Nga Redaksia:
Pas 16 vitesh pritjeje, shtyrjesh dhe premtime boshe, segmenti rrugor Qukës‑Qafë Plloçë, një nga më të shtrenjtët ndonjëherë në Shqipëri, ka dalë si një tjetër dëshmi e korrupsionit të Rilindjes Sorosiane.
Sipas raportimeve, 260 milionë euro janë shpenzuar për këtë projekt, por një pjesë e madhe ka shkuar për propagandë, festime dhe aktivitete boshe, ndërsa investimi real në cilësi ka qenë minimal. Pas hapjes, rruga nuk i ka rezistuar as reshjeve të para, duke nxjerrë në pah mangësitë e projektimit dhe të mbikëqyrjes.
Pyetjet për përgjegjësinë
Kush firmosi studimet gjeologjike?
Kush pranoi punimet dhe deklaroi rrugën të gatshme?
Kush monitoroi cilësinë e materialeve dhe respektimin e standardeve?
Pikërisht këto pyetje nuk marrin përgjigje nga kryeministri Edi Rama, i cili nuk e arreston dot Belinda Ballukun, ministren përgjegjëse për infrastrukturën, sepse ajo është ortakja e tij në pisllëkun e korrupsionit. Çdo proces hetimor që mund të prekte interesat e Rilindjes dhe ortakëve të saj, pengohet nga vetë Rama, duke garantuar që hajdutët të mbeten të paprekur dhe paratë e shqiptarëve të zhduken.
Një tjetër plagë e Rilindjes Sorosiane
Qukës‑Qafë Plloçë është vetëm një rast nga dhjetëra të tjera të infrastrukturës që shpërdoron paratë publike. Pas më shumë se një dekade punimesh, vendi jo vetëm që nuk ka marrë rrugë funksionale, por ka humbur miliarda nga taksat e shqiptarëve për propagandë dhe festime, të cilat shërbejnë vetëm për imazhin e Rilindjes dhe ortakëve të saj.
Ndiqni videon:
PatriotikMedia.al e denoncon këtë skandal dhe kërkon llogaridhënie për çdo qindarkë të harxhuar. Shqiptarët nuk mund të vazhdojnë të jenë shënjestra e projekteve korruptive, ndërsa qeveria mban nën mbrojtje ortakët e saj.
Segmenti Qukës‑Qafë Plloçë është dëshmi e qartë e si paratë publike shkojnë tek oligarkët dhe ortakët e Rilindjes, ndërsa jetët e qytetarëve mbeten të rrezikuara.
Rama dhe Balluku janë dy anët e së njëjtës monedhë të korrupsionit, dhe derisa ortakët mbeten të paprekur, shqiptarët paguajnë faturën e shkatërrimit të vendit.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.