e pronave në zonën e jugut.

Sipas Kokalarit, pretendimi i Artur Shehut se familja e tij i ka blerë tokat nga Frashëllinjtë duhet të jetë lehtësisht i verifikueshëm në arkivat shtetërore shqiptare.

“Nëse këto transaksione ekzistojnë realisht dhe provohen në dokumente, atëherë SPAK nuk ka pse të hapë hetime,” – shprehet ajo.

Por pikërisht këtu nis dyshimi i saj. Kokalari ngre pyetjen se si një familje që pretendohet të ketë zotëruar pasuri gjigante në Vlorë nuk rezulton të ketë peshën historike apo njohjen publike të familjeve të mëdha shqiptare të kohës, si Frashëllinjtë apo familja e Bej Vlorës.

Megjithatë, pjesa më e ashpër e reagimit lidhet me rolin e medias dhe të vetë Blendi Fevziut. Sipas Kokalarit, pyetja që Fevziu i drejtoi Artur Shehut mbi ekzistencën e ndërmjetësve në marrëveshjet me investitorët ishte ironikisht vetë përgjigjja e problemit.

“Po, Blendi, ndërmjetës ka pasur,” – shkruan ajo, duke lënë të kuptohet se i njëjti rrjet ndërmjetësish që siguroi intervistën mediatike, sipas saj, ka ndikuar edhe në mënyrën se si publikut shqiptar i janë servirur zhvillimet dhe konfliktet në jug të vendit.

Kokalari akuzon drejtpërdrejt një “kupolë mediatike dhe politike” që sipas saj kontrollon narrativën publike dhe mbron interesa të caktuara ekonomike e politike.

Në reagimin e saj nuk mungojnë as sulmet personale ndaj Fevziut, të cilin ajo e konsideron pjesë të drejtpërdrejtë të lidhjeve mes medias dhe politikës së korruptuar në Shqipëri.

“Ka ende njerëz që e besojnë, por ka edhe nga ata që njohin të njëjtët ndërmjetës dhe vazhdojnë t’i përmbahen të vërtetës,” – deklaron ajo.

Debati mbi pronat strategjike në bregdetin shqiptar, sidomos pas projekteve të mëdha turistike dhe investimeve të huaja në jug, vazhdon të thellojë ndarjet politike dhe mediatike në vend.

Ndërsa SPAK nuk ka bërë ende asnjë reagim publik mbi pretendimet e ngritura në debatet televizive dhe politike, përplasja mes figurave publike po shndërrohet gjithnjë e më shumë në një betejë të hapur për kontrollin e narrativës dhe interesave në një nga zonat më të lakmuara të Shqipërisë.

Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.

The post VIDEO/ Evi Kokalari shpërthen ndaj Fevziut dhe Artur Shehut: Kupola mediatike po mbron aferat në jug … appeared first on Patriotik Media News.