Nga Redaksia:
Debati publik nuk është i lehtë. Aq më pak kur përballë nuk ke vetëm kundërshtarë politikë, por turma virtuale që gjykojnë me meme, statuse e “analiza” copy-paste.
Avokati Altin Goxhaj shprehet se sfida e tij nuk është t’u përgjigjet mijëra komenteve në profile e rrjete sociale. “Kjo nuk është hall,” – thekson ai. Halli, sipas tij, është kur njerëz që nuk kanë pasur asnjë ide mbi politikën amerikane në vitin 2016, sot përpiqen të japin leksione.
2016: Kur shumica qeshte, pakica analizonte
Në vitin 2016, kur shumica e mediave ndërkombëtare dhe sondazheve e shpallnin të pamundur fitoren e Donald Trump, Goxhaj kujton se ai bënte fushatë mes shqiptaro-amerikanëve në mbështetje të tij.
Në atë kohë, thotë ai, 99% qeshnin me idenë se Trump mund të fitonte. Sondazhet e ashtuquajtura “serioze” projektonin një realitet tjetër.
Madje, sipas tij, kishte edhe nga ata politikanë shqiptarë që mendonin se do të bënin “bujë me kosto zero” duke e sharë Trump në CNN.
Kur rezultati doli ndryshe nga parashikimet, filluan – sipas Goxhajt – teoritë e frikës:
- se Trump ishte “proserb”
- se do të “shiste Kosovën”
- se do të rrënonte SHBA-në
- se do të merrte në qafë Shqipërinë
Sipas tij, koha tregoi se shumica e këtyre parashikimeve ishin produkte paniku e propagande.
“Gjeologjia e gjeopolitikës”
Goxhaj shpjegon se qëndrimet e tij nuk burojnë nga “falli” apo ndonjë talent parashikimi, por nga dekada studimi të asaj që ai e quan “gjeologjia e gjeopolitikës” – analiza e shtresave të thella të pushtetit global, përtej narrativave mediatike.
Ai pohon se që prej viteve ’90 ka qenë kritik ndaj ndikimit të rrjeteve ndërkombëtare të fondacioneve dhe elitave globale në Shqipëri, duke e përkufizuar vendin si të kapur nga ajo që ai e quan “Kanceri Soros” prej më shumë se dy dekadash.
Përkrahësit e tij theksojnë se shumë prej videove dhe statuseve të tij bëhen virale jo në momentin e parë, por kur risillen në një kontekst të ri kohor, ku – sipas tyre – duket më qartë saktësia e analizës fillestare.
Metafora e tigrit dhe gomarit
Në fund, Goxhaj përdor një fabul për të ilustruar dilemën e debatit publik.
Sherri mes gomarit dhe ujkut për ngjyrën e barit – blu apo jeshil – përfundon me ndërhyrjen e luanit, i cili i jep të drejtë gomarit. Jo sepse bari ishte blu, por sepse, sipas fabulës, tigri kishte rënë në grackën e debatit me një injorant.
Mesazhi është i qartë:
Rreziku më i madh nuk është të gabosh në analizë, por të zbresësh nivelin e debatit deri aty sa e vërteta të matet me zhurmën e turmës.
Postimi i plotë i avokatit Goxhaj:
Nuk është hall dhe aq i madh tu përgjigjesh të gjithëve në mijëra komente në 4 profile, në 2 rrjete këto javë. Halli im është kund tjetër.
Askush s’ka pse të bjerë dakort me projeksionet dhe analizat e mia për Trump & Co, por askush të mos bëhet qesharak dhe të më tregojë arat, se as ja kanë pas idenë politikës amerikane në 2016 kur unë bëja fushatë tek shqiptaro-amerikanët pro Trump, ndërkohë që 99% qeshnin, se as ua kapte mëndja që do fitonte Trump, dhe pse sondazhet fake bënin punën për të cilin paguheshin! Madje kaq i sigurtë ishte ky Palloshi ynë, sa tha se do bënte bujë me kosto zero, po ta shante në CNN!
Ndërsa kur po fitonte, prrallisnin se ai ishte proserb dhe do shiste Kosovën dhe budalliqe të tjera, jo po do bënte luftëra dhe do rrënonte SHBAnë dhe do merrte në qafë Shqipërinë!
Çdokush ka të drejtën e opinionit të vet por kur vijnë këtu dhe të më bëjnë të qutin duke më tregu se çfarë s’di dhe nuk kuptokam unë, e le më pastaj kur të japin dhe leksione bazuar në budalliqe interneti!
Është njësoj si ai kalamoni që mbaron klasën e parë, që sapo mëso abetaren vjen dhe i shan librin e fizikës kuantike komshiut akademik se “pse nuk ka figura me kukulla, është libër kot”!
Se sa të drejtë kam unë, na gjyko koha, por është fakt që videot dhe statuset e mia më virale, janë gjithmonë ato që i risjell më vonë, sepse kur shfaqeshin herën e parë, nuk u bënin përshtypje robve apo qeshnin në injorancë se u dukeshin absurde dhe pa kuptim (siç bënin me denoncimet e mia për Axhendën Soros të Shpopullimit më parë), ndërsa kur i rishfaq në kontekstin e ri, habiten se pse kisha qënë kaq i qartë dhe i saktë.
Unë kam pas të drejtë për Shqipërinë dhe Botën, jo se shti fall apo kam ndonjë talent psikik parashikimi, por sepse studioj dhe analizoj prej dekadash “gjeologjinë e gjeopolitikës”, i shpëtuar nga standardet shkollore të lavazhit të trurit dhe budallepsjes së “literaturës propagandistike akademike”, dhe kam qenë i qartë që kjo botë drejtohet nga elita e pedofilëve dhe Shqipëria ishte e kapur nga Kanceri Soros, prej të paktën 24 vjetësh (ndërkohë qartësinë e parë se kush kontrollon botën, e kam pas që në 1994 nga libri i ndaluar KOMPLOTI BOTËROR)!
Nuk është e lodhshme tu përgjigjesh të gjithëve, por kur budallai dhe injoranti fshihet mes njerëzve normalë dhe të vjen në murin e komenteve, dhe të jep leksione faqe të tjerëve dhe hajt ta kuptojnë të gjithë që ai është budalla apo injorant!
Sepse sfida reale është të mos përfundoj i ndëshkuar si ujku:
“Plas sherri midis gomarit dhe ujkut se çfarë ngjyre kishte bari: blu sipas gomarit apo jeshil sipas ujkut. Sherri për shkak të pëllitjeve të larta të gomarit mblodhi për sehir gjithë kafshët e pyllit, aq sa zgjohet nga zhurma dhe vjen edhe luani. Sa e pa ujku luanin i kërkoi që ta ndante këtë muhabet se kush kishte të drejtë. Luani e mori vesh pse po ziheshin dhe pa një, pa dy, i dha të drejtë gomarit! Plasi e qeshura mes sehirxhinjve dhe gomari iku me vrap i lumtur që të çonte haber te tufa e tij e gomerëve se si kishte fituar mbi ujkun që e repsektonin të gjithë për të mençëm deri në atë çast! Ujku që s’po i besonte veshëve u mek dhe s’po fliste dot! Sa iku gomari, mbledh veten dhe i kthehet i revoltuar luanit: “Po ti, pse i dhe të drejtë gomarit për një budallik si ky?”
Përgjigjen e luanit ju e dini!