Nga Redaksia:
Një alarm i rëndë po ngrihet për fatin e kombit shqiptar: Shqipëria është zyrtarisht ndër vendet me nivelin më të ulët të lindjeve në botë — madje në disa tregues, e para për rënie drastike të natalitetit. Ky është një kërcënim i drejtpërdrejtë ndaj ekzistencës kombëtare, më i rrezikshëm se çdo krizë politike apo ekonomike.
Sipas të dhënave më të fundit nga institucionet ndërkombëtare të demografisë, në Shqipëri lindin më pak se 1 fëmijë për grua – një shifër katastrofike që, nëse vazhdon me këtë ritëm, do të përgjysmojë popullsinë brenda 30 viteve të ardhshme. Në shumë qytete të vogla dhe fshatra, maternitetet janë mbyllur, ndërsa shkollat fillore po shndërrohen në godina bosh.
Një komb që po plaket, pa trashëgimtarë
Në çdo cep të vendit po vërehet një fenomen dramatik: të rinjtë po largohen masivisht, çiftet qëndrojnë pa fëmijë për shkak të pasigurisë ekonomike, dhe shteti hesht. Ndërkohë që qeveria merret me propagandë dhe me projekte boshe, Shqipëria po zbrazet nga bijtë e saj.
Statistikat tregojnë se numri i lindjeve në vitet e fundit ka rënë nën 18 mijë, më i ulëti në gjithë historinë e vendit. Krahasuar me periudhën e viteve ’90, Shqipëria ka rreth 60% më pak lindje – një tregues që flet për zhdukjen graduale të një kombi.
Kush do ta mbrojë atdheun kur s’ka më bij shqiptarë?
Pyetja që sot duhet të tronditë çdo shqiptar është e thjeshtë: Kush do të jetë nesër këtu?
Kush do ta ruajë gjuhën, kulturën dhe kufijtë e këtij vendi, kur po shkojmë drejt një boshatisjeje të frikshme?
A është kjo pjesë e një plani për të shuar popullin më të lashtë të Ballkanit, për t’ia zëvendësuar vendin me emigrantë të importuar?
Rilindja pa lindje
Ironikisht, qeveria që vetëquhet “Rilindje” po e çon kombin drejt shuarjes demografike. Në vend që të mbështesë familjet e reja, ndihmon vetëm oligarkët dhe propagandon “barazi gjinore” dhe “modernizim” si justifikim për shkatërrimin e familjes tradicionale shqiptare — qelizës themelore të kombit.
Thirrje për zgjim kombëtar
Është koha që shqiptarët, kudo që ndodhen, të kuptojnë se ky është momenti më kritik i ekzistencës sonë. Pa fëmijë, s’ka të ardhme. Pa familje, s’ka komb.
Nëse nuk ngrihemi sot për ta mbrojtur jetën, nesër mund të mos ketë më kush të flasë shqip.
Ky material është pronë e Patriotikmedia.al dhe është i mbrojtur nga ligjet për të drejtën e autorit. Ndalohet riprodhimi, apo publikimi i plotë apo i pjesshëm i këtij materiali pa lejen e shkruar paraprakisht nga redaksia. Shkelësit do të përballen me pasojat ligjore sipas legjislacionit në fuqi.