Nga Redaksia:
Një krisje e thellë politike ka shpërthyer mes Presidentes Vjosa Osmani dhe Kryeministrit Albin Kurti, duke çuar në ndarjen përfundimtare të rrugëve të tyre politike dhe në lindjen e një forumi të ri me emrin “Shpresa”.
Burimet e PatriotikMedia.al bëjnë të ditur se takimi i fundit mes tyre ishte tensionuar deri në kulm. Albin Kurti, i konsideruar si instrument i interesave të Sorosit në Kosovë, ka tentuar të imponojë zgjedhjen e presidentit sipas vullnetit të tij dhe të kontrollojë skenën politike, duke synuar pushtet absolut dhe duke e kthyer Kosovën në një model të ngjashëm me Shqipërinë, ku qeveria ka kontroll të pakufizuar.
Gjatë takimit, Kurti i kërkoi Osmanit të heqë dorë nga ambicia për një mandat të dytë presidencial dhe të marrë drejtimin e një ministrie në qeveri. Ky propozim u konsiderua si tradhti politike nga Osmani, e cila refuzoi prerazi, duke deklaruar se ka votat e mjaftueshme për rizgjedhje, falë mbështetjes së Lidhjes Demokratike të Kosovës dhe të përfaqësuesve të pakicave joserbe.
Situata është bërë edhe më dramatike, pasi burimet bëjnë të ditur se në këtë përplasje ka pasur tone të ashpra, akuza të drejtpërdrejta dhe tension të madh verbal. Osmani u ndje e tradhtuar, duke e konsideruar lëvizjen e Kurtit si një tentativë për të shantazhuar dhe për të marginalizuar atë nga politika aktive presidenciale.
Përveç kësaj, Presidentja Osmani duket se ka ndryshuar strategjinë e saj politike pas kontakteve me Presidentin Donald Trump, duke vendosur një kurs të ri kundër Kurtit dhe ndikimeve të Sorosit. Në këtë kuadër, Osmani ka përgatitur një listë të re politike me emrin “Shpresa”, me të cilën synon të garojë në zgjedhje, potencialisht në koalicion me Lidhjen Demokratike të Kosovës ose Aleancën për Ardhmërinë e Kosovës.
Ekspertët paralajmërojnë se, në rast se Kuvendi dështon të zgjedhë presidentin e ri deri të enjten, Kosova mund të shkojë në zgjedhje të jashtëzakonshme, duke hapur një kapitull të ri në betejën politike mes Osmanit dhe Kurtit, ku përplasja duket se nuk është vetëm për pushtetin, por edhe për influencën ndërkombëtare dhe drejtimin e ardhshëm të shtetit.