Nga Redi Minga:
Në çdo vend normal, kur qeverisja degradohet, kur korrupsioni kap çdo qelizë të shtetit dhe kur pushteti shndërrohet në pronë private të një grupi të vogël oligarkësh e klientësh politikë, populli reagon. Por në Shqipëri, prej 34 vitesh tranzicion të pafund, ndodh krejt e kundërta: sa më shumë kalbet qeverisja, aq më i heshtur, më i lodhur dhe më i trembur bëhet populli.
Rilindja Sorosiane, e cila u prezantua si forca që do ta transformonte Shqipërinë, e ka çuar vendin në pikën më të ulët të historisë së vet moderne. Sot, shteti shqiptar është kthyer në një makineri kontrolli, vjedhjeje dhe propagande—një triumf i elitave të krijuara nga rrjeti i Sorosit, që me dhjetëra vite ka ushqyer çdo pushtet të korruptuar në vend.
Qeverisje e kalbur: nga kupola deri te qelizat e fundit të shtetit
Në krye qëndron një Kryeministër që nuk firmos, nuk merr përgjegjësi, por përdor “kurbane” sa herë që shpërthen ndonjë skandal. Nga ministrat tek drejtorët lokalë, administrata është e zhytur në afera, koncesione, PPP, tendera fiktivë dhe marrëveshje të errëta që drenojnë miliarda euro nga taksat e shqiptarëve drejt xhepave të besnikëve të pushtetit.
Asnjë institucion real kontrolli nuk ka mbetur. SPAK-u sillet si vegël politike, drejtësia e re si fasadë europiane, ndërsa media e blerë me reklama qeveritare dhe milionat e propagandës sorosiane hesht për krimet shtetërore.
Një popull i tredhur: frikë, lodhje dhe emigrim masiv
Shqiptarët sot janë të varfëruar, të zhgënjyer dhe të dorëzuar. Ka një lodhje të madhe kombëtare, një ndjenjë se askush nuk mund të ndryshojë gjë. Dhe pikërisht këtë ka dashur pushteti: një popull të tredhur, që nuk reagon, nuk pyet, nuk kërkon llogari, por ikën.
Mbi 1 milion shqiptarë kanë braktisur vendin në 10 vitet e fundit, ndërsa të tjerët presin radhën. Dhe ndërkohë që Shqipëria po boshatiset, qeveria bën eksperimente dhe marrëveshje të rrezikshme me interesa të huaja—duke e shitur vendin copë-copë.
E vërteta që nuk mund të fshihet
Ky pushtet nuk ka frikë nga drejtësia. Nuk ka frikë nga opozita.
Ka frikë vetëm nga një popull që zgjohet.
Por populli shqiptar, i tredhur ndër vite nga propaganda, varfëria dhe frika, tashmë po fillon të ndjejë se ka prekur fundin. Dhe kur një popull prek fundin, shpërthimi është i pashmangshëm.
Koha po vjen — dhe nuk ka propagandë që e ndal
Sa më shumë kalbet kjo qeveri, aq më i dukshëm bëhet fundi i saj. Shqipëria nuk do të mbetet përgjithmonë në duart e një rrjeti të korruptuar që ka shkatërruar çdo shpresë. Populli mund të jetë i lodhur, i tretur dhe i varfëruar, por historia e ka treguar: shqiptarët zgjohet gjithmonë në momentet më të errëta.
Ndalohet kopjimi pa lejen e portalit PatriotikMedia.al. Ky material është i mbrojtur sipas ligjit nr. 35/2016 për të drejtën e autorit dhe të drejtat e lidhura me të.